Njelemiya 10:12 - Livulu lya Shukulu Kalunga

¹² Shukulu Kalunga watangele kaye na nzili yendi, watangele kaye na mana endi, co wajangumwine melu.

Njelemiya 10:12 Iomraidhean Croise

Kushangumuka 1:1

Akulivanga Njambi watangele lilu na kaye.

Kushangumuka 2:5

co asi kwaamenene vimena omwo Shukulu Kalunga te kanda anyokese nyonzi ano asi, co lalo kwaakele munu walimine mahya.

1 Mizimbu 16:26

Omwo vinjambi voshe va vanu vapwa tumponya lika, oloni Shukulu Kalunga ikeye watangele melu.

Yombi 26:7

Njambi wajangumwine lilu lya ku kunto nakunyengelesa kaye a mukambwila.

Yombi 37:18

Kuma wasa kujala lilu ngwe Njambi? Likelyo lyapwa lyakukola ngwe vutale vwakusangununa.

Yombi 9:8

Naumo wai wakwasele Njambi kujangumuna melu, nambe kulyata a mankimba mu mema a kalunga.

Myaso 104:2

yove walifwika ceke ngwe vuzalo. Yove wajangumwine melu ngwe mbalaka,

Myaso 104:24

Yove Shukulu Kalunga unatanga vyuma vyavingi! Wavitangele vyoshe na mana ove! Kaye kanashulu na vije viwatangele.

Myaso 119:90

Kulongwa kwove kwakala ku visemwa vyoshe, yove unakolesa kaye, co kakakala ku myaka yoshe.

Myaso 24:2

Ikeye watungilile kaye a mema akulova mwisi ya livu, co wajalele luvula lwako a mema a kalunga akulova.

Myaso 33:6

Akushika kwendi Shukulu Kalunga watangele lilu, co na lijwi lyendi kwasholokele litangwa, na ngonde, na vingongonosi.

Myaso 65:7

Yove ukolwesa kukuma kwa mema a kalunga, na muyoyo wa mankimba, ukwolwesa lalo muyoyo wa vanu.

Myaso 78:69

Watungile Njuvo yendi yakujela, nakuyipwisa yailaja ngwe munkinda, ngwe kaye kaje kaatumbika myaka yoshe.

Myaso 93:1

Shukulu Kalunga ikeye mwene! Ikeye nazala vukama na nzili, kaye anga vakemikilile mu mwela wako, co kukesi kushwenya embwe.

Visimo 3:19

Shukulu Kalunga watangele kaye na mana endi, mukuzivuka kwendi waakele lilu mu mwela walyo.

Visimo 30:4

Iyajo wazivuka mana a mwilu? Iyajo wakwatele lihunzi mu livoko lyendi? Nambe kuzengela mema mu vuzalo vwendi? Nambe kutwa vinginga vya kaye? Nga kwali munu wangacije njilekeni lizina lyendi. Njilekeni lalo na lizina lya munendi.

Isaya 37:16

“Shukulu Kalunga Muka-nzili yoshe, Njambi ya Isalele, yove watumbama akamwa ya vakelumbi va mambava, yove lika wapwa Njambi, yove washwana vumwene vwoshe vwa mu kaye. Yove watangele kaye na lilu.

Isaya 40:22

Njambi ikeye muka-kushwana kaye koshe vanu voshe valinakuyoyao, vanapu lika ngwe mishwa. Ikeye wajangumwine lilu, ngwe nanga, ngwe mbalaka yakushokolola.

Isaya 42:5

Njambi watangele melu nakuwajangumuna, ikeye wajalele kaye na vyoshe vije vilimo, ikeye mukakwana mwonyo kuli vanu voshe va mu kaye. Co ololo Shukulu Kalunga Njambi nendeka kuli ngamba yendi ngwendi,

Isaya 44:24

“Yange Kalunga, muyoyesi weni, yange uje wamitangele, yange Kalunga, Ishamatanga wa vyuma vyoshe. Ange lika njajangumwine melu, omo njajalele kaye, naumo wai wanjikwaseleko.

Isaya 45:12

Yange njatangele kaye, nakutanga munu ngeci ayoyeleo. Njajangumwine melu na nzili yange, yange muka-kushika litangwa, na ngonde, na vingongonosi.

Isaya 45:18

Shukulu Kalunga ikeye watangele melu, ikeye lika Njambi! Ikeye wamungile nakutanga kaye, wakolesele kaye mbe, nakukala ku myaka yoshe. Katangele kaye ngeci kapwe ngwe mambo embwe, oloni apwe akuyoyela vanu. Ikeye nendeka ngwendi, “Yange njapwa Kalunga, kukwesi njambi weka lalo.

Isaya 48:13

Njatangele kaye na mavoko ange, nakujangumuna lilu. Lilu na kaye vyononoka kushika kwange kwoshe.

Isaya 49:8

Shukulu Kalunga alinakwendeka kuli vanu vendi ngwendi, “Omo simbu yakumyamena yeta, njikakumbulula malombelo eni nakumimwesa ngozi yange, njikamikongweya nakuminyunga, co muli yeni njikalinga cikumiiyo na vanu voshe. Co njikamitava mutunge lalo mu lifuti lyeni lije ololo linapu ngundu.

Njelemiya 10:13

Akushika kwendi mema a mwilu akuma, ikeye muka-kwendesa mashelwa kutunda ku shongo imo ya kaye nakweta ku shongo ikwavo. Muka-kuyemwisa muhyato mu nyonzi, nakutuma lihunzi kutunda mu cishete cendi.

Njelemiya 10:16

Njambi ya Yakomba kalifwile navo, ikeye lika watangele vyuma vyoshe, waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Njelemiya 14:22

Kukwesi tumponya twa vaka-mafuti vasa kunyokesa nyonzi, lilu alyo lika kulyasa kunyokesa nyonzi ya vusuku-mbundu. Yetu tunaka cinyangavili cetu muli yove Shukulu Kalunga Njambi yetu, omwo yove lika muka-kulinga vyuma vyoshe evi.

Njelemiya 27:5

“Yange njatangele kaye, na vanu, na tusitu, vaje vali ano asi, na nzili yange yakama na livoko lyange lyakwolola, co njivyana kuli munu uje injashaka.

Njelemiya 32:17

“Shukulu Kalunga wa Akamwa ya Vyoshe, yove watangele kaye na melu na nzili yove yakama, na livoko lyove lyakwolola, kukwesi cuma cacikalu kuli yove cai.

Zakaliya 12:1

Awa akewo majwi a Shukulu Kalunga kuli Isalele, Shukulu Kalunga uje wajangumwine melu, uje watangele asi, nakwana mwonyo kuli munu. Ikeye alinakwendeka ngwendi,

Yowano 1:3

Ali ikeye Njambi watangele vyuma vyoshe, co kukwesi cuma civatangele kujeneka ikeye cai.

Kolose 1:16

Omwo muli ikeye Njambi watangele vyuma vyoshe vya mwilu nevi vya asi, vyuma vije twasa kumona na vije kutwasa kumona, kwakao na vushwana vwa minzinzime ya ano asi na vashukulu na vaka-kushwana na vaka-moko yakushwana. Njambi watangele vyuma vyoshe muli ikeye na omwo ikeye.