Ngalatiya 4:3 - Livulu lya Shukulu Kalunga

³ Mu ngila ije vene, netu lalo twapwile tu vindungo va vushwana vwa minzinzime ya kaye simbu te kanda tucikole mu munzinzime.

Ngalatiya 4:3 Iomraidhean Croise

Mateo 11:28

“Ijeni kuli yange, yeni voshe munajuka nakwambata vyakulema, co njikamihwimisa.

Yowano 8:31

Ngecivene, Yesu wendekele kuli vaje vamukulaelele ngwendi, “Nga mwononoka vilongesa vyange, mwa vushunga munapu mu vandongisi vange,

Vilinga vya Miluwa 15:10

Ngecivene, omwo vikajo ololo mushaka kweseka Njambi nakutwika citele a myongo ya vaka-kukulaela cije nameme vakukulwila vetu nameme yetu kutwasa kucambata?

Loma 7:14

Twazivuka ngwetu Lishiko linapu lya ku munzinzime, oloni yange njinapu munu wa muvila wa situ, wakulandesa ngwe ndungo ku vuvi.

Loma 8:15

Omwo Munzinzime uje wanamyana Njambi kamipwisile mu vindungo ngeci mukale na lyova, oloni Munzinzime namipwisa vana va Njambi, co na nzili ya Munzinzime tulinakutambeka kuli Njambi ngwetu, “Tate! Tatetu!”

2 Kolinte 11:20

Omwo mukatambula woshe uje amikovelesa mu vundungo, nambe amilandesa, nambe amitela mweto, nambe alyalesa, nambe amipupa mbanda.

Ngalatiya 2:4

nambe vamo vashakele ngeci cilingiwe. Akulikwisa kupwa ngwe vaka-kukulaela, vanu ava vamwengelele mu mbunga yetu ngwe tunenga, ngeci vawane kupatuka kutulinakwo muli Yesu Kilistu. Vashakele kutupwisa vindungo,

Ngalatiya 3:19

Ngecivene, Majwi a Lishiko apwile avikajo? Vawawezeleleleko omwo ya vuvi, noo akwija kwa mutekulwila wa Avilahama, muli ikeye muvalingilile cikulaeso. Majiw a Lishiko atundile kuli tungelo, munu wakele ngwe muka-kunungulula mukati kavo.

Ngalatiya 4:2

Omo acili mukwenje, kuvali vanu vaka-kumulela nakumukengelako vyendi noo simbu ije yemika ishe.

Ngalatiya 4:24

Vyuma evi twasa kuvizivuka ngwe cisimo, vanakazi vavali vanemanena mazivasano avali. Uje wakele na mwana ivakitilile mu vundungo ikeye Hangale, co nemanena lizivasano lije livalingile ku Munkinda wa Sinai.

Ngalatiya 4:25

Hangale, nemanena Munkinda wa Sinai mu Alambiya, nemanena lizivasano lyakwinika nganda ya Yelusalema, ije ili mu vundungo na vanu vamwo voshe.

Ngalatiya 4:31

Ngecivene, vakwetu, yetu kesi tu vana va munakazi wa ndungo embwe, oloni tu vana va munakazi wakupatuka.

Ngalatiya 4:8

Mu myaka ya kunima kumwazivukile Njambi, ngecivene, mwapwile mu vindungo nakukundama kuli minzinzime ije kuyapwile vinjambi.

Ngalatiya 4:9

Oloni ololo munazivuka Njambi, nambe njendeke ngwange, ololo Njambi namizivuka, vatijo lalo mushaka kwiluka kunima kuli minzinzime yangoco yakuzeya? Omwo vikajo mushaka kupwa vindungo vavo lalo simbu yoshe?

Kolose 2:20

Yeni munatsi amo na Kilistu, co vanamipatula kutunda ku minzinzime ije ilinakushwana ano a kaye. Ngecivene, omwo vikajo mulinakuyoya ngwe mwakundama ku kaye kano? Omwo vikajo mucili nakwononoka ku mashiko a cifwa cangacije ngwavo,

Kolose 2:8

Kengeni ngeci naumo wai akamipwise vindungo na mana endi a vunu a makuli, aje atunda ku vilongesa vya vanu na ku minzinzime ya ano a kaye ije ilinakushwana, co kuwatundile kuli Kilistu.

VaHevelu 5:12

Ololo yeni, omwo simbu yakama ineti, mwapandele kupwa muvalongisi, oloni mucijeneka umo amilongese vilongesa vyakulivanga vya lijwi lya Njambi. Mwapandele kulya vyakulya vyakukola, oloni mucili nakunwa mavele.

VaHevelu 7:16

Vamupwisile muka-kukombelela kesi ngwe na mashiko nambe vutumbe vwa vanu, oloni a nzili ya mwonyo uje wa myaka yoshe.