Ngalatiya 5:1 - Livulu lya Shukulu Kalunga

¹ Kupatuka kukekwo tulinakwo, Kilistu natupatula! Ngecivene, imaneni ngwe vanu vakupatuka, co kesi mulyecelele yeni vavenya lalo kupwa vindungo.

Ngalatiya 5:1 Iomraidhean Croise

Myaso 51:12

Njivwaesele kujolela kwakwamena kwove, nakunjipwisa muka-kukwononoka.

Visimo 23:23

Landa vushunga, na mana, na vilongesa, nakuzivisisa, co kesi ulyangunuke navyo.

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Mateo 23:4

Vakakutu vitele vyakulema nakuvitwika a vitsili vya vanu, oloni vakevo vavenya kuvesi kujundulako nambe na mulavo umo mukukwasa vaje vajundula vije vitele.

Luka 5:38

Oloni vinyu vyaviha vavilongela mu vinjeke vya vilambu vyaviha.

Vilinga vya Miluwa 15:10

Ngecivene, omwo vikajo ololo mushaka kweseka Njambi nakutwika citele a myongo ya vaka-kukulaela cije nameme vakukulwila vetu nameme yetu kutwasa kucambata?

Loma 6:14

Omwo vuvi kuvwapandele kumishwana embwe, omwo kumwesi nakuyoya ku lishiko embwe oloni mu kutetela kwa Njambi.

Loma 6:18

Co vamipatwile ku vuvi, munapu vindungo va vushunga.

Loma 7:3

Ngecivene, nga akala na munalume weka omo munalume wendi acili nakuyoya, co vamutumbula muka-vupangala, oloni nga munalume wendi atsa, co ashomboka ku munalume weka, ou munakazi napatuka kapu lalo muka-vupangala.

Loma 7:6

Ngecivene, ololo, tunapatuka ku Lishiko, omwo twatsile ku cije catupwisile vinzinda. Kutwesi lalo nakupanga mu ngila yalaja ya lishiko lyakusoneka, oloni mu ngila yaiha ya Munzinzime Wakujela.

Loma 8:15

Omwo Munzinzime uje wanamyana Njambi kamipwisile mu vindungo ngeci mukale na lyova, oloni Munzinzime namipwisa vana va Njambi, co na nzili ya Munzinzime tulinakutambeka kuli Njambi ngwetu, “Tate! Tatetu!”

Loma 8:2

Omwo lishiko lya Munzinzime, lije litunenela mwonyo muli Kilistu Yesu, linanjipatula ku lishiko lya vuvi na kutsa.

1 Kolinte 15:58

Ngecivene, vavusamba vange va cizemo, imaneni mbe kujeneka kuwa. Simbu yoshe pangeni na nzili mu vipangi vyeni kuli Mwene, omwo munazivuka ngweni vipangi vyeni mulinakupanga muli Mwene kuvyesi nakuya mwangoco.

1 Kolinte 16:13

Kengeleleni, imaneni mbe mukukulaela, pweni vaka-kusimpa, pweni vaka-nzili.

1 Kolinte 7:22

Omwo ndungo uje ivanasana kuli Mwene napu munu wa Mwene wakupatuka, mu ngila imo vene, uje munu wakupatuka ivanasana kuli Kilistu napu ndungo yendi.

2 Kolinte 11:20

Omwo mukatambula woshe uje amikovelesa mu vundungo, nambe amilandesa, nambe amitela mweto, nambe alyalesa, nambe amipupa mbanda.

2 Kolinte 3:17

Co ololo lijwi “Mwene” mu majwi awa linemanena Munzinzime, co kuje kuli Munzinzime wa Mwene, kukekwo kuli kupatuka.

Ngalatiya 2:4

nambe vamo vashakele ngeci cilingiwe. Akulikwisa kupwa ngwe vaka-kukulaela, vanu ava vamwengelele mu mbunga yetu ngwe tunenga, ngeci vawane kupatuka kutulinakwo muli Yesu Kilistu. Vashakele kutupwisa vindungo,

Ngalatiya 3:25

Oloni ololo simbu yakukulaela inete, co Mashiko kuwapu lalo muka-kutushika embwe.

Ngalatiya 4:26

Oloni Yelusalema ya mwilu inapu yakupatuka, co ikeyo inapu cisemi cetu.

Ngalatiya 4:31

Ngecivene, vakwetu, yetu kesi tu vana va munakazi wa ndungo embwe, oloni tu vana va munakazi wakupatuka.

Ngalatiya 4:9

Oloni ololo munazivuka Njambi, nambe njendeke ngwange, ololo Njambi namizivuka, vatijo lalo mushaka kwiluka kunima kuli minzinzime yangoco yakuzeya? Omwo vikajo mushaka kupwa vindungo vavo lalo simbu yoshe?

Ngalatiya 5:13

Ngwe ali yeni, vakwetu, vamisanene mukupatuka. Oloni kesi mutave kupatuka oku kupwe lisesa lyakumyecelela ngeci mashungu eni a vunu amipangese. Oloni taveni cizemo cimipwisa vangamba va umo na mukwavo.

Efeso 6:14

Ngecivene, livwaeseleni cimweja, na vushunga munalizitikavwo ngwe mwiva mu vimbunda vyeni na kulongwa ngwe ntelo a vinulo vyeni,

Filipu 1:27

Ngecivene, cuma cakama manene eci, myonyo yeni iyoye ngwe muushaka muzimbu wauvwa wa Kilistu, ngeci nambe njasa kwija nakumimona nambe embwe, njakuziva ngeci munemana mbe a vutumbe vuno, co na cizango cimolika mulinakulwa amolika akukulaela a muzimbu wauvwa.

1 Tesalonika 3:8

omwo ololo tulinakuyoya nga yeni mwimana mbe mukuyoya kweni muli Mwene.

2 Tesalonika 2:15

Ngecivene, vakwetu, imaneni mbe nakukakateya ku vushunga vuje vutwamilongesele, mukwambulula kwetu na mu mukanda wetu.

VaHevelu 10:23

Co tukakateyeni mbe ku cinyangavili cije tunatava, omwo tunakulaela ngwetu Njambi nanyungu cikulaeso cendi.

VaHevelu 3:14

Omwo tunatambula kuli Kilistu nga tukakateya na ku shongo kusimpa kuje twakele nakwo akulivanga.

VaHevelu 3:6

Oloni Kilistu wapwile wa kulongwa ngwe Mwana ashika vya mu njuvo ya Njambi. Yetu tunapu njuvo yendi nga tukakateya nakusimpa nakutakamesa kwetu mu vije tuli navyo na cinyangavili.

VaHevelu 4:14

Ngecivene, tukakateyeni kukukulaela oku tunatava. Omwo tuli na Muka-kukombela Wakama uje ali ku mesho a Njambi, ikeye Yesu Muna Njambi.

1 Petulu 2:16

Yoyeni ngwe vanu vakupatuka, ngecivene, kesi mupangese kupatuka kweni ngwe cuma cakufwika vuvi embwe, oloni yoyeni ngwe vindungo va Njambi.

2 Petulu 2:19

Vavakulaesa kupatuka, oloni vanapu vindungo va futisi yakunyonga, omwo tunapu tu vindungo va cuma coshe cije cinatushwana.

Yunda 1:3

Vasamba vange, njalingile ngwe munjinasela mukumisonekela akwovoka kuje tunalipangezela, omo njawanene ngeci mwamuvwa kumisonekela ololo nakumitakamesa kutwalao kulwila kukulaela kuje Njambi wanenene lumo kuli vanu vendi voshe.

Kujombolola 2:25

Oloni munapande kukakateya mbe kuli vije mulinavyo noo njikaija.

Kujombolola 3:3

Ngecivene, anuka vije vivakulongesele na vije viwazivile, vyononoke, co tenguluka ku vivi vyove. Nga shove kwinduka, njikaija kuli yove ngwe mwizi, co kuukazivuka nameme simbu ije njikaija kuli yove.