Njelemiya 10:5 - Livulu lya Shukulu Kalunga

⁵ Tumponya twa cifwa cangacije twafwa ngwe tumponya twa makwisiso twa mu lihya lya matanda, kutwasa kwendeka nambe kwenda kuvanga kutwambata. Kesi mutuzivile lyova embwe, kutwasa kumivulumuna, co lalo kutwesi na seo kuli yeni.”

Njelemiya 10:5 Iomraidhean Croise

1 Vimyene 18:26

Vanonele uje ngombe vavanenele, vamutsiile vamwakele a mutula, valombelele kuli Mbale ngeci ashwameke tuhya kushangumuka mutondo noo mukati ka mutwe. Vakinine kuzengeleka mutula, co vatambekele ngwavo, “Tukumbulule, Mbale!” Oloni Mbale kavakumbulwile.

2 Mizimbu 25:15

Eci caluvalesele Shukulu Kalunga, ngecivene, watumine muka-kwimanena kuli Amaziya. Co uje muka-kwimanena wamwihwile ngwendi, “Omwo vika ulemesela vinjambi veka vaje kuvasa nameme kwamena myonyo ya vanu vavo ku mavoko eni?”

Isaya 16:12

Vanu va Mowavi valinakulijukisa ngoco kuya ku munkinda wavo wa tuzangu na ku vinjuvo vyakulemesela vinjambi vavo nakulombela, oloni nacimo cai civakwasa.

Isaya 45:20

Shukulu Kalunga alinakwendeka ngwendi, “Likungululeni amo, yeni vanu va mu mafuti, voshe vaje vanasalao ku miyati ijeni ngeci vamisompe! Vanu vaje valemesa tumponya twavo twa viti, co valombela kuli vinjambi vaje kuvasa kuvovola, vanu ava kuvesi na mana!

Isaya 46:1

“Awa akewo mamaneselelo a vinjambi va Mbambilone! Akulivanga valemesele Mbele na Nembo, oloni ololo vanavalondeka a vimulu, vanapu citele a myongo ya tusitu vaje vanajuka.

Isaya 46:7

Uje kamponya vamwambata a vitsili vyavo, vamwaka mu mutambela umo, co kemana aje vene, kukasa kutunda aje vanakaka. Nga munu alombela ku kamponya, kukasa kumukumbulula, nambe kumwamena ku tuyando.

Njelemiya 10:14

Vanu voshe vaje vaka-kufula tumponya twa ngolinde vanapu vilema, voshe vakaziva shwamwa, omwo tumponya tuje tuvakafulu tunapu twa makuli, co kuvesi na mwonyo.

Hambakuke 2:19

Munavindama! Yeni mukendeka ku citi nambe ku limanya ngweni, “Induka!” Kuma kamponya kasa kumisholwela cuma cimo ndi? Nameme vanu vanakafwiki siliva na ngolinde, oloni kukesi na mwonyo.

1 Kolinte 12:2

Mwazivuka ngeci omo laja mwakele vaka-kujeneka kukulaela, vamitwamenenene nakumisevwisa mu vingila vyavingi mukulemesa tumponya kutwesi na mwonyo.

1 Kolinte 8:4

Ngecivene, a vyakulya vyakukombelela ku tumponya, twazivuka ngwetu kamponya, co twazivuka lika ngwetu kwali Njambi umolika.

Kwituluka mu Mashiko 4:28

Kuje mukapangela vinjambi vakushonga na mavoko a vanu, vinjambi va viti, na va mamanya, vinjambi vaje kuvesi kuziva nambe kumona, nambe kulya, nambe kuziva kunika.