Ngalatiya 3:2 - Livulu lya Shukulu Kalunga

² Njishaka njimihule cuma cimo ngwange, kuma mwatambwile Munzinzime wa Njambi akulinga vije vishakiwa ku Majwi a Lishiko nambe akuziva muzimbu nakuukulaela ndi?

Ngalatiya 3:2 Iomraidhean Croise

Vilinga vya Miluwa 15:8

Co Njambi, uje azivuka viyongola vya munu woshe, washolwele vukaleo vwendi vwa vaje kesi vaYunda akuvana Munzinzime Wakujela, ngwe mwatwanene yetu.

Vilinga vya Miluwa 2:38

Co Petulu wendekele kuli vakevo ngwendi, “Munu na munu napande kutenguluka ku vivi vyendi nakumumbwitika mu lizina lya Yesu Kilistu, ngecivene, amisambese ku vivi vyeni, co mukatambula vwana vwa Njambi, Munzinzime Wakujela.

Vilinga vya Miluwa 8:15

Omo vetele kuje, valombelelele vaje vaka-kukulaela ngeci vatambule Munzinzime Wakujela.

Loma 1:17

Omwo muzimbu wauvwa usholola vati Njambi nalingisa vanu ngeci vapwe vaka-vushunga ku mesho endi, cinapu mukukulaela kutunda ku shongo nakweta ku mamaneselelo. Ngwe muvyendeka visoneka ngwavyo, “Munu uje ivanapwisa muka-vushunga ku mesho a Njambi akukulaela akayoya.”

1 Kolinte 9:21

Mu ngila eyi vene, omo njipanga na vaje kesi vaYunda, njiyoya ngwe uje kesi kaYunda anja ya Lishiko lya vaYunda ngeci njikoke vaje kesi vaYunda. Eci kucalumbunukile ngeci kunjapandele kwononoka lishiko lya Njambi embwe, oloni, mwa vushunga vene, yange njili mwisi ya lishiko lya Kilistu.

2 Kolinte 11:4

Omwo yeni mulinakutambula nakujolela munu woshe uje aija kuli yeni nakwambulula Yesu wa muyati weka, oloni kesi uje itwambulwile yetu kuli yeni, co yeni munatambula munzinzime na muzimbu weka kesi uje watundile ku Munzinzime na muzimbu wauvwa uje umwatambwile kuli yetu!

Ngalatiya 3:14

Kilistu walingile eci ngeci vivezikiso vya Njambi vyakulaesele kuli Avilahama vavyane kuli vaje kesi vaYunda ali Kilistu Yesu, ngeci akukulaela tutambule Munzinzime uje watukulaesele Njambi.

Ngalatiya 3:3

Vulema vweni vwakufwa vatijo! Mwashangumuka na Munzinzime wa Njambi, kuma ololo mushaka kumanesa mu nzili yeni vavenya ndi?

Ngalatiya 3:5

Kuma Njambi namyana Munzinzime nakulinga vizivukiso akati keni omwo mulinga vije Majwi a Lishiko avishaka nambe omwo muziva muzimbu nakuukulaela ndi?

VaHevelu 2:4

Co a simbu ije vene Njambi wawezeleleleko vukaleo vwendi ku vukaleo vwavo mukulinga vizivukiso na vikomoweso vyakuliseza-seza namukupangezela vwana vwa Munzinzime Wakujela ngwe ku cizango cendi.

VaHevelu 4:2

Omwo tunazivi Vin̄anda Vyavivwa, ngwe muvavizivilile vakevo. Vazivile lijwi oloni kulyavakwasele, omo valizivile, co kuvalitambwile nakukulaela.

VaHevelu 6:4

Vatijo vasa kwiluka vaje vatundile kukukulaela ngeci vatenguluke lalo nakulitavela? Vaje vakele na ceke ca Njambi, voshe vaje vamakelele ku vwana vwa mwilu, co vatambwile Munzinzime Wakujela,

1 Petulu 1:12

Njambi washolwele kuli ava vaka-kwimanena kuvalipangelele vakevo vavenya embwe, oloni vapangelele yeni, omwo vendekele a vyuma vije yeni munalizivila kuli vangamba vaje vambulwile Vin̄anda Vyavivwa a nzili ya Munzinzime Wakujela uje uvatumine kutunda mwilu. Evi vikevyo vyuma vije nameme tungelo vashaka kuzivisisa.