Njelemiya 11:12 - Livulu lya Shukulu Kalunga

¹² Asinoni vanu va mu Yunda na vanu va mu Yelusalema vakatambeka ku vinjambi vaje vavanakala nakukombelela. Oloni vinjambi vaje kuvakavamena omo vali mu vukalu.

Njelemiya 11:12 Iomraidhean Croise

2 Mizimbu 28:22

Omo tuyando twendi twaamene manene, uje munalume Ahaze wavulumwine manene ku mesho a Shukulu Kalunga.

Isaya 45:20

Shukulu Kalunga alinakwendeka ngwendi, “Likungululeni amo, yeni vanu va mu mafuti, voshe vaje vanasalao ku miyati ijeni ngeci vamisompe! Vanu vaje valemesa tumponya twavo twa viti, co valombela kuli vinjambi vaje kuvasa kuvovola, vanu ava kuvesi na mana!

Isaya 46:7

Uje kamponya vamwambata a vitsili vyavo, vamwaka mu mutambela umo, co kemana aje vene, kukasa kutunda aje vanakaka. Nga munu alombela ku kamponya, kukasa kumukumbulula, nambe kumwamena ku tuyando.

Njelemiya 18:15

Oloni vanu vange vananjivala, venyekela insense ku tumponya. Vanatundu mu ngila muje muvanapandele kuya, kuvesi nakukavangeya vingila vyalaja, oloni valinakwenda mu vingila vyakupunda.

Njelemiya 2:28

“Vali kulijo vinjambi vaje mwalishongelele? Vanapande kumyamena, omo muli mu tuyando! Yunda, yove uli na vinjambi vavangi ngwe muuli na vinganda vyavingi.

Njelemiya 44:8

Omwo vikajo mulinakunjiluvalesa akulemesa tumponya, na a kukombelela ku vinjambi va mu Ingito muje mumunaija nakukala? Kuma mulinakulinga evi ngeci mulinyongese yeni vavenya, ngeci miyati ya vanu voshe va ano asi vamishendumune, co lizina lyeni lipwe cisingo ndi?

Kwituluka mu Mashiko 32:37

Asinoni Shukulu Kalunga akehula vanu vendi ngwendi, ‘Vali kulijo vaje vinjambi va nzili vamwakulaelele?

Kwituluka mu Mashiko 32:38

Mwavalisile na mazi a vije mwakombelelele, co mwavanene vinyu vyakunwa. Vaije oni nakumikwasa! Vaije oni nakumipatula!

Maako 10:14

Yeni mukalilile kuli vinjambi vaje munaangula. Vakevo vamyamene omo muli mu tuyando.”