Ngalatiya 4:19 - Livulu lya Shukulu Kalunga

¹⁹ Vana vange va cizemo! Njiilukilamo lalo, ngwe munakazi ali na mushongo wakukita mwana, njilinakuziva cifwa cimo ca mushongo omwo yeni noo cisemwa ca Kilistu vanacipanga muli yeni.

Ngalatiya 4:19 Iomraidhean Croise

Isaya 53:11

Omo nayoyo mu tuyando, co akajolela lalo, ikeye akazivuka ngeci kayandele ngoco embwe. Ngamba yange wa kulongwa, muli ikeye njilinakuvwaelela, ikeye akambata cihiso ca vanu vavangi, omwo njikavasambesela ali ikeye.

Luka 22:44

Co omwo a tuyando twakama walombelele manene, co litukuta lyendi lyafwile ngwe maninga andwekelele asi.

Loma 13:14

Oloni zaleni vitwa vya Mwene Yesu Kilistu, kesi mwanuke lalo cifwa ceni ca vusitu nakukavangeya mashungu aco embwe.

Loma 8:29

Omwo vaje vaangwile Njambi vakevo lalo vaangunwine kuvafwisa ngwe Munendi, ngeci Munendi apwe ntwatwa akati ka vandolome vavangi.

2 Kolinte 12:14

Eyi ololo inapu simbu yamucitatu ije njalivwaesela kwija kuli yeni nakumisikamesa, co lalo kunjishaka kumitwika citele. Oloni cuma njishaka lika kuvanga yeni, kesi vimbongo vyeni embwe. Munima ya vyoshe evi, vanike kuvapandele kukwasa visemi vavo, oloni visemi vakevo vapandele kukwasa vana vavo.

Efeso 4:13

Ngecivene, yetu voshe tukapwa vamolika mukukulaela kumolika na mukuzivuka kwetu kwa Muna Njambi, tukapwa vanu vakukola nakweta ku seteko ije ya ciseteko cakushula ca Kilistu.

Efeso 4:24

co munapande kuzala vunu vwavuhwa, vuje vuvanatanga mu cifwa ca Njambi, co vunasholoka vukewo vavenya mu mwonyo wa vushunga uje wauvwa nakujela.

Filipu 1:8

Omwo Njambi napu mukaleo wange nazivuka ngwendi njendeka vushunga omo njendeka ngwange vizango vyange vyakulova ali yeni vilinakutunda ku mbunge ya Yesu Kilistu ikeye vavenya.

Filipu 2:17

Nambe nga vetila maninga ange ngwe mulambu wa a n̄ombelo ije yakukulaela kweni kuli Njambi, njivwaelela nakujolela amo neni voshe.

Filipu 2:5

Akati keni kaleni na mbunge ya cifwa cije cakele naco Kilistu Yesu.

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

Kolose 2:1

Njishaka ngwange muzivuke vati njapangele na nzili omwo yeni na omwo vanu va mu Laondisiya na kuli voshe vaje kanda vacinjimone.

Kolose 3:10

co munazala vunu vwavuhwa. Ovu vunapu vunu vwavuhwa vuje Njambi, Ishamatanga wavwo alinakuvutungulula mu cifwa cendi vavenya, ngeci amishwenyese kukushula kwa mana akumuzivuka.

Kolose 4:12

Viindu vyeni kuli Epafalase, mukweni umo wakundama ku munga yeni uje napu ngamba ya Kilistu Yesu. Ikeye simbu yoshe akamyanuka mu malombelo endi, nakulomba Njambi ngeci amikolese nakwimana mbe, ngwe vaka-Yesu vanakolo mu vu Yesu, na na mukwononoka kwoshe ku cizango ca Njambi.

1 Tesalonika 2:7

nambe ngwe miluwa va Kilistu twasele kumyana citele. Oloni twapwile tu vaka-lyovwa-ovwa omo twakele neni amo, ngwe lyovwa-ovwa lya cisemi wa munakazi omo alinakulela vana vendi vene.

1 Timateo 1:2

Kuli Timateo, munange wa vushunga mukukulaela. Njambi Tate na Kilistu Yesu Mwene yetu vakwane kutetela na mema ku mbunge na kwoloka.

Tito 1:4

Njilinakusonekela kuli Tito, munange wa vushunga mukukulaela kuje tulinakwo yetu voshe. Njambi Tatetu na Kilistu Yesu Muyoyesi wetu vakwane kutetela na kwoloka.

Filimoni 1:10

Ngecivene, njikulambelela ali Onesimasi, uje napu munange muli Kilistu, omo njakele mu kamenga njapwile nji ishe mu munzinzime.

Filimoni 1:19

Yange Paulu, njilinakusoneka evi na livoko lyange ngwange, yange Paulu, njikakwilwisilavyo. (Kunjapandele kukwanukisa lalo, mwa vushunga vene yove vene akuyoya kwove uli na likongo kuli yange.)

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.

Yakomba 1:18

Ku cizango cendi natutanga yetu a lijwi lya vushunga, ngeci tupwe mushoke wakulivanga akati ka vyoshe vije vyatangele.

1 Yowano 2:1

Vana vange vavandondo, njilinakumisonekela evi, ngeci kesi mulinge vuvi, oloni nga umo alinga vuvi, tuli naumo muka-kutwimanena kuli Tate, ikeye Yesu Kilistu, muka vushunga.

1 Yowano 2:12

Njilinakumisonekela yeni vana vange vavandondo, omwo vivi vyeni vanavisambesa a lizina lya Kilistu.

1 Yowano 5:21

Vana vange, linyungeni yeni vavenya nakutunda ku vinjambi va makuli!

3 Yowano 1:4

Kukwesi cimo cinjinenela kuvwaelela kutuvakana kuziva ngwavo vana vange valinakuyoya mu vushunga.