Ngalatiya 6:1 - Livulu lya Shukulu Kalunga

¹ Vakwetu, nga munu umo vanamuwana na mulonga umo wa kupenga-penga, vaje veni vanakolo mukukulaela vanapande kumushungamesa, oloni munapande kucilinga mu ngila yaivwa. Oloni liiluleni yeni vavenya, kutewa neni mukakala mu ceseko lalo.

Ngalatiya 6:1 Iomraidhean Croise

2 Samwele 11:2

Litangwa limo, ku cingwezi, omo Ndaviti wakasumukile a tulo waile akamwa ya njuvo yendi. Omwo wakele nakwenda akamwa ya ciluli ca lipela lyendi, wamwene munakazi alinakujwela. Uje munakazi wapwile wamuvwa manene.

Myaso 141:5

Muka-vushunga nasa kunjihisa, nakunjendekela na ngozi, omwo simbu yoshe njilinakulombela a vilinga vya vaka-vuvi.

Ezekiyele 34:16

“Njikashakezeka vaje vanazimbala nakwilwisa vaje valinakuyevangela mwangoco, co njikakuta vaje vanavetwa, nakukangwisa vaje valinakuvinja, oloni vaje vakununa vali na nzili njikavanyongesa, omwo yange njapwa kanyungi uje akalingi vya vushunga.

Mateo 11:29

Lilemekeni mandauluwa yange, co lilongeseni kuli yange, omwo yange njimukalyovwa-ovwa na kulikeesa mu mbunge, co mukawana kuhwima ku myonyo yeni.

Mateo 26:69

Petulu watumbamane anja mu lipela omo kwezile umo mumbanda ngamba ya Muka-kukombelela Wakama, co wendekele kuli Petulu ngwendi, “Nove lalo wakele amo na Yesu wa ku Ngalileya.”

Mateo 26:75

co Petulu wanukile lijwi lya Yesu, omo wendekele nendi ngwendi, “Simbu ndemba kanda atambeke, ukanjivyana visimbu vitatu.” Co watuukile anja walilile manene.

Mateo 9:13

Yeni mukalilongese mwaya majwi a visoneka vati endeka, ngwawo, ‘Yange njishaka kutetela, kunjishaka n̄ombelo ya tusitu,’ omwo yange kunjezile mukusana vanu vaje vanalimono vakevo vavenya ngwavo vaka-vushunga, oloni vanu vaje vaka-vuvi.”

Loma 14:1

Tambuleni mwamuvwa munu uje kanda akole mukukulaela, oloni kesi mulinge nendi vimata a viyongola vyendi.

Loma 15:1

Yetu tunakolo mukukulaela tunapande kukwasa vaje kanda vakole mukukulaela kwavo ngeci vambate vitele vyavo. Kutwapandele kulivwaelelesa yetu vavenya embwe.

Loma 8:6

Nga cizango ca vusitu cikutwamenena, co fweto yaco kutsa, oloni nga cizango ca Munzinzime cikutwamenena, co fweto yaco inapu mwonyo na kwoloka.

1 Kolinte 10:12

Ngecivene, uje aliyongola ngwendi nemana mbe anyanyame manene kutewa awa.

1 Kolinte 14:37

Nga umo ayongola ngwendi napu muluwa wa Njambi, nambe ali na vwana vwa munzinzime, napande kunanguka ngeci evi njilinakumisonekela vinapu lishiko lya Mwene.

1 Kolinte 2:15

Woshe uje ali na Munzinzime asa kuseteka seo ya vyuma vyoshe, oloni naumo wai asa kumuhisa.

1 Kolinte 3:1

Oloni vakwetu, kunjasele kwendeka neni ngwe njendeka kuli vanu vaje vali na Munzinzime, njendekele kuli yeni ngwe mu vaka-kaye, ngwe vanike vaje kanda vakole mu vuYesu.

1 Kolinte 4:21

Vikajo mushaka? Mushaka njiije kuli yeni na likote, indi na mbunge ya cizemo na kulikeesa?

1 Kolinte 7:5

Kesi mulikanangane umo na mukwavo, kuvanga akulivanga mulizivasane akati keni a simbu imo ngeci mukale na simbu yakulombela, oloni mulikumbasane lalo mu vulo vweni, kutewa Satana amyeseka omwo kumwasa kulinyunga yeni vavenya.

2 Kolinte 10:1

Yange, Paulu njimilambelela, yange uje ivalinakwendeka ngwavo, walikeesa na kulyononwesa omo njili amo neni, oloni nji wamukalu omo njili kulyala neni. Njilinakumilomba a kwoloka na kutetela kwa Kilistu ngeci

2 Kolinte 2:7

Co ololo, nameme ngoco, munapande kumusambesa nakumutakamesa, kutewa aziva vusiwa manene, co akonwa.

2 Kolinte 2:8

Ngecivene, njimilomba ngwange musambeseni, ngeci amone ngwendi kuma mwa vushunga vene mumuzema.

Ngalatiya 5:23

kulikeesa nakulinyunga. Kukwesi lishiko livindika vyuma vya cifwa eci.

Ngalatiya 6:18

Kutetela kwa Mwene yetu Yesu Kilistu kukale amo neni voshe, vavusamba vange. Ewa.

1 Tesalonika 4:1

Mukumanesela, vasamba vetu, mwalilongesele kuli yetu vati munapande kuyoya ngeci muvwaelelese Njambi. Mwa vushunga vene, omu mukemwo mumunakala nakuyoya. Co ololo tumilomba nakumisindiya mu lizina lya Mwene Yesu ngwetu muwezeleleko manene.

2 Tesalonika 3:15

Kesi mumupangese ngwe napu citozi embwe, oloni munanguleni lika ngwe musamba.

2 Timateo 2:25

walyovwa-ovwa omo ashungamesa vaka-kumulwisa, amo Njambi akavana simbu yakutenguluka ngeci vazivuke vushunga.

VaHevelu 12:13

Endeni mu vingila vyakushungama, ngeci lindi lije lya vulema kesi likatanuke.

VaHevelu 13:3

Anukeni vaje vali mu kamenga, ngwe neni lalo muli mu kamenga amo navo. Anukeni vaje valinakuyanda, ngwe neni lalo mulinakuyanda amo navo.

Yakomba 3:13

Kuma akati keni ali muka-mana na muka-kuzivisisa ndi? Ikeye napande kuwajombolola na vukaleo vwakuyoya kwendi kwakuvwa na vilinga vyendi vya cifwa cakulikeesa na mana.

Yakomba 3:2

Omwo yetu voshe visimbu vyavingi tukaviisa. Oloni nga munu kesi kuviisa muvyendeka vyendi, co napu munu wakujela, co asa lalo kulinyunga ikeye vavenya.

1 Petulu 3:15

Oloni komokeni Kilistu mu vimbunge vyeni, co musingimikeni ngwe Mwene. Visimbu vyoshe livwaeseleni kukumbulula munu woshe-iwoshe uje amihula mumunungulwile cinyangavili ceni cije mulinaco,

1 Yowano 5:16

Nga umona muka-kukulaela alinga vuvi vuje kuvwasa kumutwala ku kutsa, unapande kulombela kuli Njambi, uje akamwana mwonyo. Eci cinakundama kuli vaje vivi vyavo kuvivatwala ku kutsa. Oloni kuli vuvi vuje vutwala ku kutsa, co kunjasa kwendeka ngwange munapande kulombela kuli Njambi a vuvi vwangacije.