Njelemiya 11:10 - Livulu lya Shukulu Kalunga

¹⁰ Vanelukila ku vingila vyavivi vya vakukulwila vavo, co vanavyana kwononoka ku majwi ange, valinakukavangeya vinjambi veka nakuvalemesa. Miyati ya Isalele na Yunda vanavyana cikumiiyo cije njalikumiiye na vakukulwila vavo.

Njelemiya 11:10 Iomraidhean Croise

Myaso 78:57

Oloni vapwile vaka-kujeneka kulongwa nakujeneka kukulaela ngwe vakukulwila vavo, kuvapwile va vushunga, vapwile ngwe mukili wa kupenga-penga.

Isaya 24:5

Vanu vanajwalesa kaye omwo vanapokola mashiko a Njambi, nakupokola cikumiiyo cije calikumiiye navo ca ku myaka yoshe.

Njelemiya 13:10

Vanu ava vanapu vavavi omwo vanavyana kwononoka majwi ange. Vakevo vanakaluwisa vimbunge vyavo manene kutuvakana akulivanga, vanalemesa nakupangela vinjambi veka. Ngecivene, vakafwa ngwe ou mwiva wakuliwa.

Njelemiya 17:23

Oloni vakukulwila vavo kuvanjitolililile, nambe kumbako mbunge. Oloni vapwile vaka-kukaluwisa vimbunge, kuvanjononokele nambe kulilongesa kuli yange.

Njelemiya 22:9

Asinoni vakakumbulula ngwavo omwo mwasezele cikumiiyo ceni nange Njambi yeni, co mwalemesele nakupangela vinjambi veka.”

Njelemiya 31:32

Cikeco kucikapu ngwe cikumiiyo cije calaja cinjalikumiiye na vakukulwila vavo, omo njavambatele na livoko lyange kuvatundisa mu Ingito. Nameme njapwile nji munalume wavo, oloni kuvanyungile cikumiiyo cije.

Njelemiya 44:16

“Yetu twavyana kutolilila ku vije viwutuleka mu lizina lya Shukulu Kalunga.

Njelemiya 44:5

Oloni yeni kumwatolililile nambe kumbako mbunge. Yeni kumwombilile vilinga vyeni vyakukombelela ku vinjambi veka.

Njelemiya 7:28

Ukavaleke ngwove muyati wavo kuvesi nakunjononoka yange Kalunga, Njambi yavo, nambe kulilongesa omo njavanyanyamesele. Vushunga vunahu kuvesi nakuvusimutwiya lalo.

Njelemiya 9:6

Shukulu Kalunga nendeka ngwendi, “Mulinakukala akati ka vaka-makuli, ngeci a makuli avo vananjivyana.”

Ezekiyele 16:59

Shukulu Kalunga wa Akamwa ya Vyoshe alinakwendeka ngwendi, “Yange njikakupangesa ngwe mu ngila ije inakupande, omwo kuwombile mbunge ku vikulaeso vyove, co wapokwele cikumiiyo.

Ezekiyele 44:7

Vanazilulula Njuvo yange akutava vaka-kwija vakujeneka kutuuka vaje kuvesi nakunjononoka, kukovela mu Njuvo yange, a simbu ije omo mazi na maninga valinakuvikombelela kuli yange. Ngecivene, vanu vange vanapokola cikumiiyo cange a vyuma vyoshe vya vunyengwe vije vivanalingi.

Ezekiyele 5:6

Oloni Yelusalema vatengulukilile mashiko ange nakuwalwisa, co valingile manene vuvi kutuvakana miyati yeka, vakele na likamba lyakama kutuvakana mafuti aje avazengelekele. Yelusalema vavyanene mashiko ange nakuvyana kunyunga vizilika vyange.

Hoziya 6:4

Oloni Shukulu Kalunga alinakwendeka ngwendi, “Isalele na Yunda, cuma mukajo njikalinga kuli yeni? Cizemo ceni kuli yange cilinakuhwa vwasi-vwasi ngwe mbundu ku mutondo, cinapu ngwe lime lije likatotomoka ku mutondo-tondo.

Hoziya 6:7

“Oloni vwasi-vwasi omo vakovelele mu lifuti ku Andama, co vapokwele cikumiiyo cije njalikumiiye navo.

Hoziya 7:16

Co vacili nakutwalao kutunda kuli yange nakuya kuli njambi uje wakujeneka nzili. Kuvasa kuvakulaela vanapu ngwe vuta vwa lusipa vwa kupenga-penga. Omwo vantwama vavo vendeka na kulyalesa, vakatsila mu nzita, co vaka-Ingito vakavajola.”

VaLevi 26:15

Nga muvyana kwononoka vizilika vyange, nakulimbulula vilongesa vyange, kunyunga mashiko ange, nakupokola cikumiiyo cange cije njalikumiiye neni,

Zefaniya 1:6

Njikanyongesa lalo vaje vanalikela kunjipangela, vaje kuvesi kwija kuli yange nambe kunjilomba ngeci njivatwamenene.”

Zakaliya 1:4

Kesi mufwe ngwe vakukulwila veni. Ku san̄ulu vaka-kwimanena vavalekele majwi ange, nakuvanangula ngeci kesi vayoye mu vuvi, na mu vingila vyavivi. Oloni kuvanjitolililile nambe kunjononoka.

Zakaliya 7:11

“Oloni vanu vange vakaluwisile vimbunge vyavo manene, co vavyanene kunjitolilila. Vashokele mana avo,

Zakaliya 7:13

Omwo kuvatolililile omo njendekele, co kunjavakumbulwile omo valombelele.

Kwituluka mu Mashiko 31:16

Co Shukulu Kalunga wendekele kuli Mosesa ngwendi, “Ololo ukatsa, co omo unatsi laja, vanu vakajeneka kunjononoka, co vakapokola cikumiiyo cije njalikumiiye navo. Vakanjiseza nakulemesa vinjambi va mu lifuti lije livakakovela.

Kwituluka mu Mashiko 9:7

“Anukeni, co kesi mwivale muje mumwashangumwine Shukulu Kalunga Njambi yeni mu mambo. Tunde a litangwa lije mwatundile mu Ingito noo ku litangwa lya lelo munete kuno, yeni munakala nakutengulukila Shukulu Kalunga.

VaHevelu 8:9

Co kunjikalingi lalo cikumiiyo ngwe muje njalingile kuli vakukulwila vavo a litangwa lije njavatundisile mu lifuti lya Ingito nakuvatwamenena na livoko lyange. Kuvapwile vaka-kulongwa ku cikumiiyo cije njalingile navo, ngeci kunjakeleko mbunge kuli vakevo lalo.

Maako 2:11

Ngecivene, vaIsalele valingile mwamuvi ku mesho a Shukulu Kalunga, co vashangumukile kulemesa vaMbale.

Maako 2:17

Oloni vaIsalele anga kuvatolililile kuli maako vavo embwe. VaIsalele vajenekele kulongwa kuli Shukulu Kalunga, co valemesele vinjambi veka. Vatangukile vwasi mu ngila ije vendele vakukulwila vavo, ngila yakwononoka mashiko a Shukulu Kalunga.

Maako 2:19

Oloni capwile ngeci omo uje lyaako natsi, co vanu va Isalele veluka lalo mu vingila vyavo vyavivi kutuvakana vije vya vakukulwila vavo. Vakavele vinjambi veka nakuvapangela, nakuvalemesa, vavyanene kuseza vilinga vyavo vya kupenga-penga.

1 Samwele 15:11

“Njalisimoka omo njaakele Saulu a vumwene, ikeye nanjikengesa nima, navyana mashiko ange.” Co Samwele waluvalele, walililile kuli Shukulu Kalunga vutsiki vwoshe.