Njelemiya 12:13 - Livulu lya Shukulu Kalunga

¹³ Vanu vange vakuvile tiliku, oloni vatejele shaku, vaundanganene manene oloni nacimo cai vawaneneo. Omwo vukalu vwange vwakama, ngeci vanonwa kuteja vimbuto vyavo.”

Njelemiya 12:13 Iomraidhean Croise

Myaso 78:62

Waluvalele manene na vanu vendi, co watavele ngeci vitozi vavo vavatsiye.

Isaya 55:2

Omwo vikajo muviisila vimbongo a vyuma vije kuvyapwile vyakulya? Omwo vikajo muundanganena cuma cije kucasa kumikutisa? Tolilileni kuli yange nakulinga vije njendeka, co mukavwaelela na vyakulya vyavivwa manene.

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Njelemiya 4:26

Lifuti lya vwilo lyapwile mambo, na vinganda vyalyo vyasiwukile, omwo vukalu vwakama vwa Shukulu Kalunga.

Njelemiya 9:5

Voshe vakalikwisa umo na mukwavo, co naumo wai endeka vushunga, valilongesa kwendeka makuli, kuvakecela vuvi vwavo.

Hoziya 8:7

Omo vakuna lihunzi, vateja kankumba! Nga vimbuto vyakulinga makende kuvihi kuvasa kulinga makende embwe. Oloni nameme vihya, vaka-kwija vakavilya vyoshe njwa!

VaLevi 26:16

co njikalinga evi, njikamitumina mishongo yaikalu ya lulanga na lisika-sika, ikamipwisa vupuputwa nakuminyongesa, co mukalima vimbuto vyeni, oloni kuvikamikwasa, omwo vitozi veni vakamifungulula, co vakalya vije vimwalimine.

VaLevi 26:20

Co vipangi vyeni vyoshe vya nzili kuvikamikwasa, omwo livu lyeni kulikamenesa vimbuto, co na miti lalo kuyikemi vushuka vwai.

Mika 6:15

Mukakuna vimbuto, oloni kumukaviteje. Mukakamuna mazi ku olive, oloni kumukaavwava. Mukalinga vinyu, oloni kumukavinu.

Hambakuke 2:13

Miyati ya vanu vaje mwafungulwile valipakesele ngoco vipangi vyakujeneka seo, co vyoshe vije vivatungile vinenye na tuhya. Shukulu Kalunga Muka-nzili yoshe ikeye walingile vyuma evi.

Hangai 1:6

Yeni mwalimine vimbuto vyavingi manene, oloni mwatejele vyavindondo lika. Muli na vyakulya ngeci mulye, oloni kumwapwisilemo ngeci mukute. Muli na vinyu ngeci munwe, oloni kumwapwisilemo ngeci mupende! Mulinakuzala, oloni kumwesi nakuziva ntwima embwe. Co lalo muka-kupanga kesi nakuwana cuma cakumuyoyesa.

Hangai 1:9

“Mwashakele kuteja vimbuto vyavingi manene, oloni vyapwile vyavindondo. Omo mwanenele vije vimwatejele kwimbo, co njavipekumwine. Omwo vikajo njalingile ngacije? Omwo Njuvo yange yasiwukile, munu na munu naungama na vipangi vyakutunga njuvo yendi.

Loma 6:21

Oloni vikajo mwawaneneo akulinga vyuma vije ololo mulinakuvizivila shwamwa? Fweto ya vyuma vije inapu kutsa!

Kwituluka mu Mashiko 28:38

“Co mukakuna vimbuto vyavivwa, oloni mukateja lika vyavindondo omwo vimbimba vakalya vimbuto vyeni.