Njelemiya 12:12 - Livulu lya Shukulu Kalunga

¹² Ku mitambela yoshe ya lifuti lya malundu amalaja mu mambo, vanu vanaija nakupukula, njinatumu nzita inyongese lifuti lyoshe, co naumo wai akakala mu kwoloka.

Njelemiya 12:12 Iomraidhean Croise

Isaya 34:6

Mukwale wendi ukashula na maninga na mazi avo, ngwe maninga na mazi a vana va vimanga na vimembe vakukombelela. Shukulu Kalunga akatsiya vanu vavangi nakuvapwisa n̄ombelo mu nganda ya Mbozile, na mu mitambela yeka ya mu lifuti lya Endome.

Isaya 57:21

Shukulu Kalunga alinakwendeka ngwendi, “Kukwesi kuhwima kuli vaka-vuvi.”

Njelemiya 15:2

Nga vakwihula ngwavo kulijo kuvanapande kuya, valeke ngwove yange Kalunga njinendeka ngwange, ‘Vaje vanapande kutsa ku mushongo, vatse vene ku mushongo! Vaje vanapande kutsa ku nzita, vanapande vene kutsa ku nzita! Vaje vanapande kulanduka ku njala ya lyangengela, vanapande vene kulanduka ku njala ya lyangengela! Vaje vanapande kuvatwala mu vunzinda, vanapande vene kuvatwala mu vunzinda!’ ”

Njelemiya 16:5

“Kuwapandele kukovela mu njuvo muje valinakulila. Kesi ukazivile vusiwa a munu umo. Omwo njinatundisa kwoloka kuli vanu ava, na cizemo, na mema ku mbunge.

Njelemiya 25:11

Lifuti lyoshe eli likapwa ngundu, likapwa mutambela wakukomokesa, co miyati ya vanu vavanalyata navo vakapangela mwene wa Mbambilone myaka makumi atanu na avali.

Njelemiya 3:2

Kenga akamwa ya malundu. Kuma kuli mutambela umo kuje kuwajenekele kulingilako vupangala ndi? Yove wakele nakuvandamena vikwizi kumukulo wa tapalo, ngwe kaAlambe avandamena vanu mu mambo. Yove unajwalesa lifuti na vukwizi vwove.

Njelemiya 3:21

Vanazivi muyoyo akamwa ya malundu, vanu va Isalele valinakulila nakulambelela, omwo vanakele nakuyoya mu vuvi co vanevala Shukulu Kalunga Njambi yavo.

Njelemiya 30:5

“Njazivile mutambi wakujajesa, mutambi wa lyova kesi wa kwoloka.

Njelemiya 34:17

Ngecivene, yange Kalunga, njinendeka ngwange kumwanjononokele, kumwanene vakweni vaIsalele kupatuka kwavo. Mwamuvwa oni, njikamyana kupatuka, kupatuka kwakutsila mu nzita, na ku mushongo, nakulanduka ku njala ya lyangengela. Njikamiyevanganesa akati ka miyati ya vanu voshe va mu kaye. Co vakakomoka a vije njikalinga ali yeni.

Njelemiya 4:27

(Shukulu Kalunga nendeka ngwendi kaye koshe kakapwa mambo, oloni kukakanyongo embwe.)

Njelemiya 46:10

Eli likelyo litangwa lya Shukulu Kalunga wa Akamwa ya Vyoshe Muka-nzili yoshe, litangwa lya lelo akalinga shambandinga, litangwa lya lelo akanyanyamesa vitozi vendi. Mukwale wendi ukavatapa, nakunwa maninga ngwe munu. Litangwa lya lelo Shukulu Kalunga Muka-nzili yoshe akombelela n̄ombelo ya shambandinga ku kunto, ku Ndonga ya Yufuleti.

Njelemiya 47:6

Mulinakulila ngweni, ‘Mukwale wa Shukulu Kalunga! Visimbu vingaijo ukatwalao kutetanga? Iluka mu cindalo cove, co kala muje uhwime!’

Njelemiya 48:2

vanu kuvashangazala lalo Mowavi, vitozi vanafungulula Heshevone, co vayongola kunyongesa muyati wa Mowavi. Nganda ya Mandemene ikoloka kuluu, mbunga ya mashwalale vakailwisa.

Njelemiya 8:15

Twakengelelele kukale kwoloka na simbu ya vukangule, oloni kuvyakeleko kwakele lika lyova.

Mbimbi 3:17

Co njinevala muvwafwa vukangule, kwoloka nakuvwaelela.

Ezekiyele 14:17

“Nambe nga njanenele nzita a lifuti lije, nakutuma vitwa vyakunyongesa, nakuzilula vanu na tusitu mu cifwa cimolika,

Ezekiyele 21:28

“Muna munu, ambulula vuka-kwimanena. Ambulula evi yange Kalunga wa Akamwa ya Vyoshe, njilinakwendeka kuli vaAmoni vaje valinakushaula Isalele, endeka kuli vakevo ngwove, ‘Mukwale vanauvwaesela cimweja kunyongesa, vanaukalula mukutsiya, uvyakula ngwe muhyato.’

Ezekiyele 21:4

Mukwale wange ukatapa munu woshe wa ku kunto na ku mbwela.

Ezekiyele 21:8

Shukulu Kalunga wendekele kuli yange ngwendi,

Ezekiyele 21:9

“Muna munu, ambulula vuka-kwimanena ngwove yange Kalunga njinendeka ngwange, ‘Mukwale vanaukalula nakuwotola.

Ezekiyele 5:2

Enyekela mutambela wamucitatu wa vin̄ambu mu nganda omo nzita inahu. Co nona mutambela ukwavo wamucitatu nakuutetanga na mukwale wove omo ulinakulizenga ku nganda. Umbila mutambela uje wanasalao wamucitatu mu lihunzi, co njikavakava na mukwale wange.

VaLevi 26:33

Co nzita ikaija akati keni yakumishandwela ku mafuti eka. Mu lifuti lyeni mukapwa mwangoco, na membo akapwa vingundu.

Amose 9:4

Nambe nga vitozi vavo vakavatwala ku vunzinda, co njikavashika ngeci vakavatsiye. Njinayongola kuvanyongesa, kesi kuvakwasa embwe.”

Zefaniya 2:12

Co Shukulu Kalunga lalo akatsiya vaka-Sundane.

Kwituluka mu Mashiko 32:42

Mikili yange ikandweka na maninga avo, co mukwale wange ukatsiya voshe vaje vaka-kunjipopolola. Naumo wai injikayoyesa akati ka vaje vaka-kunjilwisa, nameme vishwalonda na vinzinda vakatsa.’

Kujombolola 6:4

Co kavalu mukwavo lalo watuukile, wapwile wakuvenga. Uje walondeleo vamwanene nzili yakunena nzita ano asi, ngeci vanu valitsiye umo na mukwavo. Vamwanene moko yakama ya mukwale.