Ngalatiya 4:24 - Livulu lya Shukulu Kalunga

²⁴ Vyuma evi twasa kuvizivuka ngwe cisimo, vanakazi vavali vanemanena mazivasano avali. Uje wakele na mwana ivakitilile mu vundungo ikeye Hangale, co nemanena lizivasano lije livalingile ku Munkinda wa Sinai.

Ngalatiya 4:24 Iomraidhean Croise

Kushangumuka 16:8

Co kangelo wendekele ngwendi, “Hangale ndungo ya Salai, ulinakutunda kuli? Co lalo ulinakuya kuli?” Hangale wamukumbulwile ngwendi, “Njili na kutewa ku mesho a shukulu yange Salai.”

Kushangumuka 25:12

Ava vakevo vatekulwila va Ishimela, muna Avilahama uje yakitile na Hangale kaIngito ndungo ya Sala.

Ezekiyele 20:49

Oloni njendekele ngwange, “Shukulu Kalunga wa Akamwa ya Vyoshe, kesi utave ngeci njicilinge! Munu na munu nalinyenge laja ngwendi simbu yoshe yange njikendeka mu tusau.”

Hoziya 11:10

“Vanu vange vakanjikava omo njikaana ngwe ndumba. Co vakazambula kwija kuli yange kutunda ku kangombe ka yambi.

Mateo 13:35

Walingile evi mukushulisa vyendekele muka-kwimanena ngwendi, “Njikapangesa visimo omo njendeka kuli vakevo, njikavaleka vyuma vyakushwekesa tunde akutanga kwa kaye.”

Loma 8:15

Omwo Munzinzime uje wanamyana Njambi kamipwisile mu vindungo ngeci mukale na lyova, oloni Munzinzime namipwisa vana va Njambi, co na nzili ya Munzinzime tulinakutambeka kuli Njambi ngwetu, “Tate! Tatetu!”

1 Kolinte 10:11

Vyuma vyoshe evi vyalingiwile kuli vakevo kupwa cimweso ngeci veka vamweneko, co vavisonekele mukutunangula yetu. Omwo tulinakuyoya a simbu ije ili kuyehi na mamaneselelo.

1 Kolinte 10:4

nakunwa kwakulifwa kwa munzinzime. Vanwile vyakutunda ku limanya lya munzinzime lije livendele nalyo, co limanya lije lyapwile Kilistu vavenya.

Ngalatiya 4:25

Hangale, nemanena Munkinda wa Sinai mu Alambiya, nemanena lizivasano lyakwinika nganda ya Yelusalema, ije ili mu vundungo na vanu vamwo voshe.

Ngalatiya 4:3

Mu ngila ije vene, netu lalo twapwile tu vindungo va vushwana vwa minzinzime ya kaye simbu te kanda tucikole mu munzinzime.

Ngalatiya 5:1

Kupatuka kukekwo tulinakwo, Kilistu natupatula! Ngecivene, imaneni ngwe vanu vakupatuka, co kesi mulyecelele yeni vavenya lalo kupwa vindungo.

Kwituluka mu Mashiko 33:2

Wendekele ngwendi, “Shukulu Kalunga watundile a Munkinda wa Sinai, watuukile na vumpau vwendi, ngwe litangwa akamwa ya Endome, watwililile ceke ali vanu vendi oku ali a Munkinda wa Palane. Co wakele amo na tungelo 1,000, tuhya twashukumine mu livoko lyendi lya cilyo.

VaHevelu 11:19

Omwo Avilahama wakulaelele ngeci Njambi asa kusangula Isake ku vatsi, mukemwo vene Avilahama watambwile Isake ku vatsi.

VaHevelu 12:24

Yeni munaija kuli Yesu, uje navwaesa cikumiiyo caciha, nakukushamwina kwa maninga anatukulaesa vyuma kutuvakana maninga a Avele.

VaHevelu 13:20

Ololo Njambi wa kwoloka uje wasangwile Mwene yetu Yesu ku vatsi, uje napu kanyungi Wakama ka vimanga, a maninga endi a cikumiiyo ca myaka yoshe,

VaHevelu 7:22

Kwangunuka oku, kukekwo kunapwisa Yesu cikumiyo cacivwa.