Njelemiya 10:20 - Livulu lya Shukulu Kalunga

²⁰ Vimbalaka vyetu vinaviya, mikole ije yavikwatesele yavatozoka, vana vetu voshe vanatsi, naumo wai nasalao ashimbike lalo vimbalaka vyetu, co naumo wai akashukazekako mavamba ku vimbalaka vyavo.”

Njelemiya 10:20 Iomraidhean Croise

Yombi 7:8

Uje nanjimono ololo, oloni kakanjimono lalo. Mukanjishakezeka, oloni a simbu ije yange njinai laja.

Visimo 12:7

Vaka-vuvi vakavalwisa, co kuvaseze vatekulwila, oloni voshe vaje vaka-vushunga kuvakavawisila asi.

Isaya 51:16

Njajangumwine melu nakujala luvula lwa asi, njendeka kuli Yelusalema ngwange, ‘Yeni munapu vanu vange! Njamyana mashiko, co njikunyunga na livoko lyange.’ ”

Isaya 51:18

Kukwesi akamitwamenena lalo wai, naumo wai akati ka vanu vove akakukwata ku livoko.

Isaya 54:2

Amesa mbalaka muulinakukala! Nungila ku mikole, co kolesa ku vipampalingo!

Njelemiya 30:17

Mukapwa vakangule, njikakangwisa vimbandu vyeni, nameme vitozi veni vendeka ngwavo, ‘Siyone vanayumbila, naumo wai aishaka.’ Yange Kalunga, njinendekamo.”

Njelemiya 31:15

Shukulu Kalunga alinakwendeka ngwendi, “Vanazivi lijwi mu Lama, lijwi lyakusikoka nakulila manene, Lakele alilila vana vendi, avyana kumuzembeleka, omwo vakevo vaiko.

Njelemiya 4:20

Tuyando tulinakulikavasana, lifuti lyoshe lyasala mupulungwa. Ololo vimbalaka vyetu vinanyongo, mavamba avyo anatavozoka tavu-tavu.

Mbimbi 1:5

Vitozi vendi vanamufungulula, co ali mu mavoko avo. Shukulu Kalunga namunyanyamesa omwo vuvi vwendi vwavungi, vana vendi vanavafungulula nakuvatwala.

Mika 2:9

Musheka vanakazi va vanu vange a membo avazema, co munevi vana vavo vavivezikiso vyange ku myaka yoshe.