Ngalatiya 5:5 - Livulu lya Shukulu Kalunga

⁵ Ngwe ali yetu, cinyangavili cetu cinapu ngeci Njambi akatupwisa vaka-vushunga ku mesho endi, co eci cikeco tulinakuvandamena a nzili ya Munzinzime wa Njambi uje alinakupanga mukukulaela kwetu.

Ngalatiya 5:5 Iomraidhean Croise

Kushangumuka 49:18

“Njavandamena kwamena kwove, yove Shukulu Kalunga.

Myaso 130:5

Njilinakuvandamena kukwasa kwa Shukulu Kalunga, co njinakulaela mu lijwi lyendi.

Myaso 25:3

Mwa vushunga naumo wai akulaela kuli yove akaziva shwamwa, shwamwa ikola vaka-vungungu omwo kashwilo kai.

Myaso 25:5

Njitwamenene mu vushunga vwove nakunjilongesa, omwo yove wapwa u Njambi yange muka-kunjamena. Kuli yove lika njinakulaela matangwa oshe.

Myaso 62:5

Kukwesi kweka kwakutewela kuvanga kuli Njambi lika, omwo cinyangavili cange citunda kuli ikeye.

Hoziya 12:6

Ngecivene, ololo yeni vatekulwila va Yakomba, kulaeleni kuli Njambi yeni nakwiluka kuli ikeye. Pweni vaka-kulongwa nakupwa vanu va vushunga, co vandameneni nakusimpa ngeci Njambi yeni apange.

Loma 5:21

Ngecivene, ngwe omo vuvi vwashwanene a kutsa, ngeci lalo kutetela kwa Njambi kulinakushwana a vushunga, nakututwamenena ku mwonyo wa myaka yoshe ali Yesu Kilistu Mwene yetu.

1 Kolinte 1:7

ngecivene, kumwonwene kutambula civezikiso cimo, omo mulinakuvandamena kusholoka kwa Mwene yetu Yesu Kilistu.

Efeso 2:18

Ali Kilistu yetu voshe, vaYunda na vaje kesi vaYunda, tunasa kwija mu Munzinzime umolika ku mesho a Tate.

Filipu 3:9

ngeci njikale muli ikeye. Yange kunjesi na vushunga vwange vavenya vwai, vuje vasa kuwana akwononoka Lishiko. Ololo njili na vushunga vuje vananjana akukulaela lika kuli Kilistu, vushunga vuje vutunda kuli Njambi, co nsina yavwo inapu kukulaela.

1 Tesalonika 1:10

nakuvandamena Munendi omo akaija kutunda mwilu, Munendi Yesu, uje yasangwile ku vatsi, co akatupatula ku vukalu vwa Njambi vuje vulinakwija.

2 Tesalonika 3:5

Mwene atwamenene vimbunge vyeni mukuzivisisa cizemo ca Njambi na lukakateya luje lwanamyana Kilistu.

2 Timateo 4:8

Co ololo cilongo ca vushunga cinanjitumbamena, cije Mwene, ikeye lyaako wa vushunga, akanjanaco a Litangwa lije, co kesi kuli yange lika embwe, oloni akacana lalo kuli voshe vaje vamuvandamena na cizemo ngeci asholoke.

Tito 2:13

ngwe omo tulinakutumbamena Litangwa lyakuvezika lya cinyangavili cetu, omo vumpau vwa Njambi yetu wakama na Muyoyesi Yesu Kilistu vukasholoka.