Ngalatiya 3:17 - Livulu lya Shukulu Kalunga

¹⁷ Evi vikevyo njinayongola, Njambi walingile lizivasano na Avilahama nakumukulaesa kulinyunga. Mashiko, aje avanene omo kwetile myaka 430, kuwasa kupokola lije lizivasano nakuzimangana cikulaeso ca Njambi.

Ngalatiya 3:17 Iomraidhean Croise

Kushangumuka 15:13

Shukulu Kalunga wendekele kuli ikeye ngwendi, “Vatekulwila vove vakapwa vangenzi mu lifuti lya vungenzi, co vakapwa vinzinda kuje, vakavayandesa na muuka a myaka 400.

Kushangumuka 15:18

A litangwa lije vene, Shukulu Kalunga walikumiiye cikumiiyo na Avilama ngwendi, “Njikulaesa kwana lifuti eli lyoshe ku vatekulwila vove, kutunda ku nginga ya Ingito nakweta ku Ndonga ya Yufuleti,

Kushangumuka 17:19

Oloni Njambi wendekele ngwendi, “Embwe, munakazi wove Sala akakita mwana wa munalume, ukamuluka lizina lyendi Isake. Co njikakolesa cikumiiyo cange nendi na vatekulwila vendi ku myaka yoshe. Cikapwa cikumiiyo ca myaka yoshe.

Yombi 40:8

Kuma yove ulinakweseka kunjiwanena mulonga ngeci yange njihye yove usambe ndi?

Myaso 105:9

Ikeye akanyungu lizivasano lije lyalingile na Avilahama, nakunyunga lalo cikulaeso cendi kuli Isake.

Myaso 33:10

Shukulu Kalunga anyongesa mana a vanu, ikeye atanganesa matumbe a vanu kuwapwisa angoco.

Isaya 14:27

Shukulu Kalunga Muka-nzili yoshe nalivwaesela cimweja, nolola livoko lyendi mukuhisa, co naumo wai asa kumuvindika.

Isaya 28:18

Cikumiiyo mwalikumiiye na kutsa cikahwa, co lizivasano mwalizivasanene na lifuti lya vukalo vwa vatsi vakalitundisa. Co vukalu vwa mankimba akungwanjanga akamikupula.

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Kulava 30:8

Oloni nga munalume wendi amuvindika kushulisa cisingo cendi nambe kupupuzuka mukwendeka kwendi, omo ikeye navizivi laja, kucapandele lalo uje munakazi acinyunge. Co Shukulu Kalunga akamusambesaco.

Yowano 1:17

Omwo Njambi waanene Lishiko lyendi ali Mosesa, oloni kutetela na vushunga vinaija ali Yesu Kilistu.

Vilinga vya Miluwa 7:6

Co evi vikevyo wendekele Njambi kuli ikeye ngwendi, ‘Vatekulwila vove vakakala mu lifuti lya vungenzi, co vakapwa vindungo, co vakavayandesa manene myaka yakupwa 400.

Loma 3:25

Njambi wamupwisile n̄ombelo, ngeci a n̄ombelo ya kutsa kwendi akapwe ciingo cakusambesa vuvi vwa vanu akukulaela kwavo kuli ikeye. Njambi walingile cuma eci mukumwesa ngeci napu muka-vushunga. Ku san̄ulu Njambi wasimpile, co kombileko mbunge ku vuvi vwa vanu,

Loma 3:3

Oloni vatijo nga vamo vavo kuvapwile va kulongwa? Eci cinalumbunuka ngeci Njambi kesi muka-vushunga ndi?

1 Kolinte 1:12

Njilinakulumbununa ngwange, akati keni munu na munu alinakwendeka vyuma vyakulyangunuka. Umo endeka ngwendi, “Yange nji muka-Paulu”, mukwavo ngwendi, “Yange nji muka-Apolo”, weka ngwendi, “Yange nji muka-Petulu”, co weka ngwendi, “Yange nji muka-Kilistu.”

1 Kolinte 1:17

Omo Kilistu kanjitumine mukumbwitika. Oloni wanjitumine mukwambulula Vin̄anda Vyavivwa, nakuvyambulula kujeneka kupangesa endekesi ya mana a vanu, kutewa cilindakano ca Kilistu cipwa cangoco.

1 Kolinte 10:19

Kuma eci cinalumbunuka ngwange kamponya nambe vyakulya vyakukombelela ku kamponya vinakundama ku cuma cacivwa ndi?

1 Kolinte 7:29

Evi vyalumbunuka ngeci, vavusamba vange, kukwesi simbu yakama yasalako, co kutunda a simbu ino kutwala kulutwe vaka-kwambata vanapande kuyoya ngwe kesi kuvesi na vanakazi,

2 Kolinte 1:20

omwo wapwa “Eyo” ku vikulaeso vyoshe vya Njambi. Omwo a cuma eci muli Yesu Kilistu “Ewa” yetu tukaitumbula mukwana vumpau kuli Njambi.

2 Kolinte 9:6

Anukeni eci, munu uje akuna vimbuto vyavindondo akawana lalo vyavindondo, co uje akuna vyavingi akawana lalo vyavingi.

Ngalatiya 3:15

Vavusamba vange, njipangesa cimweso ca vanu ngwange, omo vanu vavali valizivasana a n̄anda, co vasoneka lije lizivasano, naumo wai asa kulipokola nambe kuwezelelako cuma cimo.

Ngalatiya 3:21

Kuma eci cinalumbunuka ngeci Majwi a Lishiko alinakulwisa cikulaeso ca Njambi ndi? Embwe, kesi ngoco! Omwo nga vanu vatambwile majwi a lishiko aje asa kunena kuyoya, co munu woshe asa kupwa muka-vushunga ku mesho a Njambi akuwononoka.

Ngalatiya 5:16

Evi vikevyo njendeka ngwange, eceleni Munzinzime atwamenene myonyo yeni, co mukenukwa mashungu a cisemwa ca vunu.

Ngalatiya 5:4

Vaje veni veseka kulipwisa vaka-vushunga ku mesho a Njambi akwononoka Mashiko vanavatukiya vakevo vavenya nakutunda kuli Kilistu. Munatundu ku kutetela kwa Njambi.

Efeso 2:12

A simbu ije mwangunukile kuli Kilistu. Mwapwile mu vangenzi kumwakundamene ku vanu va Njambi vakwangula. Kumwakele na mutambela mu mazivasano, aje emanene a vikulaeso vya Njambi kuli vanu vendi, co yeni mwayoyele ano a kaye kujeneka cinyangavili nakujeneka Njambi.

Efeso 4:17

Ngecivene, mu lizina lya Mwene, njiminangula ngwange, kesi muyoye ngwe vaje vaka-kujeneka kukulaela, vaje viyongola vyavo vyapwa vyangoco,

Kolose 2:4

Ngecivene, njimileka ngwange, kesi mutave munu umo amikwise na vinguli vya makuli, nambe vikevyo vyavwaa vati.

VaHevelu 11:13

Vanu voshe ava vatsile mukukulaela, kuvatambwile vyuma vije vyavakulaesele Njambi, oloni vavimwenene kulyala, co vavitambwile mwamuvwa, vatavele mutanya mwelu ngeci vapwile vangenzi na vaka-kwendangana ano asi.

VaHevelu 7:18

Lishiko lyalaja vanalyaka kumukulo, omwo lyapwile lyakuzeya, nakujeneka seo.

1 Petulu 1:20

Njambi wamwangwile simbu kanda vatange kaye, co vamusholwele mu matangwa ano akukotoka omwo yeni.