Njelemiya 1:9 - Livulu lya Shukulu Kalunga

⁹ Asinoni Shukulu Kalunga wolwele livoko lyendi, co wakwatele a kanwa kange, wendekele kuli yange ngwendi, “Njilinakukwana majwi aje aunapande kwendeka.

Njelemiya 1:9 Iomraidhean Croise

Isaya 49:2

Ikeye walingisile majwi ange kuvambuka ngwe moko ya mukwale, nambe ngwe mukili wakushongomoka, wakukalwila cimweja. Wanjinyungile mwamuvwa na livoko lyendi.

Isaya 50:4

Shukulu Kalunga wa Akamwa ya Vyoshe nanjilongesa vije vyakwendeka, ngeci njase kutakamesa vaje vanajuka. A mutondo na mutondo akanjiindula ngeci njizive vije vyanjilongesa.

Isaya 51:16

Njajangumwine melu nakujala luvula lwa asi, njendeka kuli Yelusalema ngwange, ‘Yeni munapu vanu vange! Njamyana mashiko, co njikunyunga na livoko lyange.’ ”

Isaya 59:21

Njilinakulikumiiya cikumiiyo neni, njinamyana Munzinzime wange na vilongesa vyange kupwa vyeni ku myaka yoshe, co kutunda lelo nakutwala kulutwe, munapande kunjononoka nakulongesa vana veni, na vatekulwila veni kunjononoka visimbu vyoshe vikaija kulutwe.”

Njelemiya 15:19

Ngecivene, Shukulu Kalunga wakumbulwile ngwendi, “Nga utenguluka, co njikakutambula, ngeci unjipangele lalo. Nga wambulula vya seo, kesi kwambulula vyuma vyangoco, co ukapwa muka-kwimanena wange lalo. Vanu va mu Yunda vakatolilila vije ukendeka, kesi ukombe mbunge kukujujwisa kwavo.

Njelemiya 34:6

Asinoni njalekele majwi awa Mwene Zendekiya mu Yelusalema,

Njelemiya 36:2

“Nona livulu usonekemo vyuma vyoshe vinjinakuleke ali Isalele, na a Yunda, na a miyati yoshe. Co soneka vyuma vyoshe vije njakulekele, kutunda ku simbu yakulivanga ije njendekele kuli yove omo Yosiya wapwile mwene, kweta na simbu ino.

Njelemiya 5:14

Ngecivene, Shukulu Kalunga Njambi Muka-nzili yoshe wendekele kuli yange ngwendi, “Njelemiya, omwo vanu ava vanendeka vyuma evi, lijwi lyange njikalipwisa ngwe tuhya mu kanwa kove. Vanu va mu Isalele na mu Yunda vakapwa ngwe vitale, co tuhya tukavenyeka njwa.”

Ezekiyele 3:10

Njambi wendekele lalo ngwendi, “Muna munu, tolilila mwamuvwa nakwaka majwi oshe anjikuleka mu mbunge yove.

Ndanyele 10:10

Asinoni livoko lyanjikwatele nakunjimika, oloni anga njakele nakujaja vene.

Ndanyele 10:16

Asinoni kangelo uje wafwile ngwe munu, wolwele livoko lyendi nakukwata ku kanwa kange. Co njendekele kuli ikeye ngwange, “Shukulu, cimona eci cinanjizeyesa manene, kunjasa kusimpa.

Kulava 23:5

Co Shukulu Kalunga walekele Mbalame ngwendi, “Iluka kuli Mbalake, co omu mukemwo muukendeka.”

Mateo 10:19

Omo vakamitwala mukumisompa, kesi mushote vimbunge vyeni ngweni vikajo tukendeka nambe vatijo tukendeka, omwo a simbu ije vene vakamileka vati munapande kwendeka.

Mako 7:33

Ngecivene, Yesu wamutwalele kwendi lika, kulyala na vanu, co waakele milavo yendi mu matwi a uje munalume, wajekwile mate, co wakwatele ndaka ya uje munalume.

Luka 12:12

Omwo Munzinzime Wakujela akaminangula mumunapande kwendeka a simbu ije vene.”

Luka 21:15

omwo njikamyana majwi na mana ngeci vitozi veni kuvakasa kumivayesa nambe kuvyana vimukendeka.

Kwituluka mu Mashiko 18:16

“A litangwa lije mwakungulukilile ku Munkinda wa Sinai, yeni mwanjilombele ngweni, ‘Kesi tuzive lalo lijwi lya Shukulu Kalunga Njambi yetu endeka, nambe kumona tuhya twa vumpau vwa ku mesho endi embwe, kutewa tutsa.’

Kwituluka mu Mashiko 18:17

Ngecivene, Shukulu Kalunga wendekele kuli yange ngwendi, ‘Omu muvanendeka munapu mwamuvwa.

Kwituluka mu Mashiko 18:18

Njikavatumina muka-kwimanena wakufwa ngwe yove wakutunda akati kavo vene. Co njikamuleka evi akendeka, co ikeye akaleka vanu vyuma vyoshe vinjikamushika.