Njelemiya 11:16 - Livulu lya Shukulu Kalunga

¹⁶ Njavatumbwile muti wa olive, uje uli na vushuka vwavuvwa, oloni ololo, njikenyeka minango ya muti ou na cililimo cakama nakwenyeka muti woshe na tuhya.

Njelemiya 11:16 Iomraidhean Croise

Yombi 8:16

“Vaka-vuvi vakapishuka mitwe ngwe vimbuto vya mu litanya, ngwe vimbuto vije vyashandokela mu lihya mwoshe.

Myaso 52:8

Oloni yange njikakala mwamuvwa mu Njuvo ya Shukulu Kalunga ngwe muti wakutonola wa olive uje wamena mu Njuvo ya Shukulu Kalunga, njinakulaela mu cizemo ca Njambi cije kucesi kutenguluka ku myaka yoshe.

Myaso 80:16

Vitozi vetu vanautete, vanawenyeka na tuhya, vamwese vukalu vwove nakuvanyongesa!

Myaso 80:17

Nyunga nakwamena vanu vaje vawaangwile, muyati uje uwapwisile wa nzili!

Myaso 83:2

Kenga, vitozi vove vanakukatukila, na vaje vakuzinda vanakutengulukila.

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Njelemiya 2:21

Yange njakukunine kupwa mukolovozi wa vushuka vwa vinyu wauvwa, wa ku mbuto yaivwa manene. Cooni unatenguluka vatijo kupwa mukolovozi wakuvola wakujeneka seo?

Njelemiya 21:14

Oloni njikakunyanyamesa ngwe ku vilinga vyove. Njikenyeka lipela lyove, co tuhya tukenyeka vyuma vyoshe vije vyazengelekako. Yange Kalunga, njinendekamo.”

Njelemiya 7:20

Ngecivene, yange Kalunga wa Akamwa ya Vyoshe njiketila vukalu vwange vwakukomokesa a Yunda. Njikavwitila ali vanu, na a tusitu, na a miti, na a vimbuto. Vukalu vwange vukafwa ngwe tuhya tuje naumo wai asa kutuzima.

Hoziya 14:6

Vakapwa ngwe kukola kwa minango, vakapwa vavavwa ngwe miti ya olive. Co vakanika lwengo lwaluvwa ngwe miti ya kendale ya ku Lembanone.

Mateo 3:10

Njaviti vanayaka laja ku mizi ya miti, muti woshe kuwimi vushuka vwavuvwa vakaushinja nakuumbila mu tuhya.

Yowano 15:6

Woshe kakala muli yange vakamumbila kuti ngwe munango, co akauma cau, co minango yangacije vaikungiya nakuyumbila mu liko, co yenya.

Kwituluka mu Mashiko 28:40

Miti ya olive ikakala mu lifuti lyeni lyoshe, oloni kumukakala na mazi, omwo vushuka vwakwo vwa olive vukalalumukako.

Kujombolola 11:4

Vaje vakaleo vavali vanapu miti ivali ije ya olive na vindeye vivali vije vinemana ku mesho a Mwene wa asi.