Njelemiya 12:3 - Livulu lya Shukulu Kalunga

³ Oloni Shukulu Kalunga, yove unjizivuka, ukamono vinjikalingi nomu munjakuzema. Kokela vitozi vange kulyala vapwe ngwe vimanga vaje vaya mukuvatsiya, vanyunge noo simbu yavo yeta yakuvatsiya.

Njelemiya 12:3 Iomraidhean Croise

2 Vimyene 20:3

“Shukulu Kalunga, anuka ngeci yange njakupangela nakukukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

Yombi 23:10

Oloni Njambi azivuka ngila ije injilinakwenda, omo anjeseka, co njikatundamo ngwe ngolinde yakujela.

Myaso 11:5

Ikeye alinakwilula vaka-vushunga na vaka-vuvi, oloni wazinda vaka-kapopolwezi na mbunge yendi yoshe.

Myaso 139:23

Njiilule ngeci uzivuke mbunge yange yove Njambi, njeseke, ngeci uwane viyongola vyange.

Myaso 17:3

Yove uzivuka mbunge yange. Yove unaija kuli yange a simbu ya vutsiki. Unanjiilula mwamuvwa, co kuwawanene mashungu a vuvi muli yange.

Myaso 26:1

Yove Shukulu Kalunga, njakwile mu vushunga akujeneka mulonga, omwo njikalingi vya vushunga, nakukukulaela na mbunge yange yoshe.

Myaso 7:9

Yove u Njambi wa vushunga, wilula viyongola vyetu na vizango vyetu. Vindika vilinga vya vanu vya kupenga-penga, oloni nyunga voshe vaka-kukwononoka.

Njelemiya 15:15

Asinoni njendekele ngwange, “Yove Shukulu Kalunga wazivuka. Njanuke nakunjikwasa. Njilingile shambandinga vaje valinakunjipakesa. Kesi utetele vitozi vange simbu kanda vanjitsiye, vyoshe evi vilinakwija ali yange omwo ali yove.

Njelemiya 17:16

Oloni Shukulu Kalunga, yange ni kunjalikelele kupwa kanyungi kove, co kunjayongwele litangwa lya tuyando. Shukulu Kalunga, wazivuka vije njendekele.

Njelemiya 17:18

Vayesa vaje vanjiyandesa, oloni kesi unjizivise shwamwa, vajujwise, oloni Shukulu Kalunga, yange kesi unjijujwise. Nena tuyando ali vakevo nakuvanyongesa.

Njelemiya 20:12

Oloni Shukulu Kalunga Muka-nzili yoshe, ukelula vanu mu vushunga, uzivuka vili mu vimbunge vyavo na mu viyongola vyavo. Ngecivene, njishaka kumona muulinga shambandinga na vitozi vange, omwo njinakuleke n̄anda yange.

Njelemiya 48:15

Mowavi na vinganda vyamwo vanavinyongesa, vakwenje vamwo vavavwa vanavatsii. Yange njapwa mwene, Kalunga muka-nzili yoshe, njinendekamo.

Njelemiya 50:27

Tsiyeni mashwalale va Mbambilone voshe! Vatsiyeni! Vanu va ku Mbambilone vanavindama! Simbu yavo yakuvanyanyamesa inete!”

Njelemiya 51:4

Mashwalale vavo vakavetwa, co vakatsila mu vitapalo vya mu vinganda vyavo.

Yowano 21:17

Yesu wendekele simbu yamucitatu ngwendi, “Simoni muna Yowano, wanjizema ndi?” Petulu wakele na vusiwa omwo Yesu wamwihwile simbu yamucitatu ngwendi, “Wanjizema ndi?” Co Petulu wendekele kuli ikeye ngwendi, “Mwene yove uzivuka vyuma vyoshe, uzivuka ngeci njakuzema!” Yesu wendekele kuli ikeye ngwendi, “Nyunga vimanga vange.

Yakomba 5:5

Kuyoya kweni kwa ano asi kunapu kwa mbwase nakuvwaelela. Munalinunisa yeni vavenya ku litangwa lyakumitsiya.

2 Petulu 2:12

Oloni vanu ava valinakupanga na mana ngwe a tusitu, vasemukilile mu shwata nakuvakwata na mukuvatsiya, vakevo valinakulwisa na kashaundu vyuma vije kuvazivisisa. Vakavanyongesa ngwe tusitu,