Njelemiya 12:11 - Livulu lya Shukulu Kalunga

¹¹ Vanalipwisa ngundu, linasala lyangoco ku mesho ange ngwe ngundu. Lifuti lyoshe linapu mambo ku mesho ange, co naumo wai nombuko mbunge.

Njelemiya 12:11 Iomraidhean Croise

Muka-kwambulula 7:2

Mwamuvwa kuya ku njuvo kuje kuli vusiwa, kutuvakana kuya ku njuvo kuje kuli ciwano, omwo vaje valinakuyoya vanapande kulyanukisa ngeci kutsa catuvandamena yetu voshe.

Isaya 42:25

Ngecivene, twazivile nzili ya vukalu vwendi, nakumona tuyando twa nzita, vukalu vwendi vwashukumine mu Isalele ngwe tuhya, oloni kutwazivukile vije vyalingiwile, nacimo cai twalilongeseleo.

Isaya 57:1

Vaka-vushunga valinakuvakokangeya nakuvatsiya, oloni naumo wai ombako mbunge. Vuvi vulinakuvapekumwina kulyala.

Njelemiya 10:22

Tolilileni muzimbu unaija! Kuli kalwa kakama manene ku lifuti lya ku kunto, mashwalale vakwo vakanyongesa vinganda vya mu Yunda, nakuvipwisa mutambela wakukala vimbanje.”

Njelemiya 10:25

Vukalu vwove vwije a miyati ije kuvesi kukulemesa, na ali vanu vaje vaka-kukuvyana. Vanatsii vanu vove, vanatunyongesa njwa nakuseza lifuti lyetu ngundu.

Njelemiya 14:2

“Yunda alinakulila omwo vikolo vyamwo vinazeye, vanu vamwo vanatumbama asi valinakulila, co Yelusalema ilinakulila manene.

Njelemiya 19:8

Co njikaviisa manene Yelusalema ngeci vanu voshe vakaitako vakalikasamena nakuziva lyova.

Njelemiya 23:10

Lifuti lyashulu na vanu vakujeneka kulongwa kuli Shukulu Kalunga vapangesa nzili yavo mukulinga vyuma vyavivi. Omwo ya cisingo ca Shukulu Kalunga lifuti lilinakulila, co mu vyana vyakulila vimuna munomu cau.

Njelemiya 25:11

Lifuti lyoshe eli likapwa ngundu, likapwa mutambela wakukomokesa, co miyati ya vanu vavanalyata navo vakapangela mwene wa Mbambilone myaka makumi atanu na avali.

Njelemiya 4:20

Tuyando tulinakulikavasana, lifuti lyoshe lyasala mupulungwa. Ololo vimbalaka vyetu vinanyongo, mavamba avyo anatavozoka tavu-tavu.

Njelemiya 4:27

(Shukulu Kalunga nendeka ngwendi kaye koshe kakapwa mambo, oloni kukakanyongo embwe.)

Njelemiya 4:28

Kaye kakalila, co lilu likazivala. Shukulu Kalunga nendekamo, co kakatengulula viyongola vyendi. Mukemwo mwanayongola, co kakatengululako mweka lalo.

Njelemiya 6:8

Eni vanu va mu Yelusalema, tuyando otu tupwe twakuminangula, kutewa njikamiseza, co nganda yeni njikaipwisa mambo, muje naumo wai akakalamo.”

Njelemiya 9:10

Njelemiya wendekele ngwendi, “Njikalilila minkinda, co lalo njikalinyenga mitambela kwakulila vimuna, omwo vinomu cau, co naumo wai alinakwendamo. Naumo wai aziva vingombe omo vatamuna, co tuzila na tusitu vanatewa vanai.”

Njelemiya 9:11

Shukulu Kalunga alinakwendeka ngwendi, “Njikapwisa Yelusalema mambo, na vinganda vya mu Yunda kupwa mambo muje mukayoyela vimbanje, ukapwa mutambela uje naumo wai akakalamo.”

Njelemiya 9:9

Kuma kunjikavanyanyamesa a vyuma evi ndi? Kuma kunjikalingi shambandinga a muyati wa cifwa cangeci ndi? Yange Kalunga, njinendekamo.”

Njwele 1:10

Mahya anaviya, lifuti lilinyenga, omwo vimbuto vinanyongo, na mikolovozi ya vushuka vwa vinyu inomu yoshe cau, na miti ya olive yajujwama.

VaLevi 26:32

Co njikanyongesa lifuti lyeni lyoshe njwa, ngeci vitozi vaje vakakalamo vakalisimoke akuviya kwangacije.

Zakaliya 7:5

Shukulu Kalunga wendekele kuli yange ngwendi, “Leka vanu voshe va mu lifuti na vaka-kukombelela ngwove omo mwalikelele kulya nakulila ku ngonde yamucitanu na ku ngonde yamucitanu na vivali mu myaka eyi makumi atanu na avali, kumwanjisingimikile embwe.

Malakiya 2:2

Munapande kunjisingimika a vije mulinga. Nga kumutolilila ku vije vinjendeka, co njikamisinga. Co njikasinga vyuma vije vyakumikwasa vivakamyana. Mwa vushunga njinavisingi laja, omwo kumwesi kumbako mbunge ku mashiko ange.

Loma 8:22

Omwo twazivuka ngeci kweta na ku simbu ino vyakutanga vyoshe vilinakukemanga ngwe munakazi uje ashaka kukita mwana.