Ngalatiya 5:16 - Livulu lya Shukulu Kalunga

¹⁶ Evi vikevyo njendeka ngwange, eceleni Munzinzime atwamenene myonyo yeni, co mukenukwa mashungu a cisemwa ca vunu.

Ngalatiya 5:16 Iomraidhean Croise

Kushangumuka 6:3

Co Shukulu Kalunga wendekele ngwendi, “Mwonyo wange kuukakala mu vanu ngeci vakayoye myaka yoshe embwe, omwo vanapu cisemwa ca vusitu lika. Kutunda ano kuvakayoyo kutuvakana myaka 120.”

Loma 6:12

Kesi mutave vuvi vushwane mu mivila yeni ije kuyesi kuyoya myaka yaingi, ngeci mwononoke mashungu avwo.

Loma 8:1

Kukwesi cihiso ololo kuli vaje valinakuyoyela muli Kilistu Yesu.

1 Kolinte 7:29

Evi vyalumbunuka ngeci, vavusamba vange, kukwesi simbu yakama yasalako, co kutunda a simbu ino kutwala kulutwe vaka-kwambata vanapande kuyoya ngwe kesi kuvesi na vanakazi,

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

Ngalatiya 3:17

Evi vikevyo njinayongola, Njambi walingile lizivasano na Avilahama nakumukulaesa kulinyunga. Mashiko, aje avanene omo kwetile myaka 430, kuwasa kupokola lije lizivasano nakuzimangana cikulaeso ca Njambi.

Ngalatiya 6:8

Nga ukuna mu lihya lya cisemwa ca mashungu ove, ku cikeco ukakungulula na kuteja kutsa, nga ukuna mu lihya lya Munzinzime, ku Munzinzime ukakungulula na kuteja mwonyo wa myaka yoshe.

Efeso 2:3

Mwa vushunga vene tuvavoshe twafwile ngwe vakevo, co twayoyele vene ngwe ku cisemwa ca mashungu etu a vunu, twalingile vije vyoshe mivila yetu na mana etu akele nakuvilinga. Ku cisemwa cetu ca vunu ngwe vanu voshe, vatwimikilile tuyande ku vukalu vwa Njambi.

Kolose 2:11

Akukala muli ikeye, yeni vamituwile, kesi nakutuuka kwakulinga kuli vanu embwe, oloni nakutuuka kwakulinga vavenya Kilistu, kukemwo kupatuka kwakutunda ku nzili ya vuvi vwa muvila ou.

1 Petulu 1:14

Pweni vaka-kwononoka kuli Njambi, co kesi mutave kuyoya kweni vacendese ku vizango vije mwakele navyo omwo mwakele ku nzimba.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Petulu 2:11

Vasamba vange, njilinakumilambelela, ngwe vangenzi na vaka-kwendangana mu kaye kano! Kesi mutave ku mashungu a ku muvila, aje simbu yoshe alinakulwa nzita na myonyo yeni.

1 Petulu 4:6

Eci cikeco cuma vambulwilile Vin̄anda Vyavivwa kuli vatsi, kuli vaje vavasompele mukuyoya kwavo kwa muvila ngwe muje muvakasompo vanu voshe, vavambulwililevyo ngeci mukuyoya kwavo kwa minzinzime vayoye ngwe muje mwashaka Njambi.