Njelemiya 11:20 - Livulu lya Shukulu Kalunga

²⁰ Asinoni njalombelele ngwange, “Shukulu Kalunga Muka-nzili yoshe, yove wapwa muka-kusompa wa vushunga, u muka-kwilula viyongola vya vanu na mana avo, njinakundika n̄anda yange mu mavoko ove, ngeci njinakengelela kuli yove kulinga shambandinga ali vanu ava.”

Njelemiya 11:20 Iomraidhean Croise

Kushangumuka 18:25

Kuukasa kunyongesa vaka-vushunga amolika na vanu vaka-vuvi. Omwo ni kucitava! Kuukasa kulinga ngacije embwe! Nga cikafwa ngacije, vaka-vushunga vakavasompe ngwe vaka-vuvi. Nga ngoconi, co cacikalu. Yove u muka-kusompa wa ano asi oshe, co ukalingi mwa vushunga.”

2 Vimyene 19:14

Mwene Hezekiya watambwile uje mukanda kuli vaje miluwa, co waulavele. Asinoni waile ku Njuvo ya Shukulu Kalunga, co waakele uje mukanda kulutwe lwa Shukulu Kalunga,

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

Yombi 5:8

“Nga yange njinapwile ngwe yove, nga njinashakezeka Njambi nakumuleka mulonga wange.

Myaso 139:23

Njiilule ngeci uzivuke mbunge yange yove Njambi, njeseke, ngeci uwane viyongola vyange.

Myaso 35:2

Ambata ntelo yakama neyi yaindondo, co katuka unjikwase.

Myaso 43:1

Njisompele yove Njambi, nakunjakwila mulonga wange ku muyati wa kukomoka Njambi, njamene ku vaka-makuli na vaka-vuvi!

Myaso 57:1

Njizivileko mema ku mbunge yove Njambi, omwo njiija kuli yove ngeci unjinyunge, ngwe mwakanyungu kazila vana vendi mu mambava, njitewela kuli yove, noo lihunzi lya mankimba akama linahu.

Myaso 58:10

Vaka-vushunga vakavwaelela omo vakamona vaka-vuvi vavahisa. Mendi avo akajwela mu maninga a vaka-vuvi.

Myaso 7:10

Njambi ikeye ntelo yange, ikeye muka-kwamena vaje voshe valinga vya vushunga.

Myaso 7:8

Shukulu Kalunga, yove lyaako wa vanu voshe. Njisompe nakuwana ngeci yange kunjesi na mulonga.

Myaso 7:9

Yove u Njambi wa vushunga, wilula viyongola vyetu na vizango vyetu. Vindika vilinga vya vanu vya kupenga-penga, oloni nyunga voshe vaka-kukwononoka.

Myaso 98:9

omwo akaija nakusompa vanu voshe vali ano asi. Shukulu Kalunga akashwana vanu voshe vali ano asi mu vushunga.

Njelemiya 12:1

Yove Shukulu Kalunga, simbu yoshe wapwa u muka-vushunga, omo njinena n̄anda yange ku mesho ove. Nameme ngoco njinapande kukwihula a vushunga vwove. Omwo vikajo vaka-vuvi valinakuyoya mwamuvwa? Omwo vikajo vaka-vungungu vavezika?

Njelemiya 12:3

Oloni Shukulu Kalunga, yove unjizivuka, ukamono vinjikalingi nomu munjakuzema. Kokela vitozi vange kulyala vapwe ngwe vimanga vaje vaya mukuvatsiya, vanyunge noo simbu yavo yeta yakuvatsiya.

Njelemiya 15:15

Asinoni njendekele ngwange, “Yove Shukulu Kalunga wazivuka. Njanuke nakunjikwasa. Njilingile shambandinga vaje valinakunjipakesa. Kesi utetele vitozi vange simbu kanda vanjitsiye, vyoshe evi vilinakwija ali yange omwo ali yove.

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Njelemiya 17:18

Vayesa vaje vanjiyandesa, oloni kesi unjizivise shwamwa, vajujwise, oloni Shukulu Kalunga, yange kesi unjijujwise. Nena tuyando ali vakevo nakuvanyongesa.

Njelemiya 20:12

Oloni Shukulu Kalunga Muka-nzili yoshe, ukelula vanu mu vushunga, uzivuka vili mu vimbunge vyavo na mu viyongola vyavo. Ngecivene, njishaka kumona muulinga shambandinga na vitozi vange, omwo njinakuleke n̄anda yange.

Mbimbi 3:58

“Shukulu Kalunga wezile nakunjipatula, co waamenene mwonyo wange.

Mbimbi 3:59

Njisompe mwamuvwa, yove uzivuka vivi vije vivanalingi kuli yange.

Mbimbi 3:64

“Yove Shukulu Kalunga, vanyanyamese a vije vanalingi,

Ezekiyele 11:5

Munzinzime wa Shukulu Kalunga wezile ali yange, co Shukulu Kalunga wanjilekele kwendeka kuli vanu ngwange, “Vanu va Isalele, njazivuka vimulinakwendeka, na matumbe mulinakutumba.

Vilinga vya Miluwa 17:31

Omwo nemika litangwa lije akasompa kaye koshe mu vushunga ali munalume uje yanaangula. Co a cuma eci naana vukaleo kuli munu woshe akusangula munalume uje ku vatsi!”

Filipu 4:6

Kesi mushote mbunge a cuma cimo, oloni mu malombelo eni oshe lombeni a Njambi a vije munajeneka, simbu yoshe mulombeni na mbunge yakukandelela.

2 Timateo 4:14

Elekizanda uje muka-kufula nanjilingi mwamuvi manene, Mwene akamwana fweto yendi kupwisa ngwe ku vipangi vyendi vyanalingi.

1 Petulu 2:23

Omo vamushawile, kelwisile lalo vituka, omo wayandele, ikeye kalishungwiiye, oloni waakele cinyangavili cendi muli Njambi, lyaako wa vushunga.

Kujombolola 18:20

“Lilu vwaelela, omwo nau! Yeni vanu va Njambi vwaeleleni, neni miluwa na vaka-kwimanena! Omwo Njambi namuhisa a vije vyalingile kuli yeni!”

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.

1 Samwele 16:7

Oloni Shukulu Kalunga wendekele kuli Samwele ngwendi, “Kesi ukenge ku vuvwa vwendi, nambe kukutunuka kwendi embwe, Yange njinamuvyana, omwo yange kunjimono ngwe muvakamono vanu embwe. Omwo munu akakenge cifwa ca anja, oloni yange njikamono mu mbunge.”

1 Samwele 24:15

Ngecivene, Shukulu Kalunga atusompe, awane akati ketu iya umo naviisa. Shukulu Kalunga akenge a n̄anda eyi, nakunjamena, nakunjovola kuli yove.”