Njelemiya 11:17 - Livulu lya Shukulu Kalunga

¹⁷ “Yange Kalunga Muka-nzili yoshe, njakunine Isalele na Yunda, oloni ololo njivatumbwila tuyando. Vakevo vavenya vanalikokela tuyando omwo vanalingi vuvi, vananjiluvalesa akukombelela vin̄ombelo kuli Mbale.”

Njelemiya 11:17 Iomraidhean Croise

2 Samwele 7:10

Njinaangwila vanu vange Isalele mutambela, co njinavakamo, muje mukemwo muvakakala, naumo wai akavayandesa lalo.

2 Mizimbu 28:25

Mu vinganda vyoshe na membo oshe a mu Yunda watungililemo mitambela ije vakele nakulemesela vaje vaka-kujeneka kukulaela, co kuje wenyekeleleko insense ku vinjambi veka. Mu ngila eyi vene walikokelele vukalu vwa Shukulu Kalunga, Njambi ya vakukulwila vendi.

Myaso 44:2

Yove washekelemo vaka-kujeneka kukulaela kuli yove Shukulu Kalunga, co waakele vanu vove mu lifuti lyavo, yove wahisile miyati ikwavo lalo, co wakongweyeye vove.

Myaso 80:15

Muzi uje uwakunine na livoko lyove lya cilyo, mukolovozi wa vushuka vwa vinyu uje uwakolesele yove vavenya!

Myaso 80:8

Twapwile ngwe mukolovozi wa vushuka vwa vinyu uje uwatundisile ku Ingito, washekelemo miyati ya mu Kanana, co waukunine mu lifuti lyavo.

Isaya 5:2

Waliminemo nakutundisamo mamanya, co wakunine mikolovozi ya vushuka vwa vinyu yaivwa. Co watungile kaposhi kakuvingilila, wendile mbulu yakukamwinamo vinyu. Wavandamenene vushuka vuhye, oloni vushuka vwoshe vwapwile vwakukamata.

Isaya 61:3

nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Njelemiya 1:14

Co wendekele kuli yange ngwendi, “Tuyando tukatundilila ku kunto tukaija ali vanu voshe vaje vakala mu lifuti eli,

Njelemiya 11:11

Ngecivene, ololo, yange Kalunga, njivaleka ngwange njikanena tuyando ali vakevo tuje kuvakasa kuputumuka. Nameme vakatambeka kuli yange, oloni kunjikavatolilila embwe.

Njelemiya 11:13

Vanu va mu Yunda muli na vinjambi vavangi manene kutuvakana vinganda vyeni, muli na mitula yaingi mu Yelusalema yakukombelela kuli Mbale njambi wa vunyengwe kutuvakana vitapalo vya mu Yelusalema.

Njelemiya 12:2

Unavakunu ngwe miti, vanamene mizi, vanakolo nakwima vushuka. Nameme vene vakevo valinakukushangazala, oloni vimbunge vyavo vili kulyala nove.

Njelemiya 18:15

Oloni vanu vange vananjivala, venyekela insense ku tumponya. Vanatundu mu ngila muje muvanapandele kuya, kuvesi nakukavangeya vingila vyalaja, oloni valinakwenda mu vingila vyakupunda.

Njelemiya 18:8

oloni nga uje muyati wa vanu vatenguluka ku vuvi vwavo, co njikatengulula viyongola vyange, kunjikalingi vije vinjayongwele kulinga.

Njelemiya 19:15

Shukulu Kalunga Muka-nzili yoshe, Njambi ya Isalele, nendeka ngwendi, “Njikanena vihiso vyoshe a nganda eyi na vindandanga vya kulyata nayo, vihiso vije njendekele ngwange njikavilinga, omwo munakaluwisa vimbunge vyeni, co kumutolilila ku vije njendeka.”

Njelemiya 2:21

Yange njakukunine kupwa mukolovozi wa vushuka vwa vinyu wauvwa, wa ku mbuto yaivwa manene. Cooni unatenguluka vatijo kupwa mukolovozi wakuvola wakujeneka seo?

Njelemiya 24:6

Njikavanyunga nakuvelwisila lalo mu lifuti eli. Yange vene njikakala navo. Kunjikavashandola embwe, njikavakongweya, kuvakatundumo embwe.

Njelemiya 26:13

Munapande kutenguluka kutunda ku vingila vyeni vyavivi, na ku vyuma vimulinakulinga, co munapande kwononoka Shukulu Kalunga Njambi yeni. Nga mulingamo, co akatengulula viyongola vyendi vyakuminyongesa vije vyendekele ngwendi akavinena ali yeni.

Njelemiya 26:19

“Mwene Hezekiya na vanu va mu Yunda kuvatsiile Mika. Oloni Hezekiya wasingimikile Shukulu Kalunga, nakulambelela ngozi ya Shukulu Kalunga. Co Shukulu Kalunga watengulwile viyongola vyendi ku vukalu vuje vwashakele kunena ali vakevo. Yetuco lelo tushaka kulikokela tuyando manene yetu vavenya.”

Njelemiya 32:29

nakuyenyeka. Vakayenyeka nakuyizilisa yoshe njwa, amolika na vinjuvo, kuje kuvanjiluvalesele vanu akwenyeka insense kuli Mbale a milili ya vinjuvo vyavo vya akamwa ya viluli vyakusivama, nakwitila vin̄ombelo vya vinyu kuli vinjambi veka.

Njelemiya 32:30

Kutunda kukushangumuka kwa vin̄anda vyavo, vanu va mu Isalele na vanu va mu Yunda vanalingi vuvi, co vananjiluvalesa.

Njelemiya 35:17

Ngecivene, ololo, yange Kalunga, Muka-nzili yoshe, Njambi ya Isalele, njikanena ali yeni vanu va mu Yunda na vanu va mu Yelusalema, n̄avava yoshe ije injamitumbwilile. Njikalinga evi omwo kumwatolililile ku vije njendekele kuli yeni, co kumwanjikumbulwile omo njamisanene.”

Njelemiya 36:7

Amo vakalomba kuli Shukulu Kalunga, nakutenguluka kutunda ku vingila vyavo vya vuvi, omwo Shukulu Kalunga nashungwiya vanu vaje na vukalu vwakama.”

Njelemiya 40:2

Nevuzalandane, wanjitwalele kwange lika nakunjileka ngwendi, “Shukulu Kalunga Njambi yove washungwiiye kuviisa lifuti eli,

Njelemiya 40:3

ngecivene, ololo nalingi vije vyendekele ngwendi akavilinga. Vyoshe evi vinalingiwa, omwo vanu valingile vuvi ku mesho a Shukulu Kalunga, kuvamwononokele.

Njelemiya 42:10

‘Nga muli na cizango cakukala muno mu lifuti, co yange njikamivezikisa, co wai akamipesa, njikamikongweya kunjikamishandola embwe. Co cihiso cije cinjinanena ali yeni canjinenesa vusiwa vwakama.

Njelemiya 44:5

Oloni yeni kumwatolililile nambe kumbako mbunge. Yeni kumwombilile vilinga vyeni vyakukombelela ku vinjambi veka.

Njelemiya 44:8

Omwo vikajo mulinakunjiluvalesa akulemesa tumponya, na a kukombelela ku vinjambi va mu Ingito muje mumunaija nakukala? Kuma mulinakulinga evi ngeci mulinyongese yeni vavenya, ngeci miyati ya vanu voshe va ano asi vamishendumune, co lizina lyeni lipwe cisingo ndi?

Njelemiya 45:4

“Oloni yange Kalunga, njilinakusiwula vije vinjatungile, nakutukula vije vinjatombekele. Co njikalinga evi ano asi oshe.

Njelemiya 7:18

Vanike vacava vitale, vanalume vavweka tuhya, co vanakazi vashinga vunga nakwoca makende a njambi wa munakazi uje ivatumbula ngwavo Lishano lya Mwilu. Co vetila lalo n̄ombelo ya vinyu kuli vinjambi veka, ngeci vanjizivise ku mbunge kuvavala.

Njelemiya 7:9

Mulinakwiva, mulinakutsiya, mulinakulinga vupangala, mulinakulisinga vya makuli, co mulinakukombelela kuli Mbale, nakulemesa vinjambi vaje kumwazivukile akulivanga.

Ezekiyele 17:5

Asinoni wambatele kamuti kakandondo mu lifuti lya Isalele, co wakakakunine mu lihya lya vwilo, muje mwakele mema simbu yoshe akukakolesa.

Hoziya 10:1

Vanu va mu Isalele vapwile ngwe mukolovozi wa vushuka vwa vinyu uje wakele na vushuka vwavungi. Omo vakele mwamuvwa manene, co lalo vatungile mitula yaingi manene. Omo lifuti lyavo lyakele na vwilo manene, co lalo valingile vimanda vyavivwa manene vyakujela vije valinakulemesa.