Njelemiya 11:22 - Livulu lya Shukulu Kalunga

²² Ngecivene, Shukulu Kalunga Muka-nzili yoshe wendekele ngwendi, “Njikavahisa! Vakwenje vavo vakavatsiila mu nzita, co vana vavo vakalanduka ku njala.

Njelemiya 11:22 Iomraidhean Croise

2 Mizimbu 36:17

Ngecivene, Shukulu Kalunga wavanenelele mwene wa Mbambilone kwakuvalwisa. Co mwene watsiile vakwenje va mu Yunda nameme vene vaje vakele mu Njuvo ya Shukulu Kalunga. Ikeye katetelele munu embwe, mukwenje nambe mukulunu, munalume nambe munakazi, muka-kuvinja nambe mukangule. Njambi wavakundikile voshe kuli ikeye.

Njelemiya 18:21

Oloni ololo Shukulu Kalunga tava vana vavo valanduke ku njala. Vecele vakavatsiile mu nzita. Vanakazi vajeneke vanalume vavo na vana vavo, vanalume vatse ku mushongo, co vakwenje vatsile mu nzita.

Njelemiya 21:14

Oloni njikakunyanyamesa ngwe ku vilinga vyove. Njikenyeka lipela lyove, co tuhya tukenyeka vyuma vyoshe vije vyazengelekako. Yange Kalunga, njinendekamo.”

Njelemiya 44:13

Njikanyanyamesa vaje vali mu Ingito, ngwe munjanyanyamesele Yelusalema na nzita, na njala ya lyangengela, na mushongo.

Njelemiya 49:26

Co a litangwa lije vakwenje vamwo vakavatsiila mu vitapalo vya mu nganda, co mashwalale vamwo voshe vakavanyongesa.

Njelemiya 9:21

Kutsa kunatukovelela mu vinjanena vyetu, co kunakovela na mu vinjuvo vyetu, nakutsiya vanike mu vitapalo, na vakwenje mu mitambela ya vulandeselo.

Mbimbi 2:21

Vakwenje na tukulukazi vanalala mu vitapalo vanatsi. Vakwenje na vambanda, vitozi vanavatsii na mikwale. Yove wavatsiile kujeneka kuvazivilako mema ku mbunge, a litangwa lya vukalu vwove.

Amose 4:10

“Njatumine mushongo wakulitambwisa ali yeni ngwe uje lalo njatumine a Ingito. Njatsiile vakwenje veni mu nzita, njambatele tuvalu tweni. Co njamizivisile kunika kwa mivila ya vanu vaje vatsililile mu vilombo vyeni. Oloni nameme ngoco kumwelukile kuli yange.