Njelemiya 12:15 - Livulu lya Shukulu Kalunga

¹⁵ Oloni omo njinavatundisamo, njikavazivila mema ku mbunge, nakuvelwisila lalo mu lifuti lyavo.

Njelemiya 12:15 Iomraidhean Croise

Njelemiya 16:15

Oloni vakalisinga nakwendeka ngwavo njapwa Njambi wakuyoya, uje watundisile vanu va Isalele ku lifuti lya ku kunto na ku mafuti oshe aje njavashandwelele, co njikavelwisila mu lifuti lyavo, lifuti lije linjanene kuli vakukulwila vavo. Yange Kalunga, njinendekamo.”

Njelemiya 24:6

Njikavanyunga nakuvelwisila lalo mu lifuti eli. Yange vene njikakala navo. Kunjikavashandola embwe, njikavakongweya, kuvakatundumo embwe.

Njelemiya 29:14

Eyo, njendeka ngwange, mukanjiwana, co njikamiilwisila mu lifuti lyeni lalo. Njikamikungulula kutunda mu mafuti oshe, nakutunda mu mitambela yoshe muje munjamishandwelele, co njikamiilwisa nakuminena mu lifuti muje mumwatundile, omo njamitwalele mu vunzinda. Yange Kalunga, njinendekamo.’

Njelemiya 3:12

Shukulu Kalunga wanjilekele ngeci njikendeke kuli Isalele ngwange Shukulu Kalunga nendeka ngwendi, “Isalele wakujeneka kulongwa iluka kuli yange. Yange muka-mema ku mbunge, co kunjikakuluvalela ku myaka yoshe.

Njelemiya 3:17

Simbu ikaija omo Yelusalema vakaitumbula ngwavo, ‘Litanda lya Shukulu Kalunga,’ co miyati yoshe ya vanu vakakungulukilako mukunjilemesa. Co kuvakakavangeya vilinga vya vimbunge vyavo vyakukaluwa.

Njelemiya 4:2

cikapwa ca vushunga kulisinga mu lizina lyange. Asinoni miyati ya vanu voshe vakanjilomba ngeci njivavezikise, co vakanjishangazala.”

Njelemiya 48:47

Oloni ku matangwa a kulutwe, Shukulu Kalunga akavwaesa lalo Mowavi. Vyoshe evi vyanendeka Shukulu Kalunga, vikalingiwa ku Mowavi.

Njelemiya 49:39

Oloni kulutwe njikavezikisa lalo vanu va Elame. Yange Kalunga, njinendekamo.”

Njelemiya 49:6

“Oloni kulutwe njikavezikisa lalo Amoni. Yange Kalunga, njinendekamo.”

Ndanyele 11:4

Oloni a simbu yendi yakushwana, co vumwene vwendi vukalyangunuka mu mitambela iwana. Co vimyene vaje kesi vatekulwila vendi vakashwana mu lipela lyendi, oloni kuvakakala na nzili ngwe ikeye embwe.

Amose 9:14

Njikelwisa vanu vange ku lifuti lyavo. Vakatungulula vinganda vyavo vije vyasiwukile, co vakakalamo, vakakuna vitungu vya mikolovozi ya vushuka vwa vinyu, nakunwa vinyu, vakalima vitungu nakulya vije vanalimimo.

Kulava 32:18

Kutukeluka lalo ku membo etu noo vaIsalele voshe vanatambula munu na munu vushwana vwendi.

Vilinga vya Miluwa 15:16

‘Shukulu Kalunga alinakwendeka ngwendi, munima ya vyuma evi njikeluka nakwilwisa lalo vumwene vwa Ndaviti. Njikavutungulula nakuvukolesa lalo.

Kwituluka mu Mashiko 3:20

Kwaseni vavushoko vweni vaIsalele noo vanatambula lifuti lije lyakavana Shukulu Kalunga lije lili mu kangombe ka yambi ka Yondau, noo Shukulu Kalunga navatavesa kukala muje mu kwoloka ngwe mwanamilingila laja yeni kuno. Munima yevi, co mukeluka ku lifuti eli linjinamyana.’

Kwituluka mu Mashiko 30:3

asinoni Shukulu Kalunga Njambi yeni akamizivilako mema ku mbunge. Co akamitundisa ku miyati ije wamishandwelele, co akamivezikisa lalo.