Njelemiya 10:13 - Livulu lya Shukulu Kalunga

¹³ Akushika kwendi mema a mwilu akuma, ikeye muka-kwendesa mashelwa kutunda ku shongo imo ya kaye nakweta ku shongo ikwavo. Muka-kuyemwisa muhyato mu nyonzi, nakutuma lihunzi kutunda mu cishete cendi.

Njelemiya 10:13 Iomraidhean Croise

Kushangumuka 2:5

co asi kwaamenene vimena omwo Shukulu Kalunga te kanda anyokese nyonzi ano asi, co lalo kwaakele munu walimine mahya.

1 Vimyene 18:41

Asinoni Elinja wendekele kuli Mwene Ahave ngwendi, “Ya ukalye nakunwa. Njazivi cilumo ca nyonzi yakama ilinakwija.”

Yombi 38:22

Kuma yove wakovelamo laja mu vinjuvo vyakutulikila mema akukonda, nambe wamona vinjuvo vyakutulikila nyonzi ya mamanya ndi?

Myaso 104:13

Yove ukanyokesa nyonzi a malundu yakutunda mwilu, asi anashulu na vivezikiso vyove.

Myaso 135:17

Vali na matwi, oloni kuvasa kuziva, kuvasa nameme kuhwima.

Myaso 135:7

Ikeye akasholola mashelwa kutunda ku shongo ya kaye, akatumu muhyato amo na nyonzi, co atuhwisa lalo lihunzi muje mulyakala.

Myaso 147:8

Ikeye wafwika melu na mashelwa, nakunyokesa nyonzi ano asi, ngeci a malundu amene mwila.

Myaso 18:13

Asinoni Shukulu Kalunga walumine mwilu, na lijwi lya wa Akamwa ya Akamwa valizivile.

Myaso 68:33

Kuli uje endela a lilu lya melu a ku san̄ulu! Mutolilileni omo endeka na lijwi lyendi lya nzili!

Kutuuka 9:23

Omo Mosesa wajundwile mulamu wendi mwilu, co Shukulu Kalunga watumine cililimo ca nyonzi ya mamanya, co ije mihyato yahyahyatele asi oshe. Ngecivene, Shukulu Kalunga wanyokesele nyonzi ya mamanya mu Ingito mwoshe.

Njelemiya 14:22

Kukwesi tumponya twa vaka-mafuti vasa kunyokesa nyonzi, lilu alyo lika kulyasa kunyokesa nyonzi ya vusuku-mbundu. Yetu tunaka cinyangavili cetu muli yove Shukulu Kalunga Njambi yetu, omwo yove lika muka-kulinga vyuma vyoshe evi.

Njelemiya 19:12

Mukemwo munjikalinga na nganda eyi na vanu vamwo ngwe munjalingile na Tofete.

Njelemiya 5:24

Kumwesi kuyongola mu vimbunge ngweni tukomokeni Shukulu Kalunga nameme ikeye kanyokesa nyonzi a nyangao na a ndombo, nakutwana visimbu vya kuteja vimbuto vyavingi a mwaka na mwaka.

Njelemiya 51:16

Akushika kwendi mema a akamwa ya mwilu akuma, akungulula mashelwa kutunda ku mitambela ya kaye. Ikeye muka-kuyemwisa muhyato wa nyonzi, nakutuma lihunzi kutunda ku njuvo yalyo yavutulikilo.

Amose 4:13

Njambi ikeye watangele minkinda, co watangele lihunzi. Ikeye asholola viyongola vyendi ku munu ngeci munu avizivuke, ikeye atengulula mutanya kuupwisa vutsiki. Ikeye muka-kushwana ano asi oshe. Lizina lyendi ikeye, Shukulu Kalunga Njambi Muka-nzili yoshe!

Zakaliya 10:1

Lombeni nyonzi kuli Shukulu Kalunga a simbu ya nyangao. Ikeye Shukulu Kalunga muka-kutuma mashelwa a nyonzi ya vusuku-mbundu, mukuzivalesa vimbuto vya mu mahya a munu na munu.