Ngalatiya 5:19 - Livulu lya Shukulu Kalunga

¹⁹ Vije vicilinga cisemwa ca vunu vinatungukwa manene. Cilimwesa cikeco vavenya mu vupangala nakulijwalesa na vilinga vya kukezima,

Ngalatiya 5:19 Iomraidhean Croise

Myaso 17:4

Yange kunjesi kwendeka vyavivi ngwe muvakendeka vakwetu, co njinononoka mashiko ove, kunjakavangeyeye vingila vya vaka-vuvi.

Yowano 3:6

Munu akatambula cifwa cendi ca vunu ku visemi vendi, oloni Munzinzime Wakujela ikeye amulingisa ngeci asemuke ku Munzinzime.

Loma 7:18

Omwo njazivuka ngwange kumwesi vuvwa muli yange, mu vusitu vwange. Nameme muli yange muli lishungu lyakulinga vyavivwa, oloni kunjasa kulingamo.

Loma 7:25

Kukandelela kuli Njambi ali Mwene yetu Yesu Kilistu! Ngecivene, omu mukemwo munjinafu, ange lika njasa kupangela lishiko lya Njambi na mbunge yange lika, oloni vusitu vwange vupangela lishiko lya vuvi.

Loma 7:5

Omwo twayoyele mu vusitu, mashungu a vuvi aje Lishiko lyashangumwine akele nakupanga mu mivila yetu, co vyoshe vitwapangele vyatwalele ku kutsa.

Loma 8:13

Omwo nga muyoyela mu vusitu, co mukatsa vene, oloni nga ali Munzinzime mutsiya vilinga vyeni vyavivi, co mukayoya.

Loma 8:3

Omwo cije Lishiko kucasele kulinga, omwo vusitu vwapwile vwakuzeya, Njambi wacilingile. Wahisile vuvi mu vusitu akutuma Munendi, uje wezile mu cifwa ngwe cifwa cetu ca vusitu, mukutundisa vuvi.

Loma 8:5

Omwo vaje vanapu vaka-vusitu, vayongola vyuma vya vusitu, oloni vaje vanapu va Munzinzime, vayongola vyuma vya Munzinzime.

Loma 8:9

Oloni yeni kumwesi mu vusitu, oloni muli mu Munzinzime, nga Munzinzime wa Njambi akala muli yeni. Woshe uje kesi na Munzinzime wa Kilistu, co Kilistu kesi muli ikeye.

1 Kolinte 3:3

omwo mucili nakuyoya ngwe vaka-kaye kano. Omwo akati keni ali lifuwa, co mulinakulizunga umo na mukwavo, kuma eci kucimwesa ngeci munapu vaka-kaye kano nakuyoya ngwe ku futisi ya kaye ndi?

1 Kolinte 6:18

Teweni vupangala. Vuvi vwoshe vwalinga munu kuvuviisa muvila wendi, oloni woshe alinga vupangala alinakuvulumuna muvila wendi.

Ngalatiya 5:13

Ngwe ali yeni, vakwetu, vamisanene mukupatuka. Oloni kesi mutave kupatuka oku kupwe lisesa lyakumyecelela ngeci mashungu eni a vunu amipangese. Oloni taveni cizemo cimipwisa vangamba va umo na mukwavo.

Ngalatiya 5:17

Omwo cisemwa cetu ca vunu cilinakulwisa vije vyashaka Munzinzime, co lalo vije vyashaka Munzinzime vilinakulwisa vije vishaka cisemwa cetu ca vunu. Vyoshe evi vivali vyakala mu vutozi, co eci cinalumbunuka ngeci yeni kumwasa kulinga vije vimushaka kulinga.

Ngalatiya 6:8

Nga ukuna mu lihya lya cisemwa ca mashungu ove, ku cikeco ukakungulula na kuteja kutsa, nga ukuna mu lihya lya Munzinzime, ku Munzinzime ukakungulula na kuteja mwonyo wa myaka yoshe.

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.