Ngalatiya 4:9 - Livulu lya Shukulu Kalunga

⁹ Oloni ololo munazivuka Njambi, nambe njendeke ngwange, ololo Njambi namizivuka, vatijo lalo mushaka kwiluka kunima kuli minzinzime yangoco yakuzeya? Omwo vikajo mushaka kupwa vindungo vavo lalo simbu yoshe?

Ngalatiya 4:9 Iomraidhean Croise

1 Vimyene 8:43

tolilila lilombelo lyendi. Mwilu, omo wakala, muzive, co mulingile vije vyakulomba, ngeci miyati yoshe ya muno mu kaye vakuzivuke nakukwononoka, ngwe muvakalingi vanu vove va Isalele. Ngeci vakazivuke ngwavo kuma eyi Njuvo injinatungu inapu mwela wakukulemesela.

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

Myaso 1:6

Mwa vushunga Shukulu Kalunga azivuka ngila ya vaka-vushunga, oloni ngila ya vaka-vuvi ikanyonga.

Myaso 9:10

Voshe vaje vasingimika lizina lyove, vasa kukulaela kuli yove, omwo yove Shukulu Kalunga wapwa wa kulongwa kuli vaje vanakulaela kuli yove.

Kutuuka 33:17

Co Shukulu Kalunga wendekele kuli Mosesa ngwendi, “Njikalinga ngwe omo yove unanjilombo, omwo njikuzivuka mwamuvwa, co muli yove njilinakuvwaelela.”

Visimo 2:5

Ukazivuka mucinalumbunukila kukomoka Shukulu Kalunga, ukawana lalo mana akuzivuka Njambi.

Njelemiya 31:34

Naumo wai akalongesa mundambo wendi nambe ndolome yendi kuzivuka Shukulu Kalunga, omwo voshe vakanjizivuka, kushangumukila ku vanike kutwala ku vakulunu. Njikavasambesa ku vivi vyavo, co kunjikanuka milonga yavo. Yange Kalunga, njinendekamo.”

Hambakuke 2:14

Oloni kaye kakashula na mana a vumpau vwa Shukulu Kalunga ngwe mema a kalunga mwakajalela.

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Luka 5:38

Oloni vinyu vyaviha vavilongela mu vinjeke vya vilambu vyaviha.

Yowano 10:14

Yange kanyungi wamuvwa, njizivuka vimanga vange, co na vimanga vange vanjizivuka.

Yowano 10:27

Vimanga vange vaziva lijwi lyange, co nange njivazivuka, co vanjikava.

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Loma 8:29

Omwo vaje vaangwile Njambi vakevo lalo vaangunwine kuvafwisa ngwe Munendi, ngeci Munendi apwe ntwatwa akati ka vandolome vavangi.

Loma 8:3

Omwo cije Lishiko kucasele kulinga, omwo vusitu vwapwile vwakuzeya, Njambi wacilingile. Wahisile vuvi mu vusitu akutuma Munendi, uje wezile mu cifwa ngwe cifwa cetu ca vusitu, mukutundisa vuvi.

1 Kolinte 13:12

Evi tulinakumona ololo tuvimona a kalikengelo ngwe kavwivwi, oloni kulutwe tukamona mesho na mesho. Vije njazivuka ololo vinapu vyavindondo, oloni kulutwe vikapwa vyakushula mwa vushunga, vikapwa vyakushula ngwe muje mwananjizivukisilavyo Njambi.

1 Kolinte 15:34

Ilukeni ku vushunga vwa mana eni, co eceleni vingila vyeni vya vuvi. Njendeka evi mukumizivisa shwamwa ngwange vamo veni kuvazivuka Njambi.

1 Kolinte 8:3

Oloni nga munu azema Njambi nendi vanamuzivuka kuli Njambi.

2 Kolinte 11:20

Omwo mukatambula woshe uje amikovelesa mu vundungo, nambe amilandesa, nambe amitela mweto, nambe alyalesa, nambe amipupa mbanda.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

Ngalatiya 3:3

Vulema vweni vwakufwa vatijo! Mwashangumuka na Munzinzime wa Njambi, kuma ololo mushaka kumanesa mu nzili yeni vavenya ndi?

Ngalatiya 4:3

Mu ngila ije vene, netu lalo twapwile tu vindungo va vushwana vwa minzinzime ya kaye simbu te kanda tucikole mu munzinzime.

Efeso 1:17

nakwihula Njambi ya Mwene yetu Yesu Kilistu, Ishe ya vumpau, amyane munzinzime wa mana nakusholola Njambi kuli yeni, ngeci mumuzivuke.

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”

VaHevelu 7:18

Lishiko lyalaja vanalyaka kumukulo, omwo lyapwile lyakuzeya, nakujeneka seo.

2 Petulu 2:20

Omwo nga vanu vanaputumuka ku vinzili vyakuviya vya kaye a mana avo ali Mwene yetu na Muyoyesi wetu Yesu Kilistu, co lalo vakwatiwa ku vikevyo nakuvafungulula, vanu va cifwa cangacije kuviya kwavo kwakukotoka kukatuvakana manene kuje kwakulivanga.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.