Njelemiya 1:10 - Livulu lya Shukulu Kalunga

¹⁰ Ku litangwa lya lelo njilinakukutuma na nzili kukendeka ku mafuti oshe na ku vumwene vwoshe kutukula nakusiwula, kunyongesa nakuwisa, kutunga nakukuna.”

Njelemiya 1:10 Iomraidhean Croise

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

1 Vimyene 19:17

Woshe munu akaputumuka kuli Hazayele kumutsiya, co vakamutsiya kuli Yehu, munu woshe akaputumuka kumutsiya kuli Yehu, vakamutsiya kuli Elisha.

Muka-kwambulula 3:3

kuli simbu yakutsiya, na simbu yakwindula, kuli simbu yakusiwula, na simbu yakutunga.

Njelemiya 1:5

“Njakuzivukile simbu kanda uwile mwimo lya vanyoko, njakwangwile simbu kanda usemuke ngeci upwe muka-kwimanena wange ku miyati ya vanu.”

Njelemiya 24:6

Njikavanyunga nakuvelwisila lalo mu lifuti eli. Yange vene njikakala navo. Kunjikavashandola embwe, njikavakongweya, kuvakatundumo embwe.

Njelemiya 25:13

Njikanyanyamesa Mbambilone na tuyando twoshe tuje njashakele kunena a miyati ya vanu omo njendekele muli Njelemiya, tuyando twoshe vasoneka mu livulu eli.

Njelemiya 31:28

Ngwe omo njavanyungile mukuvatukula, nakuvawisa, nakuvombila, nakuvanyongesa, nakuvayandesa, ngecivene, njikavanyunga mukuvakuna, nakuvatunga lalo.

Njelemiya 31:40

Mu cimbongo muje vakatsindi vivimbi, nakumbila vishwashwa, na mahya oshe a vulamatelo a kandonga ka Kindelone kuketa na ku Cikolo ca Tuvalu mu ngangela, kuli yange ikapwa mitambela yakujela. Nalumo lwai lalo vakasiwula Yelusalema nambe kuyinyongesa.”

Njelemiya 36:2

“Nona livulu usonekemo vyuma vyoshe vinjinakuleke ali Isalele, na a Yunda, na a miyati yoshe. Co soneka vyuma vyoshe vije njakulekele, kutunda ku simbu yakulivanga ije njendekele kuli yove omo Yosiya wapwile mwene, kweta na simbu ino.

Njelemiya 44:27

Kunjikamivezikisa embwe, oloni njikaminyongesa. Muvavoshe mukatsa ku nzita, nambe ku mushongo, naumo wai wa ali yeni akasalao.

Njelemiya 45:4

“Oloni yange Kalunga, njilinakusiwula vije vinjatungile, nakutukula vije vinjatombekele. Co njikalinga evi ano asi oshe.

Ezekiyele 21:19

“Muna munu, aka cimweso mu vingila vivali muje mwakezilila mwene wa ku Mbambilone na mukwale wendi. Vingila vyoshe vivali vishangumukile mu lifuti limo. Aka vimweso ku masambwa-ngila.

Ezekiyele 23:36

Shukulu Kalunga wendekele kuli yange ngwendi, “Muna munu, unalivwaesela cimweja kusompa Ohola na Oholimba nakuvaleka vilinga vyavo vya vunyengwe ndi?

Ezekiyele 32:18

“Muna munu, lila omwo mbunga yakama ya vanu va mu Ingito. Vashelumwise amo na vakwavo vaka-miyati ya nzili ku lifuti lya vatsi.

Ezekiyele 36:36

Asinoni miyati ya kulyata, vaje vacili nakuyoya, vakazivuka ngeci yange njapwa Kalunga, njikatungulula vinganda vyasiwukile nakukuna lalo mu mahya muje mwapwile mu mashokola. Yange Kalunga njakulaesele ngwange njikalinga vyuma evi, co njikalingamo vene.”

Ezekiyele 43:3

Cimona eci capwile ngwe cije njamwene omo Njambi wezile mukunyongesa Yelusalema, na cije njamwene ku ngenge ya Ndonga ya KeVaLe Co njawililile asi na cihanga cange cakwatele a livu.

Hoziya 6:5

Omu mukemwo njatumu vaka-kwimanena vange kuli yeni na majwi a kusompa na akunyongesa. Vinjishaka kuli yeni vinapu vyavyasi vinalumbunuka vikevyo evi.

Amose 3:7

Mwa vushunga vene Shukulu Kalunga wa Akamwa ya Vyoshe kasa kulinga cuma cimo kujeneka kusholola vutumbe vwendi kuli vangamba vendi, vaka-kwimanena.

Amose 9:11

Shukulu Kalunga alinakwendeka ngwendi, “Litangwa likaija omo njikelwisa vumwene vwa Ndaviti vuje vunapu ngwe njuvo yakusiwuka. Co njikavwaesa vivumbe vyayo, nakuyiindula. Njikaitungulula nakuyipwisa ngwe muyafwile laja.

Zakaliya 1:6

Ali vangamba vange vaka-kwimanena njanene vakukulwila veni mashiko nakunangula, oloni vawayengwile, co vakele mu luvinda omwo kujeneka kwononoka kwavo. Asinoni vatengulukile nakuzivuka ngwavo yange, Kalunga Muka-nzili yoshe, njavanyanyamesele ngwe mucavapandele kwesekesa na muje munjayongwele ngwange njikalingamo.’ ”