Njelemiya 12:7 - Livulu lya Shukulu Kalunga

⁷ Shukulu Kalunga alinakwendeka ngwendi, “Njinaseze vaIsalele, njinavyana muyati wange wakwangula. Njinaana vanu vaje vanjazema mu mavoko a vitozi vavo.

Njelemiya 12:7 Iomraidhean Croise

2 Vimyene 21:14

Njikakengesa nima vanu vaje vakasalao vacili nakuyoya, co vitozi vavo vakavafungulula nakupukula lifuti lyavo.

Myaso 106:40

Ngecivene, Shukulu Kalunga waluvalele na vanu vendi, co wazivile vunyengwe omo vakevo.

Myaso 78:62

Waluvalele manene na vanu vendi, co watavele ngeci vitozi vavo vavatsiye.

Isaya 2:6

Yove Njambi unavyana vanu vove, vatekulwila va Yakomba! Lifuti lyavo linashulu na vilinga vya manseno vya ku ngangela na ku Filisitiya. Vanu valinakukava futisi ya vangenzi.

Njelemiya 11:15

Shukulu Kalunga alinakwendeka ngwendi, “Vanu vanjazema valinakulinga vyuma vyavivi. Vuvwa mukajo valinavwo ngeci vakale mu Njuvo yange? Kuma vayongola ngwavo vasa kuvindika tuyando akulinga vikulaeso nakukombelela vin̄ombelo vya tusitu? Kuma vije vikavavwaelelesa ndi?

Njelemiya 14:19

Shukulu Kalunga, kuma unavyana vene Yunda ndi? Kuma wazinda vanu va ku Siyone ndi? Omwo vikajo watuvulumwina mwamuvi ngacije ngeci kutwesi nakukanguka? Twakengelelele kwoloka, oloni nacimo cacivwa calingiwile cai, cinyangavili cetu capwile cakwinduka, oloni kwezile lika tuyando.

Njelemiya 17:4

Mukaseza lifuti eli linjamyanene, co njikamyecelela ngeci mukapangele vitozi veni mu lifuti lije kumuzivuka, omwo vukalu vwange vwapwa ngwe tuhya, co vukashwama ku myaka yoshe.”

Njelemiya 22:5

Oloni nga kumwononoka mashiko ange, co njilisinga ngwange lipela eli likasiwuka nakunyonga. Yange Kalunga, njinendekamo.

Njelemiya 23:33

Shukulu Kalunga wendekele kuli yange ngwendi, “Njelemiya, nga umo wa ali vanu vange, nambe muka-kwimanena, nambe muka-kukombelela akwihula ngwendi, ‘Citele ca Shukulu Kalunga cika?’ Valeke ngwove, ‘Yeni munapu citele kuli Shukulu Kalunga, co ikeye akamyumbila kuti.’

Njelemiya 23:39

mwa vushunga vene njikavambata, co njikavombila kuti, amolika na vakevo na nganda ije injanene kuli vakevo na kuli vakukulwila vavo.

Njelemiya 51:5

Yange Kalunga Njambi Muka-nzili yoshe, kunjasezele vanu va mu Isalele na vanu va mu Yunda, nameme vanalingi vuvi ku mesho ange muka-kujela wa Isalele.

Njelemiya 7:14

Ngecivene, vije njalingile ku Shilo, vikevyo vinjikalinga ku Njuvo yange ije mwakulaela. Ku mwela uno vene unjaanene kuli vakukulwila veni amo neni, njikalinga cuma cimo vene ngeci cije njalingile ku Shilo.

Njelemiya 7:29

“Yeni vanu va mu Yelusalema, lileni, teuleni vin̄ambu vyeni muvyumbile kuti. Imbeni myaso ya vusiwa akamwa ya malundu, omwo yange Kalunga njinaluvala, co njinamivyana.

Ezekiyele 24:21

ngeci njileke vaIsalele ngwange, ‘Mulinakulyalesela a Njuvo ya Shukulu Kalunga. Yeni mulinakushaka kuyikenga nakusikamenamo, oloni Shukulu Kalunga akaishawisa. Co vana veni va vanalume na ava va vanakazi vaje vanasala mu Yelusalema vakavatsiila mu nzita.

Hoziya 11:1

Shukulu Kalunga alinakwendeka ngwendi, “Omo Isalele wapwile mwanike, njamuzemene, tunde a simbu ije watundile mu Ingito, co njamutumbwile ngwange munange.

Hoziya 9:15

Shukulu Kalunga alinakwendeka ngwendi, “Vilinga vyavo vya vuvi vyoshe vyashangumukilile mu Ngilingale. Kuje vene kukekwo njashangumukilile kuvazinda. Omwo a vuvi vuje vuvanalingi, co njikavasheka mu lifuti lyange. Kunjikavazeme lalo nalumo lwai, vantwama vavo voshe vananjitengulukila.

Njwele 2:15

Imbeni lupembo a Munkinda wa Siyone, shikeni lishiko lyakulikela kulya, co saneni mbunga!

Njwele 3:2

Njikakungulula miyati yoshe nakuvanena mu Cana Cakusompela. Njikavasompesa a vyoshe vije vivalingile kuli vanu vange. Vanashandwela vaIsalele mu mafuti a vungenzi, co vanalipangezela Isalele lifuti lyange.

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

Kwituluka mu Mashiko 33:12

A muyati wa Mbenjemani Mosesa wendekele ngwendi, “Ou ukewo muyati wazema Shukulu Kalunga nakuunyunga. Ikeye akavanyungu a litangwa na litangwa, akakala akati kavo.”