Njelemiya 10:16 - Livulu lya Shukulu Kalunga

¹⁶ Njambi ya Yakomba kalifwile navo, ikeye lika watangele vyuma vyoshe, waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Njelemiya 10:16 Iomraidhean Croise

Myaso 119:57

Shukulu Kalunga yove lika injishaka, njikulaesa kwononoka mashiko ove.

Myaso 135:4

Omwo Shukulu Kalunga waangwile Yakomba, kupwa wendi, waangwile lalo vanu va Isalele kupwa vufuko vwendi.

Myaso 142:5

Njitambeka kuli yove Shukulu Kalunga. Njambi ikeye vutewelo vwetu na nzili yetu, wakala muyehi-yehi netu.

Myaso 33:6

Akushika kwendi Shukulu Kalunga watangele lilu, co na lijwi lyendi kwasholokele litangwa, na ngonde, na vingongonosi.

Myaso 73:26

Muvila wange na mbunge yange vyasa kuzeya, oloni Njambi wapwa nzili yange, ikeye lika injishaka!

Myaso 74:2

Anuka vanu vove vaje vawalyangwilile tunde ku san̄ulu, vaje vawatundisile mu vunzinda kupwa muyati wove. Anuka Munkinda wa Siyone limbo lyove!

Kutuuka 19:5

Ololo, nga munjononoka nakunyunga cikumiiyo cange, mukapwa vanu vange vavenya. Nameme asi oshe apwa ange, oloni yeni mukapwa vanu vange vakwanguka,

Kutuuka 34:9

Ikeye wendekele ngwendi, “Shukulu Kalunga, nga mwa vushunga yove ulinakuvwaelela nange, njilomba ngeci uye amo netu. Nameme vanu ava vapwa vakukaluwa vimbunge, oloni tusambese kukukaluwa kwetu na ku vuvi vwetu, tutambule nakutupwisa vanu vove.”

Visimo 16:4

Cuma coshe catangele Shukulu Kalunga, cili na vutumbe vwaco, co vutumbe vwa vaka-vuvi vunapu kunyonga.

Isaya 19:25

Asinoni Shukulu Kalunga Muka-nzili yoshe akavavezikisa nakwendeka ngwendi, “Njikamivezikisa vanu vange vaka-Ingito, yeni vaAsilya vaje njatangele, neni vaIsalele vanu vange vakwangula.”

Isaya 45:7

Yange njitanga ceke na lisusulungu, njinena vivezikiso nakuvindama na tuyando. Yange Kalunga, muka-kulinga vyuma evi vyoshe.

Isaya 47:4

Njambi wakujela wa Isalele atupatula, lizina lyendi Shukulu Kalunga Muka-nzili yoshe.

Isaya 47:6

Njaluvalele na vanu vange, njavapangesele ngwe kesi vanu vange. Njavaakele mu mavoko ove, oloni yove kuwavamwesele mema ku mbunge, nameme tukulukazi vene wavapangesele na muuka.

Isaya 51:15

“Yange Shukulu Kalunga Njambi yeni, Muka-nzili yoshe, njikavundula mema a kalunga, nakulumisa mankimba amwo.

Isaya 54:5

Ishamatanga wove akapwa ngwe munalume wove, ikeye Shukulu Kalunga Muka-nzili yoshe, Njambi wakujela wa Isalele, ikeye muka-kushika a kaye koshe, co akakwamena.

Njelemiya 10:12

Shukulu Kalunga watangele kaye na nzili yendi, watangele kaye na mana endi, co wajangumwine melu.

Njelemiya 10:6

Shukulu Kalunga, kukwesi weka wakulifwa nove wai, u Muka-nzili, lizina lyove lyapwa lyakama lya nzili.

Njelemiya 31:35

Shukulu Kalunga waaka litangwa kutwa ceke ku mutanya, co ngonde na vingongonosi kutwa ceke ku vutsiki. Ikeye akatula mema a kalunga ngeci mankimba angwanjange, lizina lyendi ikeye Shukulu Kalunga Muka-nzili yoshe.

Njelemiya 32:18

Ukamwesa cizemo cove cije kucesi kutenguluka ku vanu vavangi-vangi, oloni lalo ukanyanyamesa vanu a vuvi vwa visemi vavo. Yove Shukulu Kalunga, Njambi Muka-nzili yoshe.

Njelemiya 33:2

“Yange Kalunga uje watangele asi, co njamungile kaye nakukatumbika mu mwela wako.

Njelemiya 46:18

Yange Kalunga Muka-nzili yoshe, yange mwene. Yange Njambi wakuyoya. Ngwe kaposhi ka Munkinda wa Tambole kali akamwa ya minkinda, ngwe Munkinda wa Kalemele wemana lwii ku ngenge ya mema a kalunga, mukemwo muyikapwa nzili ya uje akamilwisa.

Njelemiya 50:34

Oloni uje akavapatula ali na nzili, lizina lyendi ikeye Shukulu Kalunga Muka-nzili yoshe. Ikeye akasompa vyavo, akanena kwoloka ano asi, oloni tuyando kuli vanu va Mbambilone.”

Njelemiya 51:19

Njambi ya Yakomba kalifwile natwo embwe, ikeye watangele vyuma vyoshe, co waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Mbimbi 3:24

Shukulu Kalunga lika ikeye njishaka, muli ikeye njinaka cinyangavili cange.

Amose 4:13

Njambi ikeye watangele minkinda, co watangele lihunzi. Ikeye asholola viyongola vyendi ku munu ngeci munu avizivuke, ikeye atengulula mutanya kuupwisa vutsiki. Ikeye muka-kushwana ano asi oshe. Lizina lyendi ikeye, Shukulu Kalunga Njambi Muka-nzili yoshe!

Zakaliya 2:12

Co Yunda lalo ikapwa vufuko vwa Shukulu Kalunga vwa seo yakama mu lifuti lyendi lyakujela, co Yelusalema ikapwa nganda ije yaazema manene kutuvakana vinganda vyoshe.

Kwituluka mu Mashiko 32:9

Oloni ikeye walyangwilile vatekulwila va Yakomba, wavaangwile kupwa vushwana vwendi.