Ngalatiya 6:10 - Livulu lya Shukulu Kalunga

¹⁰ Ngecivene, ngwe omo tuli na simbu, tunapande kulingila vuvwa kuli munu na munu, vunene vene kuli vaje vanakundama ku naanga yetu mukukulaela.

Ngalatiya 6:10 Iomraidhean Croise

Myaso 37:27

Tundeni ku vuvi ngeci mulinge vushunga, co vatekulwila veni vakayoya mu lifuti myaka yoshe.

Myaso 37:3

Kulaela kuli Shukulu Kalunga, co linga mwamuvwa, kala mu lifuti, co yoya mwamuvwa.

Visimo 3:27

Kesi uvindike vuvwa vwa vaje vanavupande, nameme nzili yakulinga cije ulinaco.

Muka-kwambulula 3:12

Njinazivuka ngeci nacimo cacivwa kuli yetu cai, kutuvakana kuvwaelela nakulinga mwamuvwa simbu tuciyoya.

Muka-kwambulula 9:10

Panga na nzili mu vyuma vyoshe vije viwulinga, omwo ulinakuya ku vukalo vwa vatsi kuje kukwesi vipangi lalo vyai, kukwesi kuyongola, kukwesi kuzivuka, kukwesi mana.

Mateo 10:25

Ngecivene, ndongisi napande kulilongesa ngeci apwe amo na mulongisi wendi, co ndungo lalo napande kupanga ngeci apwe amo na shukulu yendi. Nga vavenya njuvo vamutumbula ngwavo Mbelezembulu, cooni naanga ya mu njuvo ije vakavatumbula mazina amavi manene!

Mateo 12:50

Woshe uje alinga cizango ca Tate ali mwilu, ikeye vene napu ndolome yange, na ndokazi yange, na vanana.”

Mateo 25:40

Co mwene akavakumbulula ngwendi, ‘Mwa vushunga njimileka ngwange, omo mwacilingile kuli umo wa ava vavandondo vasamba vange, mwacilingile kuli yange!’

Mateo 5:43

“Mwaziva laja muje vendekele ngwavo, ‘Zema mundambo wove, co zinda citozi cove.’

Mako 3:4

Asinoni wehwile vanu ngwendi, “Cuma muka vanatutavesa ku Lishiko lyetu kucilinga a Litangwa Lyakuhwima? Kukwasa nambe kuvulumuna? Kwamena mwonyo wa munu nambe kuunyongesa?” Oloni volokele kuluu.

Luka 6:35

Embwe! Zemeni vitozi veni, co lingeni mwamuvwa kuli vakevo, vakumwiseni oloni kesi mukulaele ngweni mukavitambula lalo. Co cikandelela ceni cikapwa cakama, mukapwa vana va Njambi wa Akamwa ya Akamwa. Omwo ikeye akatetela vaje kuvesi kumukandelela na vaje vaka-vuvi.

Yowano 12:35

Yesu wakumbulwile ngwendi, “Ceke cikakala akati keni kasimbu lika kakandondo. Endeni omo muli na ceke, ngeci lisusulungu kesi likamifwike, omwo uje enda mu lisusulungu kazivuka kuje alinakuya.

Yowano 9:4

Tunapande kupanga vipangi vya uje wanjitumine omo kucili mutanya, vutsiki vulinakwija omo naumo wai asa kupanga.

Vilinga vya Miluwa 6:7

Co lijwi lya Njambi lyashandokele. Co vungi vwa vandongisi mu Yelusalema vapwile vavangi, co mbunga yakama ya vaka-kukombelela vakulaelele.

2 Kolinte 2:8

Ngecivene, njimilomba ngwange musambeseni, ngeci amone ngwendi kuma mwa vushunga vene mumuzema.

Ngalatiya 1:23

Vazivile lika ngwavo, “Uje wakele nakutuyandesa ololo alinakwambulula kukulaela kuje kwashakele kunyongesa!”

Efeso 2:19

Ngecivene, yeni kesi vaYunda kumwapwile lalo mu vangenzi nambe vaka-kwija embwe, yeni ololo munapu mu vandambo amo na vanu va Njambi, yeni ololo munapu naanga ya Njambi.

Efeso 3:15

kuli ikeye naanga yoshe ili mwilu na ano asi ilinakutumbula lizina lya vushunga.

Efeso 4:28

Munu uje wevile kapandele lalo kwiva, napande kushangumuka kupanga, ngeci ayoye mwamuvwa ikeye vavenya, co ase kukwasa lalo tuutu.

Efeso 5:16

Pangeseni mwamuvwa visimbu vije mulinavyo, omwo matangwa ano anapu amavi.

Filipu 4:10

Njijolela manene muli Mwene omwo nambe kuneti simbu yakama ololo munendula lalo cizango cakunjikwasa. Kunjendeka ngwange mwalikelele kunjikwasa, oloni kumwasele kuwana ngila yakucilinga.

Kolose 4:5

Pweni vakunyanyama mu ngila ije mulinakulinga kuli vaje kanda vakulaele, kupangesa simbu yoshe ije mulinavyo.

1 Tesalonika 5:15

Kengeni ngeci kesi kukale umo elwisa vuvi ku vuvi, oloni simbu yoshe pweni vaka-kulinga mwamuvwa kuli umo na mukwavo na kuli vanu voshe.

1 Tesalonika 5:21

Pweni vaka-kweseka vyuma vyoshe, co nyungeni vije vinapu vyavivwa,

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

Tito 3:8

Oku kunapu kwendeka kwa vushunga. Njishaka wendeke manene vyuma evi, ngeci voshe vaje vaka-kukulaela kuli Njambi vakane simbu yavo mukulinga vipangi vyavivwa, vije vinapu vyavivwa, co vikwasa vanu.

VaHevelu 13:16

Kesi mwivale kulinga mwamuvwa nakulikwasa umo na mukwavo, omwo evi vikevyo n̄ombelo vivwaelelesa Njambi.

VaHevelu 3:6

Oloni Kilistu wapwile wa kulongwa ngwe Mwana ashika vya mu njuvo ya Njambi. Yetu tunapu njuvo yendi nga tukakateya nakusimpa nakutakamesa kwetu mu vije tuli navyo na cinyangavili.

VaHevelu 6:10

Omwo Njambi kesi kwonwa, ngeci evale vipangi vyeni vimwalingile, nambe cizemo cendi cimunamwesa omwo lizina lyendi, omo yeni mwakwasele vaka-kukulaela, na ololo mucili nakuvakwasa.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.

1 Petulu 4:17

Simbu inete ngeci kusompa kushangumuke, co vanu va Njambi vakevo vakalivanga kuvasompa. Nga kushangumukila kuli yetu, vatijo cikafwa akukotoka kuli vaje kuvakulaela ku Vin̄anda Vyavivwa vyakutunda kuli Njambi?

1 Yowano 5:1

Woshe uje akulaela ngeci Yesu ikeye Wakuvwavesa, napu muna Njambi, co woshe uje azema cisemi azema lalo munendi.

3 Yowano 1:10

Ngecivene, omo njikaija, njakumisholwela vyoshe vyanalingi, vyuma vyakukomokesa vije akendeka ali yetu, na makuli aje akambulula! Oloni vyoshe evi kuvyapwilemo kuli ikeye, kasa kutambula vakwavo vaka-Yesu omo vaija, co avindika lalo nambe vaje vashaka kuvatambula, co avasheka mu cikungulukilo!

3 Yowano 1:11

Musamba wange injazema, kesi utembunwine vije vyavivi, oloni tembuwina vije vyavivwa. Woshe uje alinga vyavivwa ikeye wakundama kuli Njambi, woshe uje alinga vyavivi kamwene Njambi.

3 Yowano 1:3

Njavwaelelele manene omo vamo vakwetu vaka-Yesu vetele nakunjileka vya lukakateya lwove ku vushunga, ngwe simbu yoshe yove wayoya mu vushunga.