Ngalatiya 6:12 - Livulu lya Shukulu Kalunga

¹² Vanu vaje valinakweseka kumisindiya ngeci mutuuke vakevo vaje vashaka kulimwesa na kulyalesa a vin̄anda vya anja. Nameme ngoco, vakevo valinakucilinga ngeci kesi vavapakese omwo cilindakano ca Kilistu.

Ngalatiya 6:12 Iomraidhean Croise

Mateo 23:27

“Tuyando tweni, valongisi va majwi a Lishiko na vaFaliseo! Eni vaka-civembulu! Yeni munapu ngwe vimbumbo vyakusalimba akamwa lika, oloni mukati munashulu vitsiya vya vatsi na vyakuvola vyeka na vyeka.

Mateo 23:28

Neni vanu lalo akumikenga, munapu ngwe mu vaka-vushunga, oloni mu vimbunge vyeni munashulu na civembulu na vivi.

Mateo 23:5

Vakevo vakalingi vyuma vyoshe ngeci vanu vavamone. Kengeni mikanda ije ili na visoneka ije vakakutiiya ku maolo avo na a mavoko avo, kengeni vukama vwavyo! Kengeni lalo kulaa kwa tundombe twa vuzalo vwavo!

Mateo 5:10

“Vanavezika vaje vayandela vushunga, omwo Vumwene vwa mwilu vunapu vwavo!

Mateo 6:16

“Co omo mulikela kulya, kesi mwombwe ngwe muvakalingi vaka-civembulu. Omwo vakevo vakaviisa vihanga vyavo, ngeci vanu vavamone ngwavo vanalikela kulya. Mwa vushunga njimileka ngwange, vanatambula laja cikandelela cavo.

Mateo 6:2

“Ngecivene, omo mwana cuma kuli muka-kujeneka, kesi mulimwese embwe, ngwe muvakalingi vaka-civembulu mu masinangonge na mu vingila, ngeci vanu vavashangazale. Mwa vushunga njimileka ngwange, vanatambula laja cikandelela cavo.

Mateo 6:5

“Co omo mulombela, kesi mulombele ngwe vaka-civembulu, omwo vakevo vazema kwimana nakulombela mu masinangonge na masambwa-ngila, ngeci vanu voshe vavamone. Mwa vushunga njimileka ngwange, vanatambula laja cikandelela cavo.

Luka 16:15

Yesu wendekele kuli vakevo ngwendi, “Yeni mukalimwesa kupwa muvaka-vushunga ku mesho a vanu, oloni Njambi azivuka vimbunge vyeni. Omwo vije vayongola vanu ngwavo vinapu vya seo, oloni ku mesho a Njambi vinapu vyangoco.

Luka 20:47

vakevo vakakwisi vifwile nakuvevila vinjuvo vyavo, co vafwika vilinga vyavo na malombelo amalaja! Co kunyanyamesa kwavo kukapwa kwakama manene!”

Yowano 7:18

Uje endeka na moko yendi vavenya ashaka kuwana kasingimiko kendi ikeye vavenya. Oloni uje ashaka kasingimiko ka uje wamutumine napu munu wa vushunga, co muli ikeye kumwesi makuli.

Vilinga vya Miluwa 15:1

Oloni vanalume vamo vatundile ku Yundeya vaile ku Antyoke vashangumukile kulongesa vaka-kukulaela ngwavo, “Kumwasa kwovoka kuvanga mutuuke ngwe ku Lishiko lya Mosesa.”

Vilinga vya Miluwa 15:5

Oloni vaka-kukulaela vamo vaje vakundamene ku munga ya vaFaliseo vakatukile, co vendekele ngwavo, “Vaje kesi vaYunda vanapande kutuuka nakuvaleka ngeci vononoke Lishiko lya Mosesa.”

2 Kolinte 10:12

Mwa vushunga vene kesi ngwe tulyeseka yetu vavenya nambe kulipwisa yetu vavenya na vamo vaje valinakulyamesa vakevo vavenya nakulyaka ku vukama. Vakevo vapwa vikolokomba! Vakevo valyeseka akati kavo vavenya ngwe kuseteko ya vukama vwavo vavenya a vyuma evi, co valyeseka akati kavo vavenya, vakevo kuvesi na mana!

2 Kolinte 11:13

Vanu ava kuvapwile miluwa va vushunga embwe, vendeka makuli a vipangi vyavo, co vemuka mweka ngeci vasholoke ngwe miluwa va Kilistu vavavwa.

Ngalatiya 2:14

Oloni omo njamwene ngeci kuvakele nakwenda mu ngila yaivwa ya vushunga vwa muzimbu, co njendekele kuli Petulu ku mesho avo voshe ngwange, “Yove unapu u kaYunda, oloni unakala nakuyoya ngwe uje kesi kaYunda, kesi ngwe kaYunda. Ngecivene, vati wasa kusindiiya vaje kesi vaYunda ngeci vayoye ngwe vaYunda?”

Ngalatiya 2:3

Nameme mukwetu Tito, ikeye wapwa kaNgiliki, kuvamusindiiye ngeci atuuke embwe,

Ngalatiya 5:11

Oloni ngeci mwange, vakwetu, nga njicitwalao kwambulula ngwange kutuuka kunapu kwakuvwa,omwo vikajo vacili nakunjipakesela? Nga eci capwile ca vushunga, cooni kwambulula kwange kwa cilindakano ca Kilistu nga kucilingisa vitanga.

Ngalatiya 6:13

Nameme vaje vatuuka kuvesi nakwononoka Lishiko, vashaka yeni mutuuke ngeci valyalese ngeci ngwavo yeni mwatava ku cilika eci ca cisemwa.

Filipu 1:15

Mwa vushunga vene kuli vamo vambulula Kilistu omwo vali na lifuwa na vimata, oloni veka vambulula na cizango cacivwa.

Filipu 2:4

Simbu yoshe shakezekeni vije vyasa kuvwaelelesa vakweni veka lalo, kesi mulivwaelelese yeni vavenya.

Filipu 3:18

Njamilekele laja visimbu vyavingi kunima cuma eci, co ololo njilinakwilukilamo lalo nakulila na misozi, kuvali vavangi vaje kuyoya kwavo cinavemukisa kupwa vitozi va kutsa kwa Kilistu a cilindakano.

Kolose 2:23

Mwa vushunga vene, mashiko awa asholoka kupwa akukundama a mana mukusindiya kwavo kwakulemesa tungelo nakulilumbilisa kwa makuli nakuyandesa mivila manene, oloni akewo kuwesi na seo mukuvindika mashungu a ku muvila.