Njelemiya 1:16 - Livulu lya Shukulu Kalunga

¹⁶ Co njikahisa vanu vange omwo vanalingi vuvi akunjiseza, vanakombelela vin̄ombelo ku vinjambi veka, co vanashongo tumponya nakutulemesa.

Njelemiya 1:16 Iomraidhean Croise

2 Vimyene 22:17

Vakevo vananjivyana, co vanakombelela vin̄ombelo kuli vinjambi veka, co vanashangumuna vukalu vwange a vyoshe evi vivanalingi. Vukalu vwange vunakatuka vwakulwisa Yelusalema, co kunjikavututumwisa embwe.

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

2 Mizimbu 28:2

co wakavangeyeye vingila vya vimyene va mu Isalele. Wafulile vifwa vya vutale vya Mbale,

2 Mizimbu 34:25

Vakevo vananjivyana, co vanakombelela vin̄ombelo ku vinjambi veka, vanashangumuna vukalu vwange a vyuma vivanalingi. Vukalu vwange vunakatuka kulwisa Yelusalema, co kunjikavututumwisa embwe.

2 Mizimbu 7:19

Oloni nga yove nambe vanu vove kumwononoka mashiko ange na vizilika vyange evi njinamyana, co mukalemesa vinjambi veka,

Isaya 2:8

Mu lifuti mwoshe munashulu na tumponya, co valinakulemesa vyuma vije vivanapanga na mavoko avo.

Isaya 37:19

omwo vinjambi vavo kuvapwile vinjambi vavavwa, oloni vifwa lika vya viti, na mamanya, vije valingile na mavoko a vanu, ngecivene, vavenyekele.

Isaya 44:15

Munu apangesa mutambela umo wa muti uje kupwa vitale vya tuhya, co mutambela ukwavo ashongao kamponya. Avwekesa tuhya mutambela ukwavo wa muti kwocao likende, mutambela ukwavo ashongao kamponya nakukalemesa.

Isaya 65:3

Vakanjiluvalesa nakunjiyeluwisa. Vakombelela vin̄ombelo ku tumponya mu vitungu vyavo vyakujela nakwenyeka insense a mitula yakutunga na livu.

Njelemiya 10:15

Tumponya tunapu twangoco, vanapande kutuyeluwisa, omo Shukulu Kalunga akaija vakatunyongesa.

Njelemiya 10:3

Omwo vilika vya vanu ava vinapu vyangoco, omwo munu ashinja muti mu shwata, aushonga kamponya,

Njelemiya 11:12

Asinoni vanu va mu Yunda na vanu va mu Yelusalema vakatambeka ku vinjambi vaje vavanakala nakukombelela. Oloni vinjambi vaje kuvakavamena omo vali mu vukalu.

Njelemiya 11:17

“Yange Kalunga Muka-nzili yoshe, njakunine Isalele na Yunda, oloni ololo njivatumbwila tuyando. Vakevo vavenya vanalikokela tuyando omwo vanalingi vuvi, vananjiluvalesa akukombelela vin̄ombelo kuli Mbale.”

Njelemiya 15:6

Yeni vanu vange munanjivyana nakunjiseza, munanjikengesa nima. Njinajuka kumizivila mema ku mbunge, cooni njikaminyongesa.

Njelemiya 16:11

Asinoni ukavaleka ngwove Shukulu Kalunga nendeka ngwendi, ‘Omwo vakukulwila veni vanjikengesele nima, valemesele nakupangela vinjambi veka. Vanjisezele kuvononokele vilongesa vyange.

Njelemiya 17:13

Shukulu Kalunga, yove wapwa cinyangavili ca Isalele, voshe vaje vakuseza vakaziva shwamwa. Voshe vaje vakuseza vakaya ku vukalo vwa vatsi, omwo vanaseza yove Shukulu Kalunga lisima lya kavwelu-vwelu lya mema a mwonyo.

Njelemiya 18:15

Oloni vanu vange vananjivala, venyekela insense ku tumponya. Vanatundu mu ngila muje muvanapandele kuya, kuvesi nakukavangeya vingila vyalaja, oloni valinakwenda mu vingila vyakupunda.

Njelemiya 19:4

Njikalinga eci omo vanu vananjiseza, vanajwalesa mutambela ou akukombelelamo vin̄ombelo ku vinjambi veka, vinjambi vaje nambe vakevo, nambe vakukulwila vavo, nambe vimyene va mu Yunda kuvavazivukile. Vanashulisa mutambela ou na maninga a vanu vakujeneka mulonga,

Njelemiya 2:13

omwo vanu vange vanalingi vuvi vuvali, vanatundu kuli yange, lisima lya kavwelu-vwelu lya mema akutonola, vanalicokwela masima a myanzi muje kumwasa kukendama mema.

Njelemiya 2:17

Isalele, yove vavenya walikokela vuvi! Wasezele yange Kalunga Njambi yove, omo njakutwamenenene mu ngila.

Njelemiya 2:19

Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

Njelemiya 2:28

“Vali kulijo vinjambi vaje mwalishongelele? Vanapande kumyamena, omo muli mu tuyando! Yunda, yove uli na vinjambi vavangi ngwe muuli na vinganda vyavingi.

Njelemiya 4:12

oloni likapwa lihunzi lya nzili manene lije lyakashika Shukulu Kalunga! Shukulu Kalunga vavenya ikeye alinakutumbula cisompelo a vanu vendi.

Njelemiya 4:28

Kaye kakalila, co lilu likazivala. Shukulu Kalunga nendekamo, co kakatengulula viyongola vyendi. Mukemwo mwanayongola, co kakatengululako mweka lalo.

Njelemiya 44:17

Tukalinga vyuma vyoshe vije twakulaesele ngwetu tukavilinga. Tukakombelela vin̄ombelo kuli njambi yetu wa munakazi, Lishano lya Mwilu, co tuketila vin̄ombelo vya vinyu kuli ikeye, ngwe yetu na vakukulwila vetu, na vimyene vetu, na vantwama vetu, valingile mu vinganda vya mu Yunda na mu vitapalo vya mu Yelusalema. Twakele na vyakulya vyavingi, co twakele mwamuvwa na vukalu vwai.

Njelemiya 5:29

“ ‘Oloni yange Kalunga, njikaminyanyamesa a vyuma evi, njikalinga shambandinga a muyati ou.

Njelemiya 5:9

Kuma kunjapandele kuvanyanyamesa a vyuma evi, nakulinga shambandinga a muyati wa vanu wa cifwa cangacije ndi?

Njelemiya 51:17

Munu woshe wapwa cilema nakujeneka mana omo amona vyuma evi, vaje vakalingi tumponya vaziva shwamwa omwo tumponya twavo twapwa twa makuli, co kutwesi na mwonyo.

Njelemiya 7:17

Kuma yove kuwesi nakumona vivalinakulinga vanu va mu Yunda mu vinganda vyavo, na mu vitapalo vya mu Yelusalema ndi?

Njelemiya 7:18

Vanike vacava vitale, vanalume vavweka tuhya, co vanakazi vashinga vunga nakwoca makende a njambi wa munakazi uje ivatumbula ngwavo Lishano lya Mwilu. Co vetila lalo n̄ombelo ya vinyu kuli vinjambi veka, ngeci vanjizivise ku mbunge kuvavala.

Njelemiya 7:9

Mulinakwiva, mulinakutsiya, mulinakulinga vupangala, mulinakulisinga vya makuli, co mulinakukombelela kuli Mbale, nakulemesa vinjambi vaje kumwazivukile akulivanga.

Ezekiyele 16:18

Wambatele vuzalo vwakushelasana vunjakwanene wavuzikile tumponya, co wakombelelele ku tumponya mazi a olive na insense vije vinjakwanene.

Ezekiyele 24:14

Munjinendeka yange Kalunga. Cikalingiwa, yange njikacilinga. Kunjikombuko mbunge ku vuvi vwove, nambe kumwesa ngozi nambe kuziva mema ku mbunge. Njikakuhisa a vije viwunalingi.” Munjinendeka yange Kalunga wa Akamwa ya Vyoshe.

Hoziya 11:2

Nameme yange njamusanene oloni ikeye watundile kuli yange. Vanu vange vakombelelele kuli Mbale, co venyekelele insense ku tumponya.

Hoziya 8:6

Uje kamponya wamupangele mutongwe wa mu Isalele, co uje kamponya kesi njambi embwe! Uje ngombe wa nkomba wa ngolinde valemesa vanu va mu Samaliya vakamupujula vimbazuvwila-mbazuvwila!

Njwele 2:11

Shukulu Kalunga ashika mashwalale vendi na lijwi lyakama ngwe cililimo. Mashwalale vaje vamwononoka vapwa vavangi, co lalo vakala na nzili. Litangwa lya Shukulu Kalunga likapwa lya vukalu manene! Naumo wai akasa kuputumuka.

Vilinga vya Miluwa 7:41

Co ikeyo vene simbu ije ivamungile kamponya mu cifwa ca ngombe wa nkomba nakukombelelako n̄ombelo nakulinga ciwano cakusingimika cuma cije civalingile.

Kwituluka mu Mashiko 28:20

“Nga mulinga vuvi nakuvyana Shukulu Kalunga, co ikeye akamitumina vukalu, nakwilasana, na tuyando, mu vyuma vyoshe vimukalinga, noo vanaminyongesa njwa.

Kwituluka mu Mashiko 31:16

Co Shukulu Kalunga wendekele kuli Mosesa ngwendi, “Ololo ukatsa, co omo unatsi laja, vanu vakajeneka kunjononoka, co vakapokola cikumiiyo cije njalikumiiye navo. Vakanjiseza nakulemesa vinjambi va mu lifuti lije livakakovela.

Yoshwa 24:20

nga museza Shukulu Kalunga nakupangela vinjambi veka, co ikeye akamitengulukila nakumihisa. Co akaminyongesa, nameme ikeye wapwile wamuvwa kuli yeni akulivanga.”

Kujombolola 9:20

Vaje vanu vasaleleo, voshe vaje kuvatsile na tuyando otu, kuvatengulukile kutunda ku vije vivalingile vakevo vavenya. Kuvalikelele kulemesa minzinzime yakujwala nambe tumponya twa ngolinde, siliva, vunengu, mamanya na viti, vije kuvyasa kumona nambe kuziva nambe kwenda.