Njelemiya 12:6 - Livulu lya Shukulu Kalunga

⁶ Nameme naanga yove vanakutengulukila, vanalipandakana na vaje vaka-kukulwisa. Kesi uvakulaele embwe, nameme vendeka majwi akuseveleka.”

Njelemiya 12:6 Iomraidhean Croise

Yombi 6:15

Oloni yeni vasamba vange munanjikwisa, ngwe vana va vindonga vaje vakuma a simbu ya lilanga.

Myaso 12:2

Vanu voshe valinakwendeka makuli kuli umo na mukwavo, nakulikwisa umo na mukwavo na vyuma vyakuseveleka.

Myaso 12:3

Yove Shukulu Kalunga, olwesa majwi a vaka-kuseveleka, co shoka tunwa twa vaka-kulishasha! Vaje vendeka ngwavo,

Myaso 69:8

Yange njinapu ngwe nji mungenzi kuli vandolome vange, njinapu ngwe nji muka-kwija ku naanga yange.

Visimo 23:8

Ukashanja vyoshe vije viwunali, co visimutwiya vyove vyavivwa, vyoshe vikaviya.

Visimo 26:25

Majwi endi asa kupwa amavwa, oloni kesi uwakulaele, omwo mbunge yendi inashulu manene na cizindo.

Isaya 31:4

Shukulu Kalunga wendekele kuli yange ngwendi, “Njikana nakulwa ngwe ndumba wa vukalu uje kasa kutewa mitambi ya tunyungi vaje veseka kwamena vimanga vavo. Omu mukemwo yange Kalunga Muka-nzili yoshe njikashuluka nakulwa a Munkinda wa Siyone.

Njelemiya 11:19

Njafwile ngwe muna manga wa kulongwa, uje vatwala mukumutsiya, co kunjazivukile cuma nacimo cai a matumbe awa. Vakele nakwendeka ngwavo, “Tushinjeni ou muti simbu ucili wauvwa, ijeni tumutsiye ngeci naumo wai akamwanuka.”

Njelemiya 11:21

Vanalume va ku Anatote vashakele kunjitsiya, co vanjilekele ngwavo tukutsiya nga ucitwalao kwambulula lijwi lya Shukulu Kalunga.

Njelemiya 20:10

Njinazivi vanu vavangi vanjifweya ngwavo, “Kwoshe-ikwoshe kuli munjunju! Tumwambululeni ku vaka-kushwana!” Nameme vene vasamba vange va a mbunge vanavandamena ngeci njiwe. Vendeka ngwavo, “Amo twasa kumukwisa ngeci tumukwate tumulinge shambandinga.”

Njelemiya 9:2

Tawee, ngwe njakele na mutambela wakutumbama mu mambo kunjashondoloka kuli vanu vange. Omwo voshe vanapu vaka-vungungu.

Njelemiya 9:3

Simbu yoshe vendeka makuli, makuli anatumu mu lifuti kumwesi vushunga embwe. Shukulu Kalunga nendeka ngwendi, “Vanu vange valinakulinga vuvi simbu yoshe, co kuvesi nakumba mbunge kuli yange Njambi yavo.”

Njelemiya 9:4

Munu na munu napande kunyunga mukwavo, naumo wai akulaela ndolome yendi, omwo ndolome woshe napu muka-kukwisa ngwe Yakomba, co munu woshe ashaka kufweya musamba wendi.

Njelemiya 9:5

Voshe vakalikwisa umo na mukwavo, co naumo wai endeka vushunga, valilongesa kwendeka makuli, kuvakecela vuvi vwavo.

Mateo 10:21

“Vanu vakatwala vasamba vavo ku kutsa, co vaishavo vakalinga kuli vana vavo cifwa eci lalo, co vana vakatengulukila visemi vavo nakuvatwala ku kutsa.

Mako 12:12

Co vantwama va vaYunda vashakele kukwata Yesu, omwo vazivukile ngwavo Yesu navatela cisimo eci mukuvalwisa. Oloni vazivile lyova lya mbunga ya vanu, ngecivene, vamusezele, co vaile.

Yowano 7:5

(Omwo nameme vandolome vendi kuvamukulaelele.)

Vilinga vya Miluwa 16:22

Co mbunga yoshe valizivasanene kulwisa Paulu na Silasi. Asinoni vaje vamyata vatavwile vikoveyo vya Paulu na Silasi nakushika ngeci vavapupe.

Vilinga vya Miluwa 18:12

Oloni omo Ngaliyo wapwile nguvulu wa vaLoma mu Akaya, vaYunda valikungulwile amo vakwatele Paulu nakumutwala ku mbanja yakusompela.