Njelemiya 11:13 - Livulu lya Shukulu Kalunga

¹³ Vanu va mu Yunda muli na vinjambi vavangi manene kutuvakana vinganda vyeni, muli na mitula yaingi mu Yelusalema yakukombelela kuli Mbale njambi wa vunyengwe kutuvakana vitapalo vya mu Yelusalema.

Njelemiya 11:13 Iomraidhean Croise

2 Vimyene 23:13

Yosiya wasiwile mitula ije yatungile Mwene Solomoni mu ngangela ya Yelusalema, ku mbwela ya Munkinda wa Oliveta, yakulemesela tumponya twa vunyengwe, Asitalete njambi wa munakazi wa ku Sindone na Kemoshe njambi wa Mowavi na Moleki njambi wa Amoni.

2 Mizimbu 28:25

Mu vinganda vyoshe na membo oshe a mu Yunda watungililemo mitambela ije vakele nakulemesela vaje vaka-kujeneka kukulaela, co kuje wenyekeleleko insense ku vinjambi veka. Mu ngila eyi vene walikokelele vukalu vwa Shukulu Kalunga, Njambi ya vakukulwila vendi.

Isaya 2:8

Mu lifuti mwoshe munashulu na tumponya, co valinakulemesa vyuma vije vivanapanga na mavoko avo.

Njelemiya 11:17

“Yange Kalunga Muka-nzili yoshe, njakunine Isalele na Yunda, oloni ololo njivatumbwila tuyando. Vakevo vavenya vanalikokela tuyando omwo vanalingi vuvi, vananjiluvalesa akukombelela vin̄ombelo kuli Mbale.”

Njelemiya 17:1

Shukulu Kalunga alinakwendeka ngwendi, “Vanu va mu Yunda vuvi vweni vanavusoneka na mufwitilo wa cikuvo, vanavusoneka mu vimbunge vyeni na shongo ya ndaimani, co vavucakeya a vimbango vya mitula yeni.

Njelemiya 18:15

Oloni vanu vange vananjivala, venyekela insense ku tumponya. Vanatundu mu ngila muje muvanapandele kuya, kuvesi nakukavangeya vingila vyalaja, oloni valinakwenda mu vingila vyakupunda.

Njelemiya 19:4

Njikalinga eci omo vanu vananjiseza, vanajwalesa mutambela ou akukombelelamo vin̄ombelo ku vinjambi veka, vinjambi vaje nambe vakevo, nambe vakukulwila vavo, nambe vimyene va mu Yunda kuvavazivukile. Vanashulisa mutambela ou na maninga a vanu vakujeneka mulonga,

Njelemiya 19:5

vanatungila Mbale mutula ngeci venyekeleo vana vavo kupwa vin̄ombelo vya kwenyeka. Kunjavashikile kulinga ngeci embwe, nameme kuciyongola mu mbunge yange.

Njelemiya 2:28

“Vali kulijo vinjambi vaje mwalishongelele? Vanapande kumyamena, omo muli mu tuyando! Yunda, yove uli na vinjambi vavangi ngwe muuli na vinganda vyavingi.

Njelemiya 3:24

Kulemesa Mbale njambi wakujeneka seo cinatujenekesa kukala na matanga a vimuna, na matanga a vimanga, na vana va vanalume na ava va vanakazi, na vyuma vyoshe vije vivapangelele vakukulwila vetu tunde ku san̄ulu.

Njelemiya 3:25

Tuli na vusiwa, co shwamwa yetu inatufwiki, omwo tunalingi vuvi kuli Shukulu Kalunga Njambi yetu, yetu na vakukulwila vetu kutwononokele mashiko endi.”

Njelemiya 32:35

Vanatungu mitula ya Mbale mu Cana ca Hinome, mukukombelela vana vavo va vanalume, na ava va vanakazi kuli njambi Moleki. Kunjavashikile kulinga evi embwe, kuvyakovelele mu mbunge yange, ngeci valinge cuma ca cifwa cangacije nakulingisa vanu va mu Yunda vuvi.”

Njelemiya 44:21

“Ngwe a vin̄ombelo vyeni na vakukulwila veni, na vimyene veni, na vantwama veni, na vanu va mu lifuti na mu vinganda vya mu Yunda na mu vitapalo vya mu Yelusalema, kuma mwayongola ngweni Shukulu Kalunga kavizivukile nambe kuvyanuka ndi?

Njelemiya 44:5

Oloni yeni kumwatolililile nambe kumbako mbunge. Yeni kumwombilile vilinga vyeni vyakukombelela ku vinjambi veka.

Njelemiya 48:35

Njikavindika vanu va ku Mowavi kukombelela vin̄ombelo vya kwenyeka ku mitambela yavo yakulemesela, nakukombelela vin̄ombelo ku vinjambi vavo. Yange Kalunga, njinendekamo.

Njelemiya 7:9

Mulinakwiva, mulinakutsiya, mulinakulinga vupangala, mulinakulisinga vya makuli, co mulinakukombelela kuli Mbale, nakulemesa vinjambi vaje kumwazivukile akulivanga.

Ezekiyele 16:24

co watungile mitambela yakulemesela tumponya kumukulo wa vingila vyoshe nakulingilako vupangala.

Hoziya 10:1

Vanu va mu Isalele vapwile ngwe mukolovozi wa vushuka vwa vinyu uje wakele na vushuka vwavungi. Omo vakele mwamuvwa manene, co lalo vatungile mitula yaingi manene. Omo lifuti lyavo lyakele na vwilo manene, co lalo valingile vimanda vyavivwa manene vyakujela vije valinakulemesa.

Hoziya 12:11

Oloni tumponya valinakutulemesa mu Ngilyande, co vaje vatulemesa vakatsa. Co vingombe va nkomba vavakombelela kupwa vin̄ombelo ku Ngilingale, mitula ikapwa ngwe mitumbo ya mamanya akuvujuka.”

Hoziya 9:10

Shukulu Kalunga alinakwendeka ngwendi, “Omo njawanene Isalele akulivanga, capwile ngwe munu nawana mikolovozi ya vushuka vwa vinyu vumena mu mambo. Omo njamwene vakukulwila veni akulivanga, capwile ngwe kumona vushuka vwa mukuyu vwakulivanga kuhya akushangumuka kwa mwaka. Oloni omo vezile ku Munkinda wa Peole, co vashangumukile kulemesa Mbale, co vapwile va vunyengwe manene ngwe lalo vaje tumponya vavazemene.