Ngalatiya 5:26 - Livulu lya Shukulu Kalunga

²⁶ Kutwapandele kupwa vaka-kulyalesa nambe kulishangumuna umo na mukwavo nambe kukala na cipululu kuli umo na mukwavo.

Ngalatiya 5:26 Iomraidhean Croise

Luka 14:10

Oloni omo vakulanya, tumbama a citumbamo cacindondo, co uje nakulanya omo aija akukuleka ngwendi, ‘Ove musamba tumbama a citumbamo ca vulemu!’ Co ukawana kasingimiko ku mesho a vakweni voshe vaje vaunatumbama navo kukulya.

1 Kolinte 3:7

Ngecivene, uje akuna nambe uje atukumwina kuvesi na vulemu vwai. Oloni vulemu vuli kuli Njambi, omwo ikeye muka-kumenesa mbuto.

Ngalatiya 5:15

Oloni nga mulinga ngwe tusitu, kulitwa vimbandu nakulivulumuna umo na mukwavo, co nyanyameni, kutewa mukalinyongesa umo na mukwavo.

Filipu 4:15

Co neni lalo vaka-Filipu mwazivuka mwamuvwa ngweni omo njatundile ku Masendoniya mu matangwa akulivanga akwambulula Vin̄anda Vyavivwa, kuvanga vaka-cikungulukilo ceni lika mwanjikwasele, kuvanga yeni lika vamo mwalipangelele nganyo yange nakujeneka kwange.

Yakomba 4:16

Oloni yeni mukalyalesa nakulishasha, kulyalesa kweni kwoshe kunapu kwangoco.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”