Njelemiya 1:11 - Livulu lya Shukulu Kalunga

¹¹ Shukulu Kalunga wanjihwile ngwendi, “Njelemiya, vikajo unamono?” Co njakumbulwile ngwange, “Njinamono munango wa muti wa alumonde.”

Njelemiya 1:11 Iomraidhean Croise

Kushangumuka 30:37

Yakomba wavatwile minango ya miti ya popula, na alumonde, na miti ya puleni, co watundisile vyula vimo ngeci ije minango ikale na mingolila yakutoka.

Isaya 55:11

Omu mukemwo muwapwa majwi ange, majwi ange kuwakeluka kuli yange, kujeneka kulinga vije njawatumine ngeci awalinge.

Njelemiya 24:3

Asinoni Shukulu Kalunga wendekele kuli yange ngwendi, “Njelemiya, vikajo unamono?” Co njakumbulwile ngwange, “Vushuka vwa mikuyu. Vushuka vwavuvwa vunapu vwavuvwa manene, co vushuka vwavuvi vunapu vwavuvi manene, kuvuvwaa kuvulya.”

Ezekiyele 12:25

Yange Kalunga, njikendeka kuli vakevo, co vije vinjikendeka vikalingiwa. Kwishwala kucikakalako lalo embwe. Mu simbu yakuyoya kweni kwoshe, yeni vaka-kutengulukila, njikalinga vije vinjaminangwile ngeci njikavilinga. Yange njinendekamo,” mwalinakwendeka Shukulu Kalunga wa Akamwa ya Vyoshe.

Ezekiyele 12:28

Ngecivene, valeke ngwove yange Kalunga wa Akamwa ya Vyoshe, njilinakwendeka ngwange, ‘Kukukakala lalo kwishwala embwe. Evi vinjinendeka vikalingiwa. Munjinendeka yange Kalunga.’ ”

Ezekiyele 7:10

Litangwa lya tuyando twakama lilinakwija ali Isalele. Mbweti yakukupupisa ilinakujovelela. Kulyalesa kunaama manene.

Amose 7:8

Co wanjihwile ngwendi, “Amose, vika unamono?” Co njamukumbulwile ngwange, “Njamono mukole wakusetekesa. Asinoni wendekele kuli yange ngwendi, ‘Njilinakupangesa mukole ou mukukumwesa ngeci vanu vange vanapu ngwe civumbe cakwongomokela anja ya mukole. Co kunjikatengulula lalo viyongola vyange vyakuvanyanyamesa.

Amose 8:2

Shukulu Kalunga wanjihwile ngwendi, “Amose, vika unamono?” Co njamukumbulwile ngwange, “Njamono mutonga wa vushuka.” Co Shukulu Kalunga wendekele kuli yange ngwendi, “Kukotoka kwa vanu vange va Isalele kunete. Kunjikatengulula lalo viyongola vyange vyakuvanyanyamesa.

Zakaliya 4:2

Wanjihwile ngwendi, “Vikajo wamono?” Co njamukumbulwile ngwange, “Njamono citumbikilo ca ndeya ca ngolinde. Co akamwa ali lilonga lya mazi. Co a citumbikilo ca ndeya ali vindeya vitanu na vivali, co ndeya imo na imo ili na mitetango itanu na ivali.

Zakaliya 5:2

Co kangelo wanjihwile ngwendi, “Vikajo wamono?” Njamukumbulwile ngwange, “Njamono livulu lyakuzenga lipulula lyakupwa mamita atanu na awana mu vulaja na mamita awana na litambelo mu vwihi.”

Kulava 17:8

Alikaki, Mosesa wakovelele mu Mbalaka Mwakuliwanena, co wamwene mulamu wa Alone uje wemanenene muyati wa Levi, unajovelela, uli na mavundungulu, unashamwina vishani, co unemi vushuka vwakuhya vwa alumonde!