Ngalatiya 5:13 - Livulu lya Shukulu Kalunga

¹³ Ngwe ali yeni, vakwetu, vamisanene mukupatuka. Oloni kesi mutave kupatuka oku kupwe lisesa lyakumyecelela ngeci mashungu eni a vunu amipangese. Oloni taveni cizemo cimipwisa vangamba va umo na mukwavo.

Ngalatiya 5:13 Iomraidhean Croise

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Luka 4:18

“Munzinzime wa Shukulu Kalunga ali muli yange, omwo nanjangula kwambulula Vin̄anda Vyavivwa kuli tuutu. Nanjitumu kwambulula kupatuka kuli vinzinda, nakutonesa tupuputwa ngeci vamone, nakupatula vaje vavalinakuyandesa,

Vilinga vya Miluwa 20:35

Njamimwesa mu vyuma vyoshe ngeci akupanga na nzili manene mu ngila eyi tunapande kukwasa vaka-kuzeya, kwanuka majwi aje Mwene Yesu vavenya wendekele ngwendi, ‘Muli kujolela kwakama manene mukwana kutuvakana mukutambula.’ ”

1 Kolinte 8:9

Oloni nyanyameni kutewa moko yeni ikapwa cimbundi cakutanukisa vaje vanazeye mukukukulaela ngeci vawile mu vuvi.

1 Kolinte 9:19

Omwo nameme njinapu munu wakupatuka, kunjapwile nji ndungo ya munu naumo wai, oloni njalipwisa yange vavenya ndungo ya voshe ngeci njiwane vanu vavangi nga citava.

2 Kolinte 12:15

Njikavwaelela manene nakwana vije vyoshe njilinavyo, amo nange vavenya vene, mukumikwasa. Kuma yeni Kuma mwanjizema kamandondo, omwo yange njamizema manene ndi?

2 Kolinte 2:8

Ngecivene, njimilomba ngwange musambeseni, ngeci amone ngwendi kuma mwa vushunga vene mumuzema.

2 Kolinte 3:17

Co ololo lijwi “Mwene” mu majwi awa linemanena Munzinzime, co kuje kuli Munzinzime wa Mwene, kukekwo kuli kupatuka.

2 Kolinte 4:5

Omwo kesi ngwe yetu tulyambulula yetu vavenya embwe, oloni tulinakwambulula Yesu Kilistu ikeye Mwene, co netu tunapu tu vangamba veni a lizina lya Yesu.

Ngalatiya 2:4

nambe vamo vashakele ngeci cilingiwe. Akulikwisa kupwa ngwe vaka-kukulaela, vanu ava vamwengelele mu mbunga yetu ngwe tunenga, ngeci vawane kupatuka kutulinakwo muli Yesu Kilistu. Vashakele kutupwisa vindungo,

Ngalatiya 4:22

Alinakwendeka ngwawo Avilahama wakele na vana vavali va vanalume, umo kuli munakazi wa ndungo, mukwavo kuli munakazi uje kesi ndungo.

Ngalatiya 5:1

Kupatuka kukekwo tulinakwo, Kilistu natupatula! Ngecivene, imaneni ngwe vanu vakupatuka, co kesi mulyecelele yeni vavenya lalo kupwa vindungo.

Ngalatiya 5:14

Omwo Mashiko oshe amutunu vanalilavelao mukushika kumo ngwavo, “Zema mukweni ngwe muwalizema yove vavenya.”

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Ngalatiya 6:2

Likwaseni kulyambatela vitele umo na mukwavo, co mu ngila eyi mukononoka lishiko lya Kilistu.

Efeso 5:21

Lyononokeni umo na mukwavo mukusingimika Kilistu.

1 Tesalonika 1:3

Omwo tukanuka ku mesho a Njambi yetu na Tatetu vipangi vya kukulaela kweni nakuundangana kwa cizemo na cinyangavili cakukola mbe muli Mwene Yesu Kilistu.

1 Petulu 2:16

Yoyeni ngwe vanu vakupatuka, ngecivene, kesi mupangese kupatuka kweni ngwe cuma cakufwika vuvi embwe, oloni yoyeni ngwe vindungo va Njambi.

2 Petulu 2:19

Vavakulaesa kupatuka, oloni vanapu vindungo va futisi yakunyonga, omwo tunapu tu vindungo va cuma coshe cije cinatushwana.

Yunda 1:4

Omwo vanu vamo vaka-kujeneka kukulaela vanakovela mu vushweke akati ketu, vanu vaje vaka-kutengulula lijwi a kutetela kwa Njambi ngeci valisambese vakevo vavenya mu mashungu avo amavi, co vanavyana Yesu Kilistu, Shukulu yetu na Mwene yetu. Ku san̄ulu Visoneka vyambulwile cihiso cije civanatambula.