Njelemiya 12:1 - Livulu lya Shukulu Kalunga

¹ Yove Shukulu Kalunga, simbu yoshe wapwa u muka-vushunga, omo njinena n̄anda yange ku mesho ove. Nameme ngoco njinapande kukwihula a vushunga vwove. Omwo vikajo vaka-vuvi valinakuyoya mwamuvwa? Omwo vikajo vaka-vungungu vavezika?

Njelemiya 12:1 Iomraidhean Croise

Kushangumuka 18:25

Kuukasa kunyongesa vaka-vushunga amolika na vanu vaka-vuvi. Omwo ni kucitava! Kuukasa kulinga ngacije embwe! Nga cikafwa ngacije, vaka-vushunga vakavasompe ngwe vaka-vuvi. Nga ngoconi, co cacikalu. Yove u muka-kusompa wa ano asi oshe, co ukalingi mwa vushunga.”

Ezela 9:15

Yove Shukulu Kalunga Njambi ya Isalele, yove muka-vushunga, yove unatava ngeci yetu tuyoye. Tulitavela mulonga wetu kuli yove, kutwapandele kwimana ku mesho ove.”

Nehemiya 9:33

Yove walingile mwamuvwa kutuhisa, yove wapwa wa kulongwa, nameme twalingile vuvi.

Yombi 12:6

Oloni vezi na vaka-vuvi valinakuyoya mu kwoloka, nameme nzili yavo vavenya, ikeyo vapwisa njambi yavo.

Yombi 13:3

Oloni njishaka kwendeka kuli Muka-nzili yoshe. Co njishaka kulihozola na Njambi a mulonga wange.

Yombi 24:12

Mu vinganda, vaje vanavetwa, na vaje valinakuvinjoka valinakuteta, oloni Njambi kombuko mbunge ku malombelo avo.

Yombi 24:23

Njambi amutava ngeci ayoye mwamuvwa, oloni simbu yoshe alinakukenga lisho ali ikeye.

Yombi 8:17

Co mizi yavyo ilizengelela a mutumbo wa mamanya, co vikala mukati ka mamanya.

Myaso 116:5

Shukulu Kalunga wapwa muka-ngozi na muka-vushunga, eyo, Njambi yetu wakala na mema ku mbunge.

Myaso 119:137

Yove wapwa u muka-vushunga Shukulu Kalunga, na mashiko ove lalo apwa a vushunga.

Myaso 119:75

Njazivuka ngeci mashiko ove apwa a vushunga yove Shukulu Kalunga, yove wapwa wa kulongwa ngeci wanjihisile.

Myaso 145:17

Shukulu Kalunga wapwa wa vushunga mu vyuma vyendi vyoshe vyakalingi, wakala na mema ku mbunge mu vilinga vyendi vyoshe.

Myaso 37:1

Kesi ulishoshomwene ali vaka-kulinga vuvi, nambe kuliveyela vaje valinga vya kupenga-penga.

Myaso 37:35

Njamwene muka-vuvi uje wakele na vukalu, ikeye wahyanene munu woshe ngwe muti wa kendale wa ku Lembanone.

Myaso 51:4

Njinavulumuna kuli yove, kuli yove lika njinavulumuna, co njinalingi vyavivi ku mesho ove. Ngeci yove ushungamese omo unjisompa nakwendeka ngeci njili na mulonga.

Myaso 51:6

Kukulaela na vushunga vikevyo viwashaka, njishulise na mana ove.

Myaso 92:7

nameme vaka-vuvi vakola ngwe mwila, na voshe vaka-kulinga vyavivi vakala na vufuko vwavungi, vakavanyongesa ku myaka yoshe,

Visimo 1:32

Vaka-kujeneka kuzivuka, vakatsi omwo vakavyana mana.

Muka-kwambulula 8:14

Oloni eci cinapu cangoco. Kenga vije vilinakulingiwa mu kaye, visimbu vimo vaka-vushunga vakawana cihiso cije capande vaka-vuvi, co vaka-vuvi vakatambula cikandelela cije capande vaka-vushunga. Co yange njendeka ngwange cuma eci cinapu cangoco.

Isaya 41:21

Shukulu Kalunga, mwene wa Isalele, alinakwendeka ngwendi, “Yeni vinjambi va vaka-mafuti, ambululeni vin̄anda vyeni. Shololeni vukaleo vwavuvwa vumulinavwo!

Isaya 48:8

Njazivukile ngeci kumwakele cikulaeso muli yeni, simbu yoshe vamizivukile ngeci mwapwa muvaka-kutengulukila. Mukemwo kumwazivile evi, kumwazivileko nambe lijwi limo.

Njelemiya 11:20

Asinoni njalombelele ngwange, “Shukulu Kalunga Muka-nzili yoshe, yove wapwa muka-kusompa wa vushunga, u muka-kwilula viyongola vya vanu na mana avo, njinakundika n̄anda yange mu mavoko ove, ngeci njinakengelela kuli yove kulinga shambandinga ali vanu ava.”

Njelemiya 12:6

Nameme naanga yove vanakutengulukila, vanalipandakana na vaje vaka-kukulwisa. Kesi uvakulaele embwe, nameme vendeka majwi akuseveleka.”

Njelemiya 3:20

Oloni unapu ngwe munakazi uje napokola cikumiiyo ca vulo vwendi, yove kuwapwile wakujeneka kulongwa kuli yange. Yange Kalunga, njinendekamo.”

Njelemiya 3:7

Njayongwele ngwange omo nalingi vyoshe evi, mwa vushunga akeluka kuli yange, oloni shendi kwiluka, co ndokazi yendi Yunda wakujeneka kulongwa wamwene vyoshe evi.

Njelemiya 32:16

Omo njinaana laja cishimbikiya kuli Mbaluke, co njalombelele ngwange,

Njelemiya 5:11

Vanu va mu Isalele na vanu va mu Yunda mwa vushunga kesi va kulongwa kuli yange. Yange Kalunga, njinendekamo.”

Njelemiya 9:2

Tawee, ngwe njakele na mutambela wakutumbama mu mambo kunjashondoloka kuli vanu vange. Omwo voshe vanapu vaka-vungungu.

Mbimbi 1:18

“Oloni Shukulu Kalunga napu wa vushunga, omwo yange kunjononokele mashiko endi. Yeni vanu muli kwoshe-ikwoshe njitolilileni, kengeni vusiwa vwange. Vakwenje vange na vambanda vange vanavatwala ku vunzinda.

Ezekiyele 18:25

“Oloni mwendeka ngweni, ‘Vije vyalinakulinga Shukulu Kalunga kesi vya vushunga embwe.’ Tolilileni kuli yange, yeni vaIsalele. Kuma mulinakuyongola ngweni ngila ije njilinakulingilamo vyuma kesi ya vushunga ndi? Ngila yeni ikeyo kesi ya vushunga.

Ndanyele 9:14

Yove Shukulu Kalunga Njambi yetu, walivwaeselele cimweja kutunyanyamesa, co walingilemo vene, omwo simbu yoshe ukalingi vije vinapu vya vushunga, oloni yetu kutwakutolililile.

Ndanyele 9:7

Yove Shukulu Kalunga, simbu yoshe wapwa u muka-vushunga, oloni yetu simbu yoshe tu vaka-kulinga vyuma vya shwamwa. Eci cinapu ca vushunga kuli yetu voshe tuli mu Yunda na mu Yelusalema, na vaIsalele voshe vaje vawashandwelele mu mafuti amuyehi naa a kulyala omo kuvakulaelele kuli yove.

Hoziya 6:7

“Oloni vwasi-vwasi omo vakovelele mu lifuti ku Andama, co vapokwele cikumiiyo cije njalikumiiye navo.

Hambakuke 1:4

Mashiko anapu akuzeya, co maako kuvesi kwakula vin̄anda mu ngila ya vushunga. Vaka-vuvi vanahyana vaka-vushunga mu vimbanja, co vushunga kuvwesi nakulingiwa.

Zefaniya 3:5

Oloni Shukulu Kalunga anga acili mu nganda, co akalingi vije vya vushunga, co kesi kulinga vije vyavivi embwe. A mutondo na mutondo kesi kwonwa mukunena vushunga kuli vanu vendi. Oloni vaka- vushunga anga vacili nakulinga vuvi kuvesi na shwamwa.

Malakiya 2:17

Yeni vanu munajukisa Shukulu Kalunga navyendeka vyeni. Oloni mwihula ngweni, “Tunamujukisa vatijo?” Akwendeka ngweni, “Shukulu Kalunga Muka-nzili yoshe nayongola ngeci voshe vaka-kulinga vuvi vanapu vavavwa ku mesho endi, co navwaelela navo.” Nambe akwihula ngweni, “ali kulijo Njambi uje napande kupwa wa vushunga?”

Malakiya 3:15

Oloni ololo tumona vaka-kulyalesa ngwe vanavezika. Mwa vushunga, vaje vaka-kulinga vyavivi vakala mwamuvwa, nameme vakevo veseka Njambi oloni vovoka.’ ”

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.