Ngalatiya 5:17 - Livulu lya Shukulu Kalunga

¹⁷ Omwo cisemwa cetu ca vunu cilinakulwisa vije vyashaka Munzinzime, co lalo vije vyashaka Munzinzime vilinakulwisa vije vishaka cisemwa cetu ca vunu. Vyoshe evi vivali vyakala mu vutozi, co eci cinalumbunuka ngeci yeni kumwasa kulinga vije vimushaka kulinga.

Ngalatiya 5:17 Iomraidhean Croise

Kushangumuka 6:3

Co Shukulu Kalunga wendekele ngwendi, “Mwonyo wange kuukakala mu vanu ngeci vakayoye myaka yoshe embwe, omwo vanapu cisemwa ca vusitu lika. Kutunda ano kuvakayoyo kutuvakana myaka 120.”

Myaso 119:133

Njinyunge ngwe muje muwanjikulaesele, kesi utave njiwe, co lalo kesi utave vuvi vunjifungulule.

Myaso 119:159

Shukulu Kalunga, anuka muje munjazema vilongesa vyove, njovole ngwe ku cizemo cove cije kucesi kutenguluka.

Myaso 119:176

Njiyevangela ngwe manga wakuzimbala, njishakezeke yange ngamba yove, omwo kunjevalele mashiko ove.

Myaso 119:20

Mbunge yange inazeye, omwo kushungwiya mashiko ove simbu yoshe.

Myaso 119:32

Njikakakateya kwononoka mashiko ove, omwo yove unanjana kuzivisisa mwamuvwa.

Myaso 119:35

Njitwamenene mu ngila ya mashiko ove, omwo muli akewo njilinakuvwaelela.

Myaso 119:40

Njishaka kwononoka mashiko ove, njane mwonyo wauha, omwo yove wapwa u muka-vushunga.

Myaso 130:3

Nga yove Shukulu Kalunga ukalava milonga yetu, co iyajo akovoka?

Myaso 65:3

Milonga ya vuvi vwetu inatuhyana, oloni yove watusambeseleyo.

Muka-kwambulula 7:20

Kukwesi umo ano asi muka-kulinga vya vushunga simbu yoshe uje kesi kulinga vuvi.

Isaya 6:5

Co njendekele ngwange, “Kunjesi na cinyangavili! Ngongo yange, omwo majwi aje atunda mu kanwa kange apwa majwi a vuvi, co lalo njayoya akati ka vanu vaje vendeka majwi a vuvi. Co ololo mesho ange anamono Mwene, Shukulu Kalunga Muka-nzili yoshe.”

Mateo 12:30

“Woshe uje kesi amo nange, mwa vushunga vene ikeye muka-n̄ole yange, woshe uje kakungulula amo nange, mwa vushunga vene ikeye ashandola.

Mateo 16:17

Co Yesu wamukumbulwile ngwendi, “Unavezika ove Simoni muna Yona! Omwo vanu kuvacijombolwele kuli yove, oloni kuvanga Tate uje ali mwilu.

Mateo 16:23

Oloni Yesu watengulukile wendekele na Petulu ngwendi, “Tunda kuli yange ove Satana! Yove unapu u citanukiso mu ngila yange, omwo viyongola vyove vinapu vya vunu, kesi vya Njambi embwe!”

Mateo 26:41

Toneni nakulombela kutewa mukovela mu vyeseko. Mbunge ishaka vene, oloni muvila unazeye.”

Mateo 5:6

“Vanavezika vaje vaka-kuziva njala na lihwila vya vushunga, omwo Njambi akavakutisa!

Luka 22:33

Co Simoni wamukumbulwile ngwendi, “Mwene, njinalivwaesa laja kuya mu kamenga nakukatsa nove!”

Luka 22:46

Wendekele kuli vakevo ngwendi, “Omwo vika munalala? Indukeni mulombele, kutewa mukakovela mu vyeseko.”

Yowano 3:6

Munu akatambula cifwa cendi ca vunu ku visemi vendi, oloni Munzinzime Wakujela ikeye amulingisa ngeci asemuke ku Munzinzime.

Loma 8:13

Omwo nga muyoyela mu vusitu, co mukatsa vene, oloni nga ali Munzinzime mutsiya vilinga vyeni vyavivi, co mukayoya.

Ngalatiya 3:21

Kuma eci cinalumbunuka ngeci Majwi a Lishiko alinakulwisa cikulaeso ca Njambi ndi? Embwe, kesi ngoco! Omwo nga vanu vatambwile majwi a lishiko aje asa kunena kuyoya, co munu woshe asa kupwa muka-vushunga ku mesho a Njambi akuwononoka.

Yakomba 3:2

Omwo yetu voshe visimbu vyavingi tukaviisa. Oloni nga munu kesi kuviisa muvyendeka vyendi, co napu munu wakujela, co asa lalo kulinyunga ikeye vavenya.