Ngalatiya 4:4 - Livulu lya Shukulu Kalunga

⁴ Oloni omo simbu yaivwa yetele, Njambi watumine Munendi, wakusemuka ku munakazi, wakusemuka ku majwi a Lishiko,

Ngalatiya 4:4 Iomraidhean Croise

Kushangumuka 3:15

Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

Isaya 48:16

“Shwenyeni muyehi nange muzive evi vinjendeka. Kutunda ku vushangumukilo njendekele neni citona-mesho, co majwi ange simbu yoshe anapu a vushunga.” (Ololo Shukulu Kalunga wa Akamwa ya Vyoshe nanjitumu na nzili yendi.)

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Njelemiya 31:22

Visimbu vingaijo mukendangana oku noku, yeni vanu vaka-kujeneka kukulaela? Njinatanga cuma caciha cakufwa mweka lalo, cakufwa mweka ngwe munakazi anyunga munalume wendi.”

Zakaliya 6:12

Co muleke ngwove Shukulu Kalunga Muka-nzili yoshe alinakwendeka ngwendi, ‘Munalume uje ivanatumbula ngwavo Munango akakula kwoshe kuje kwali, co akatungulula Njuvo yange.

Malakiya 3:1

Shukulu Kalunga Muka-nzili yoshe nendeka ngwendi, “Kengeni njikatuma muluwa wange uje akavwaesa ngila kulutwe lwange. Asinoni Shukulu Kalunga uje imulinakukengelela akaija vwasi-vwasi ku Njuvo yendi. Muluwa uje imukakengelela akaija nakwambulula cikumiiyo cange.”

Kulava 28:22

Co lalo mukakombelela lijamba lya membe umolika kupwa n̄ombelo ya a vuvi, co mu ngila eyi mukalijelesa.

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Mateo 3:15

Oloni Yesu wamukumbulwile ngwendi, “Njitave ololo vene omwo catupande kupwisamo vushunga vwoshe.” Co Yowano wamutavele.

Mateo 5:17

“Kesi muyongole ngweni njinaija nakuzimangana Lishiko lya Mosesa nambe vilongesa vya vaka-kwimanena embwe, kunjezile nakuvizimangana, oloni njinaija nakuvishulisa.

Mako 1:15

Wendekele ngwendi, “Simbu yaivwa ineete, co Vumwene vwa Njambi vuli muyehi! Tengulukeni mu vimbunge vyeni ngeci mutunde ku vuvi, co kulaeleni ku Vin̄anda Vyavivwa!”

Luka 1:31

Kenga, ukakala na kafumba, co ukakita mwana wa munalume, ukamuluka lizina lyendi Yesu.

Luka 1:35

Co kangelo wamukumbulwile ngwendi, “Munzinzime Wakujela akaija ali yove, na nzili ya Njambi ikakufwika. Ngecivene, uje wakujela iwukakita vakamutumbula Muna Njambi.

Luka 2:7

Co wakitile munendi wa ntwatwa wa munalume, wamuzengelele a vinanga, wamulangekele mu cikasa cakulila vingombe, omwo kukwakele mulili mu njuvo yakutulila vangenzi.

Luka 20:44

“Ndaviti ikeye vavenya wamutumbwile ngwendi ‘Shukulu’, ngecivene, vatijo Wakuvwavesa apwa mutekulwila wa Ndaviti?”

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 10:36

Ngeci mwange ni, Tate wanjangwile nakunjituma ano a kaye. Vatijo mwendeka ngweni njilinakushaula Njambi omwo njendekele ngwange nji Muna Njambi?

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Yowano 6:38

omwo njatundile mwilu kesi kulinga cizango cange embwe, oloni kulinga cizango ca uje wanjitumine.

Yowano 8:42

Yesu wendekele kuli vakevo ngwendi, “Nga mwa vushunga Njambi wapwa Ishweni, ngwe mwanjizeme, omwo yange njatundile kuli Njambi, ololo njili kuno. Kunjezile na nzili yange vavenya, oloni ikeye wanjitumine.

Vilinga vya Miluwa 1:7

Yesu wendekele kuli vakevo ngwendi, “Kesi kuli yeni kuzivuka visimbu na myaka vije vyanavwaesa ku moko ya Tate vavenya.

Loma 1:3

Vinapu vya Munendi, Mwene yetu Yesu Kilistu, ngwe ku cisemwa cendi ca vunu, wasemukile ku naanga ya Ndaviti,

Loma 15:8

Omwo njimileka ngwange Kilistu vamupwisile muka-kupangela vaYunda, mukusholola ngeci Njambi wapwa muka-vushunga, mukulingisa vikulaeso vyendi kuli vakukulwila vavo ngeci vipwe vya vushunga,

Loma 5:6

Omwo a simbu ije twapwile tuvakuzeya, Kilistu watsililile vaka-vuvi a simbu ije yaangwile Njambi.

Loma 8:3

Omwo cije Lishiko kucasele kulinga, omwo vusitu vwapwile vwakuzeya, Njambi wacilingile. Wahisile vuvi mu vusitu akutuma Munendi, uje wezile mu cifwa ngwe cifwa cetu ca vusitu, mukutundisa vuvi.

Loma 9:5

vanapu vatekulwila va vakukulwila va vaHevelu va lutsimo, na Kilistu, akupwa munu, nakundama ku cisemwa cavo. Njambi uje muka-kushwana vyuma voshe, vamushangazale myaka yoshe! Ewa.

Efeso 1:10

Vutumbe ovu, vuje Njambi akavumanesa omo simbu inapumo, vukakungulwila vyakutanga vyoshe amolika, vyuma vyoshe vya mwilu nevi vya asi, Kilistu akapwa mutwe wavyo.

Kolose 2:14

watundisile cishimbikiya ca makongo etu na mshiko aco, co wacitundisile akucishukika a cilindakano.

1 Timateo 2:6

uje walyanene ikeye vavenya kupwa ndando yakupatula vanu voshe. Vuje vwapwile vukaleo a simbu yaivwa ngeci Njambi washakele vanu voshe vovoke,

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

VaHevelu 2:14

Ngecivene, omo vana vanatambula ku situ na maninga, Yesu nendi lalo walipwisile ngwe vakevo watambwile cisemwa cavo ca vunu vwa ano asi. Ikeye walingile eci ngeci a kutsa anyongese uje wakele na nzili ya kutsa, ikeye vene Liyavola.

VaHevelu 9:10

omwo vikevyo vinemanena lika ku vyakulya nakunwa, na vilika vyakuliseza-seza vyakulijelesa. Evi vyoshe vinapu mashiko a anja, evi vikalingiwa noo a simbu ije Njambi akatengulula vyuma vyoshe.

1 Yowano 4:14

Co tunamono nakuleka veka ngwetu Tate natumu Munendi kupwa Muyoyesi wa vaka-kaye.

1 Yowano 4:2

Omu mukemwo mukazivuka ngweni kuma Munzinzime wa Njambi unafu vati, woshe uje atava ngwendi Yesu Kilistu wezile mu cisemwa ca vunu ikeye ali na Munzinzime wakutunda kuli Njambi.