Njelemiya 10:10 - Livulu lya Shukulu Kalunga

¹⁰ Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Njelemiya 10:10 Iomraidhean Croise

Kushangumuka 21:33

Avilahama wakunine muti wa tamalisiki mu Mbeleshemba, co walemesele Shukulu Kalunga Njambi wa ku myaka yoshe.

1 Vimyene 18:39

Omo vanu vamwene vije vyalingiwile, co voshe vatsikamene asi vatambekele ngwavo, “Shukulu Kalunga ikeye Njambi, Shukulu Kalunga lika ikeye Njambi!”

1 Vimyene 8:60

Ngecivene, miyati yoshe ya mu kaye vakazivuke ngeci Shukulu Kalunga ikeye lika wapwa Njambi, kukwesi weka lalo embwe.

1 Mizimbu 29:11

Yove wapwa uwakama, wa nzili, na vumpau, na vuvwa, na vumwene vwove vwapwa vwakama. Vyuma vyoshe vya mwilu nevi vya asi vyapwa vyove, co yove wapwa mwene, yove wapwa muka-kushwana vyoshe.

2 Mizimbu 15:3

VaIsalele vakele simbu yakama vajenekele Njambi wa vushunga, vajenekele vaka-kukombelela ngeci vavalongese, lalo vajenekele lishiko.

Yombi 9:6

Njambi akajajesa kaye nakuningangesa livu, nakujajesa vimanda vyalyo.

Myaso 10:16

Shukulu Kalunga ikeye wapwa mwene wa ku myaka yoshe, vaje valemesa vinjambi veka vakanyonga mu lifuti lyendi.

Myaso 100:3

Zivukeni ngeci Shukulu Kalunga ikeye Njambi, ikeye watutangele, co yetu tunapu tu vanu vendi, tunapu lalo vimanga va ku vutanga vwendi.

Myaso 100:5

Omwo Shukulu Kalunga wapwa wamuvwa, na cizemo cendi cije kucesi kutenguluka cakala ku myaka yoshe, na kulongwa kwendi lalo kwakala ku myaka yoshe.

Myaso 104:32

Ikeye akenga asi, co asi ajaja, ikeye akwata a minkinda, co ikakumuka vwisi.

Myaso 114:7

Asi ajaje omo Shukulu Kalunga aija, ku mesho a Njambi ya Yakomba,

Myaso 145:13

Vumwene vwove vwapwa vwa ku myaka yoshe, co yove wapwa u mwene wa ku myaka yoshe. Shukulu Kalunga wapwa muka-vushunga ku cikulaeso cendi, wapwa lalo wa cizemo ku vyoshe vije vyatangele.

Myaso 146:6

Ishamatanga uje watangele lilu, na asi na mema a kalunga na vyoshe vije vilimo. Ikeye muka-kunyunga cikulaeso cendi simbu yoshe,

Myaso 18:7

Omo Njambi waluvalele, asi aningangele nakujaja, na maluvula a minkinda alinikile nakushengenya!

Myaso 29:10

Shukulu Kalunga ashwana akamwa ya mema akulova, ikeye ashwana ngwe mwene ku myaka yoshe.

Myaso 31:5

Mu mavoko ove njikundika mwonyo wange, yove Shukulu Kalunga Njambi wa vushunga, yove unanjikulu.

Myaso 42:2

Njishungwiya Njambi, ngwe ciyambi ashungwiya mema, simbu mukajo njikamona cihanga ca Njambi?

Myaso 68:11

Shukulu Kalunga washikile lishiko, co vanakazi vavangi vambulwile muzimbu ngwavo,

Myaso 68:8

asi ajajele, co lilu lyanyokesele nyonzi, omwo kwija kwa Njambi wa Sinai, kwija kwa Njambi wa Isalele.

Myaso 74:12

Oloni yove Njambi, tunde ku san̄ulu unapu u mwene yetu, unatwamena visimbu vyavingi.

Myaso 76:7

Oloni yove Shukulu Kalunga voshe valinakukukomoka! Iyajo asa kwimana ku mesho ove omo unaluvala?

Myaso 76:8

Kusompa kwove vacizivukile tunde mwilu, vanu va asi vazivile lyova volokele kuluu,

Myaso 77:18

Mikalateto ya cilumo cove yasholokele, na mihyato yahyahyatele mu kaye mwoshe, co asi ajajele.

Myaso 84:2

Njishaka ngeci njikalemo! Njishaka kukala mu Njuvo ya Shukulu Kalunga. Na mbunge yange yoshe njiimba nakujolela kuli Njambi wakuyoya.

Myaso 9:8

Ikeye ashika kaye mwamuvwa, nakusompa vanu mu vushunga.

Myaso 90:11

Iyajo azivuka nzili ya vukalu vwove? Vukalu vwove vwapwa vwakama, ngwe lyova lije tukakuzivila.

Myaso 90:2

Simbu kanda utange malundu, simbu kanda utange kaye, yove wapwa u Njambi ku myaka yoshe.

Myaso 93:2

Litanda lyove lyakala tunde ku san̄ulu yove Shukulu Kalunga, yove wayoya myaka yoshe.

Myaso 97:4

Mihyato ya Shukulu Kalunga itwila ceke a kaye, kaye kamona mihyato, co kajaja.

Isaya 37:17

Ololo Shukulu Kalunga, kenga a vyuma evi vilinakulingiwa kuli yetu. Tolilila ku vyuma vyoshe vije vyalinakwendeka Mwene Senakelivi vyakushaula yove Njambi wakuyoya.

Isaya 37:4

Mwene wa vaAsilya natumu mwata wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

Isaya 40:15

Miyati ya vanu inapu yangoco kuli Shukulu Kalunga, inapu ngwe limbase lya mema mu lilonga, na man̄anda aje ali alyala anapu ngwe likungu.

Isaya 40:28

Kuma kumuzivuka ndi? Kuma kuvamilekele ndi? Shukulu Kalunga ikeye Njambi wa ku myaka yoshe, ikeye watangele kaye koshe. Kesi kujuka nambe kuzeya. Naumo wai asa kuzivisisa viyongola vyendi.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 65:16

Woshe uje ali mu lifuti ashaka civezikiso, vakamuvezikisa kuli Njambi wa kulongwa. Woshe uje alisinga, alisinge a lizina lya Njambi wa kulongwa. Tuyando twa kunima tukahwa, co vakatwivala.”

Njelemiya 23:36

Ngecivene, kuvapandele kwendeka majwi ngwavo, ‘Citele ca Shukulu Kalunga,’ omwo nga umo alingamo, co mwa vushunga njikapangesa majwi ange ngeci akapwe citele kuli ikeye. Vanu vanaviisa majwi a Njambi yavo, ikeye Njambi wakuyoya Shukulu Kalunga Muka-nzili yoshe.

Njelemiya 4:2

cikapwa ca vushunga kulisinga mu lizina lyange. Asinoni miyati ya vanu voshe vakanjilomba ngeci njivavezikise, co vakanjishangazala.”

Njelemiya 4:24

Njakengele ku minkinda, co yakele nakujaja, na malundu akele nakuninganga.

Njelemiya 50:46

Omo Mbambilone ikawa, co kukakala muyoyo wakama uje ukajajesa kaye, na muyoyo wakulila vakauziva na ku mafuti eka.”

Njelemiya 51:29

Ano asi ali na lyova nakujaja omwo Shukulu Kalunga alinakutumba vutumbe vwakwimwisa Mbambilone mambo, muje mukajeneka kukala vanu.

Ndanyele 4:3

“Vikomokeso vyakatumwesa Njambi vyapwa vyakama manene! Vizivukiso vyendi vyahyana nzili! Njambi wapwa wa ku myaka yoshe, ikeye akashwana visimbu vyoshe.

Ndanyele 4:34

“Munima ya myaka itanu na ivali, yange Nevukaneza, njakengele kwilu, co mana ange elukile lalo kuli yange vavenya. Njashangazalele Njambi wa Akamwa ya Akamwa, njashangazalele nakusingimika uje wakala ku myaka yoshe. “Ikeye akashwana ku myaka yoshe, vumwene vwendi vukakala simbu yoshe.

Ndanyele 6:26

Yange njilinakushika ngwange mu vumwene vwange vwoshe, munu woshe napande kulemesa nakusingimika Njambi ya Ndanyele. “Ikeye Njambi wakuyoya, ikeye akashwana ku myaka yoshe. Vumwene vwendi kuvwesi kunyonga, co nzili yendi kuyesi kuhwa.

Ndanyele 6:27

Ikeye akamena nakupatula, akalingi vikomokeso na vizivukiso mwilu na ano asi. Ikeye wovwele Ndanyele ku tunwa twa vindumba.”

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

Njwele 2:11

Shukulu Kalunga ashika mashwalale vendi na lijwi lyakama ngwe cililimo. Mashwalale vaje vamwononoka vapwa vavangi, co lalo vakala na nzili. Litangwa lya Shukulu Kalunga likapwa lya vukalu manene! Naumo wai akasa kuputumuka.

Mika 1:4

Asinoni minkinda ikasangunuka mwisi yendi ngwe vulongo vuli mu liko, iketikila mu vimbongo ngwe mema alinakwitikila asi kutunda ku lilundu.

Nahumi 1:5

Minkinda ininganga ku mesho a Shukulu Kalunga, malundu asangunuka kulutwe lwendi. Asi aninganga omo Shukulu Kalunga asholoka, Kaye na vanu vamwo voshe valijajela.

Nahumi 1:6

Omo naluvala, iyajo asa kuyoya? Iyajo asa kuyoya ku vukalu vwendi vwakama? Etila vukalu vwendi ngwe milangi ya tuhya, mamanya atavozoka apwa likungu ku mesho endi.

Hambakuke 3:10

Omo minkinda yakumwene, co yaningangele, mema etikile kutunda mu mashelwa. Mema a mwisi ya asi akumine, co mankimba awo akatukile kuya kwilu manene.

Hambakuke 3:6

Omo alikela, co kaye kajaja, omo akenga, co vanu voshe a kaye valijajela. Alingisa minkinda yalaja ngeci isanyozoke sanyu-sanyu, na malundu kumbwitama kwisi, malundu aje ikeye wendeleo ku san̄ulu.

Malakiya 3:2

Oloni iyajo akasa kwimana a litangwa lyakwija kwendi? Iyajo akovoka omo akasholoka? Omwo akapwa ngwe tuhya twa n̄ulungu muka-kufula vikuvo nambe njapau ya muka-kukusha vinanga.

Mateo 16:16

Simoni Petulu wamukumbulwile ngwendi, “Yove Wakuvwevesa, Muna Njambi Wakuyoya.”

Mateo 26:63

Oloni Yesu wolokele kuluu. Co Muka-kukombelela Wakama wendekele kuli ikeye lalo ngwendi, “Mu lizina lya Njambi wakuyoya, ololo njikuleka ulisinge ngeci utuleke nga yove u Wakuvwavesa, Muna Njambi.”

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Vilinga vya Miluwa 14:15

“Omwo vikajo mulinakulinga cuma eci? Netu tunapu tu vanu ngeci mweni! Tulikuno mukwambulula Vin̄anda Vyavivwa, mukumitengulula ku vyuma vyangoco ngeci mwije kuli Njambi wakuyoya, uje watangele lilu na asi na mema a kalunga na vyoshe vilimo.

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

Kwituluka mu Mashiko 5:26

Omwo munu iyajo nazivi laja lijwi lya Njambi wakuyoya endeka oku ali mukati ka tuhya, ngwe mutunazivi yetu, ngeci uje munu ayoye?

1 Tesalonika 1:9

Vanu voshe valinakwendeka vati yeni mwatutambwile omo twezile nakumimona, co lalo vati mwatengulukile kutunda ku tumponya nakwija kuli Njambi, nakupangela Njambi wa vushunga wakuyoya,

1 Timateo 1:17

Kuli Mwene wa myaka yoshe, uje kesi kutsa uje kutwasa kumona, endi lika Njambi, kuli ikeye kukale kasingimiko na vumpau ku myaka yoshe! Ewa.

1 Timateo 6:17

Shika vaje vanafuku mu vyuma vya mwonyo ou ngeci kesi valyalese, oloni vaake cinyangavili cavo, kesi mu vyuma vya cifwa ca vufuko, oloni muli Njambi, uje muka-kushemutwisa vyuma vyoshe kuli yetu ngeci tuvivwaelele.

VaHevelu 10:31

Cinapu cuma cakujajesa kuwila mu mavoko a Njambi wakuyoya!

Yoshwa 3:10

Co mukazivuka ngeci Njambi wakuyoya ali akati keni ngwe omo mulinakuya kulutwe, mwa vushunga vene ikeye akasheka vaKanana, na vaHiti, na vaHivi, na vaPelezi, na vaNgilengashi, na vaAmoli, na vaNjevushi.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

Kujombolola 20:11

Co njamwene litanda lyakama lyakutoka na uje watumbameneo. Kaye na lilu vyatewele ku mesho endi, co kuvavimwene lalo.

Maako 5:4

Omo Shukulu Kalunga watundile ku minkinda ya ku Seila, omo watundile mu lifuti lya vaEndome, kaye kajajele, na nyonzi yanyokele kutunda mwilu. Eyo, mema atundile mu mashelwa etikile.

1 Samwele 17:26

Ndaviti wehwile vaje vanu vakele kuyehi nendi ngwendi, “Cuma muka civakana munu uje atsiya kaFilisitiya ou, nakupatula vaIsalele ku shwamwa eyi? KaFilisitiya iyajo ou wakujeneka kukulaela Kalunga ayeluwisa mbunga ya mashwalale va Njambi wakuyoya?”

1 Samwele 17:36

Njatsiya laja vindumba, na vaingwe, co njikalinga mumolika lalo na uje kaFilisitiya muka-kujeneka kukulaela, uje ayeluwisa mashwalale va Njambi wakuyoya.