Ngalatiya 6:3 - Livulu lya Shukulu Kalunga

³ Nga munu umo ayongola ngeci napu wakama oloni kesi mukemwo mwanapu, alinakulikwisa lika ikeye vavenya.

Ngalatiya 6:3 Iomraidhean Croise

Visimo 25:14

Vanu vaje vakakulaela vwana vuje kuvesi kwana, vanapu ngwe mashelwa na lihunzi, vije kuvyesi kunena nyonzi.

Visimo 26:12

Cilema natuvakana munu uje aliyongola ikeye vavenya ngeci napu muka-mana kuma kesi nao.

Luka 18:11

KaFaliseo wemanene kwendi lika nakulombela ngwendi, ‘Njikukandelela Njambi, yange kunjafwile ngwe vakwetu voshe valukolotelo, vaka-kujeneka vushunga, vaka-vupangala. Njikukandelela ngeci yange kunjafwile ngwe uje muka-kutambula lisimu nemana kuje.

Vilinga vya Miluwa 5:36

Omwo a myaka ya kunima kwasholokele Teundase uje walipwisile wakama, co vanalume vakupwa 400 valikumbasanene nendi. Oloni vamutsiile, na voshe vaje vamukavele valishandokele, co ije munga yendi yahwile.

Loma 12:16

Yoyeni mulizivasano umo na mukwavo. Kesi mulyalese, oloni likeeseni mu vipangi. Kesi muliyongole yeni vavenya ngwe munapu vaka-kunyanyama.

Loma 12:3

Omwo vwana njinatambula vwa mema ku mbunge a Njambi njilinakwendeka kuli yeni voshe ngwange, kesi muliyongole yeni vavenya kupwa muvakama manene kutuvakana omu mumunapu. Oloni, munapande kulikeesa mu viyongola vyeni, liiluleni yeni vavenya ngwe kukukulaela kweni kuje kwanamyana Njambi.

1 Kolinte 13:2

Co nambe njili na vwana vwakwambulula nakuzivisisa vyuma vyakushweka, co nga njili nakukulaela kwoshe ngeci njase kushwenyesa minkinda, oloni nga kunjesi na cizemo njinapu wangoco.

1 Kolinte 3:18

Kesi ulikwise yove vavenya. Nga umo akati keni aliyongola ngwendi ali na mana a ano a kaye, co pwa cilema, ngeci ukale na mana.

1 Kolinte 8:2

Vaje vayongola ngwavo vazivuka cuma cimo, oloni kuvacizivuka ngwe muvanapande kucizivukilamo.

2 Kolinte 12:11

Njilinakupanga ngwe cikolokomba, oloni yeni munanjilingisamo. Yeni mwapandele kusholola vukaleo ngeci munanjitambula. Nameme nga njinapu nji wangoco, yange kunjakele mwisi ya vaje “miluwa” veni.

2 Kolinte 3:5

Omwo muli yetu kumwesi cuma cimo cai cije citulingisa ngeci kwambulula kwetu kunapu kwakwasi. Kukwasa kwetu kulinakutunda kuli Njambi.

Ngalatiya 2:6

Oloni vaje vasholokele ngwe vantwama, njendeka evi omwo kuli yange kuvyalitepesele, Njambi kesi kusompa ku munu cifwa ca anja, vaje vantwama, njendeka ngwange, kuli yange kuvanjanene viyongola vyeka vyaviha vyai.

Ngalatiya 2:9

Yakomba, Petulu na Yowano, vaje vapwile vantwama, vamwene ngeci Njambi nanjana vipangi evi vyavivwa, co vatukwatele mu mavoko yange na Mbanambasa, kupwa cimweso ngeci yetu voshe twapwile vaka-kupangela amo. Twalizivasanene ngeci Mbanambasa nange tuye kuli vaje kesi vaYunda, co vakevo vaye kuli vaYunda.

2 Timateo 3:13

co vanu vaka-vuvi na vaka-manseno vakatwalelelao kulinga vuvi manene, nakukwisa vakwavo nakulikwisa vakevo vavenya.

Yakomba 1:22

Kesi mulikwise yeni vavenya mukupwa vaka-kuziva lijwi lyendi lika, oloni pweni vaka-kulipangesa.

Yakomba 1:26

Nga munu umo ayongola ngwendi ikeye muka-kulemesa, co kononwesa ndaka yendi, kulemesa kwendi kunapu kwangoco, co alinakulikwisa ikeye vavenya.

1 Yowano 1:8

Nga twendeka ngwetu kutwesi na vuvi, tulinakulikwisa yetu vavenya, co muli yetu kumwesi vushunga vwai.