Njelemiya 1:8 - Livulu lya Shukulu Kalunga

⁸ Kesi uvazivile lyova embwe, omwo yange njikakala nove nakukunyunga. Yange Kalunga, njinendekamo!”

Njelemiya 1:8 Iomraidhean Croise

Kutuuka 3:12

Njambi wamukumbulwile ngwendi, “Yange njikakala amo nove, co eci cikapwa cizivukiso kuli yove ngeci yange njakutumu. Omo ukatundisa vanu vaIsalele mu Ingito, co mukanjilemesa a munkinda uno vene.”

Isaya 43:2

Omo ukaita mu mema akulova, njikakala nove, kuwakakuzuvika embwe. Omo ukaita akati ka tuhya, kuukenye embwe, vyeseko vyakama vije vikaija ali yove, kuvikakuvulumuna.

Isaya 51:12

Shukulu Kalunga nendeka ngwendi, “Yange muka-kumitakamesa. Omwo vikajo muzivila lyova munu, uje ikeye oma na kutsa ngwe mwila?

Isaya 51:7

“Tolilileni kuli yange, yeni muzivuka vije vya vushunga, yeni vanu vange munanyungu vilongesa vyange mu vimbunge vyeni. Kesi muzive lyova omo vanu vamishaula,

Njelemiya 1:17

Ngecivene, Njelemiya, katuka uye, ya ukavaleke vyuma vyoshe vije vinjikushika. Kesi uvazivile lyova embwe, nga uziva lyova ni, co njikakuzivisa manene lyova ku mesho avo.

Njelemiya 1:19

Vakevo vakakulwisa, oloni kuvakakufungulula, omwo yange njikakala nove nakukunyunga. Yange Kalunga, njinendekamo.”

Njelemiya 20:11

Oloni yove Shukulu Kalunga, uli amo nange kupwa muka-nzili na muka-kujujwisa, voshe vaje vanjipakesa vakonwa. Vakaziva shwamwa ku myaka yoshe omwo kuvakahyana embwe.

Njelemiya 30:11

Yange njili amo neni nakumyamena. Njikanyongesa miyati ya vanu voshe, kuje kunjamishandwelelele, oloni kunjikaminyongesa, kunjikamyecelela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 39:11

Oloni Mwene Nevukaneza washikile Nevuzalandane, muka-kushika wa vaka-kunyunga kwana mashiko awa ngwendi,

Njelemiya 42:11

Kesi muzivile lyova mwene wa Mbambilone. Yange njili amo neni, co njikamyamena ku nzili yendi.

Ndanyele 3:17

Nga Njambi ou itwapangela asa kutwamena mu litende lya tuhya na ku nzili yove, co asa vene.

Ndanyele 3:25

Co wendekele ngwendi, “Omwo vikajo njinamono vanalume vawana valinakwendangana mu tuhya? Vakevo lalo kesi vakukuta embwe, co kuvesi nakusholoka ngwe valinakwenya embwe, co umo wavo wamuciwana nafu ngwe kangelo.”

Mateo 10:26

“Ngecivene, kesi muzivile vanu lyova. Omwo kukwesi cuma cakufwika civakonwa kufukula, nambe cuma cakwendekela mu vushweke kuvanga cikajomboloke.

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Vilinga vya Miluwa 18:10

omwo njili amo nove. Co naumo wai asa kukuvulumuna, omwo vanu njili na vavangi mu nganda eyi.”

Vilinga vya Miluwa 26:17

Njikakwamena kuli vanu va Isalele na kuli vaje kesi vaYunda kuje kunjikakutuma.

Vilinga vya Miluwa 4:13

Vaka-Munga vakomokele omo vamwene kusimpa kwa Petulu na Yowano nomu vavamwene ngeci vapwile vanu vangoco vakujeneka kulilongesa. Co vavanongonwene ngeci vakevo vakele amo na Yesu.

Vilinga vya Miluwa 4:29

Co ololo, Shukulu Kalunga, kenga muvali nakutushungwiya, co twane kusimpa yetu vangamba vove, ngeci twambulule lijwi lyove.

Efeso 6:20

Omwo a lizina lya lijwi eli yange njinapu nji muka-kwimanenako, nambe ololo njili mu kamenga. Lombeleni ngeci njisimpe mukwambulula muzimbu wauvwa ngwe munjinapande.

Kwituluka mu Mashiko 31:6

Koleseni nakusimpa. Kesi mukavazivile lyova nambe kulijujukila embwe, omwo Shukulu Kalunga Njambi yeni akakala amo neni. Ikeye kakonwa nambe kumiseza eni lika embwe.”

Kwituluka mu Mashiko 31:8

Shukulu Kalunga vavenya akamitwamenena, co akakala amo neni. Ikeye kakonwa nambe kumiseza. Ngecivene, kesi mukazive lyova nambe kujujuka.”

Yoshwa 1:5

Naumo wai akakufungulula matangwa oshe akuyoya kwove. Simbu yoshe njikakala amo nove ngwe munjakele na Mosesa, kunjikakuseze ngoco, nambe kukukengesa nima embwe.

Yoshwa 1:9

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”