Ngalatiya 3:14 - Livulu lya Shukulu Kalunga

¹⁴ Kilistu walingile eci ngeci vivezikiso vya Njambi vyakulaesele kuli Avilahama vavyane kuli vaje kesi vaYunda ali Kilistu Yesu, ngeci akukulaela tutambule Munzinzime uje watukulaesele Njambi.

Ngalatiya 3:14 Iomraidhean Croise

Kushangumuka 22:18

Muli vatekulwila vove miyati yoshe ya asi ikavezika, omwo yove unononoka kushika kwange.”

Isaya 32:15

Oloni Njambi lalo akatutumina munzinzime wendi. Lifuti lya vwilo likakala na vwilo, co mu mahya mukamena vimbuto vyavivwa.

Isaya 41:8

“Oloni yove, Isalele ngamba yange, yeni mwapwa muyati uje unjaangwile, vatekulwila va musamba wange Avilahama.

Isaya 49:6

Shukulu Kalunga wendekele kuli yange ngwendi, “Njili na vipangi vyakama ali yove, ngamba yange. Kesi lika vipangi vyakwilwisa vanu va Isalele vaje vanasalao embwe, oloni njinakwaka ano ngeci upwe ceke ku vaka-mafuti, ngeci vaka-kaye voshe vovoke.”

Isaya 52:10

Shukulu Kalunga akapangesa nzili yendi yakama mukwamena vanu vendi, co vaka-kaye voshe vakamona kwamena kwa Njambi yetu.

Njelemiya 31:33

Cikumiiyo caciha cije njikalikumiiya na vanu va Isalele cikapwa eci, njikaka lishiko lyange muli vakevo, nakulisoneka mu vimbunge vyavo. Yange njikapwa Njambi yavo, navo vakapwa vanu vange.

Njelemiya 32:40

Njikalikumiiya cikumiiyo navo ca ku myaka yoshe. Nalumo lwai njikalikela kulinga vyuma vyavivwa kuli vakevo, vakanjisingimika, ngecivene, nalumo lwai vakashondoloka kuli yange.

Ezekiyele 11:19

Njikavana vimbunge vyaviha na mana amaha. Njikatundisa vimbunge vyavo vyakukola ngwe mamanya, co njikavana vimbunge vyakwononoka.

Ezekiyele 39:29

Njikamwanyena munzinzime wange ali vanu va Isalele, co kuukatundu lalo ali vakevo. Munjinendeka yange Kalunga wa Akamwa ya Vyoshe.”

Zakaliya 12:10

“Njikashulisa vatekulwila va Ndaviti na vanu veka va mu Yelusalema na munzinzime wa mema ku mbunge na munzinzime wakulombela. Vakakenga kuli uje ivativile likunga nakumutsiya, co vakamulila ngwe vaje vanatsisa munavo umolika. Vakalila manene, ngwe vaje vanatsisa munavo wa ntwatwa umolika wa munalume.

Luka 11:13

Inonwa yeni vaka-vuvi muzivuka kwana vyuma vyavivwa kuli vana veni, kuma Ishweni wa mwilu kakatuvakana manene kwana Munzinzime Wakujela kuli vaje vamulomba ndi?”

Luka 24:49

Yange njikatuma kuli yeni vije vyanjikulaese Tate. Oloni munapande kuvandamena mu nganda noo nzili yakutunda kwilu inaija ali yeni.”

Yowano 7:39

Yesu wendekele evi ali Munzinzime Wakujela uje uvakatambula vaje vanakulaela kuli ikeye. A simbu ije Munzinzime Wakujela te kanda vacimutambule, omwo Yesu te kanda asanguke ku vumpau.

Vilinga vya Miluwa 2:33

Ikeye namusangwila ku livoko lya cilyo lya Njambi, Ishe, co natambula Munzinzime Wakujela kuli ikeye, ngwe muje mwakulaesele. Vije mulinakumona ololo nakuziva vinapu vwana vwendi vuje netila ali yetu.

Vilinga vya Miluwa 4:12

Kutwasa kuwana kwovoka muli weka lalo embwe, omwo kukwesi lizina lyeka muno mu kaye lyanaana Njambi ku vanu litunapande kwovokelamo.”

Vilinga vya Miluwa 5:32

Tuvakaleo va vyuma evi, yetu amo na Munzinzime Wakujela, ikeye wapwa vwana vwa Njambi kuli vaje vamwononoka.”

1 Kolinte 12:13

Mu ngila eyi vene, yetu voshe, nambe vaYunda na vaje kesi vaYunda, nambe vindungo nambe vanu vakupatuka, Munzinzime umo natumbwitika mu muvila umolika, co yetu voshe vatunwisile Munzinzime umolika.

2 Kolinte 1:22

uje naka cizivukiso cendi ali yetu, ngeci atufuke, uje natwana Munzinzime Wakujela mu vimbunge vyetu ngwe cishimbikiya ca vyoshe vije vyanatutulikila.

Ngalatiya 3:16

Ololo, Njambi nalingi cikulaeso cendi kuli Avilahama na ku naanga yendi. Visoneka kuvyendekele ngwavyo “Vinaanga,” kulumbununa vanu vavangi, oloni ngwavyo “naanga,” kulumbununa munu umolika, ikeye Kilistu.

Ngalatiya 3:2

Njishaka njimihule cuma cimo ngwange, kuma mwatambwile Munzinzime wa Njambi akulinga vije vishakiwa ku Majwi a Lishiko nambe akuziva muzimbu nakuukulaela ndi?

Ngalatiya 4:6

Mukumwesa ngeci yeni munapu vana vendi, Njambi watumine Munzinzime wa Munendi mu vimbunge vyetu, Munzinzime uje muka-kutambeka ngwendi, “Tate, Tate.”

Efeso 2:18

Ali Kilistu yetu voshe, vaYunda na vaje kesi vaYunda, tunasa kwija mu Munzinzime umolika ku mesho a Tate.

Efeso 2:22

Muli ikeye neni lalo valinakumitunga mumo na vakweni veka ngeci mupwe njuvo ya Njambi ali Munzinzime wendi.

Efeso 3:16

Njilomba kuli Njambi a vufuko vwa vumpau vwendi ngeci amyane nzili ali Munzinzime wendi ngeci mukale na nzili mukati ka mivila yeni,

Efeso 4:30

Co kesi muviililise Munzinzime Wakujela wa Njambi, omwo Munzinzime Wakujela wapwa cimweso ca Njambi ca vundambo ali yeni, napu cishimbikiya ngeci litangwa likaija omo Njambi akamipatula.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Petulu 3:9

Kesi mwilwisile vuvi ku vuvi nambe cisingo ku cisingo, oloni ilwisileni civezikiso, omwo civezikiso cikeco cakulaesele Njambi kumyanaco omo wamisanene.