Ngalatiya 3:1 - Livulu lya Shukulu Kalunga

¹ Eni vilema vaka-Ngalatiya! Iya namikasumuna? Mwalimwenenene mwamuvwa na mesho eni mukwalumbunukilile kutsa kwa Yesu Kilistu a cilindakano!

Ngalatiya 3:1 Iomraidhean Croise

Mateo 24:24

Omwo kukasholoka vaKuvwavesa va makuli na vaka-kwimanena va makuli, vakamwesa vizivukiso na vikomokeso vyakama, ngecivene, vakatangule nameme vaje vavaangwile kuli Njambi nga citava.

Mateo 7:26

“Oloni woshe aziva majwi ange awa, co kawononoka, co napu ngwe munalume uje wakweva watungilile njuvo yendi a lishen̄avu.

Luka 24:25

Co Yesu wendekele kuli vakevo ngwendi, “Eni vilema vaka-kwishwala kukulaela vije vyoshe vivendekele vaka-kwimanena!

Vilinga vya Miluwa 16:6

Co vendele mu mutambela wa Filingiya na mu Ngalatiya omwo Munzinzime Wakujela wavavindikile kwambulula lijwi mu lifuti lya Asiya.

Vilinga vya Miluwa 6:7

Co lijwi lya Njambi lyashandokele. Co vungi vwa vandongisi mu Yelusalema vapwile vavangi, co mbunga yakama ya vaka-kukombelela vakulaelele.

Loma 10:16

Oloni kesi voshe vanatambula Vin̄anda Vyavivwa embwe. Isaya vavenya alinakwendeka ngwendi, “Shukulu Kalunga, iyajo wakulaelele muzimbu wetu?”

Loma 2:8

Oloni vamo vanu valizema vakevo vavenya nakuvyana vya vushunga, ngeci vakave vije vya kupenga-penga, co Njambi akamwesa vukalu vwendi na matoto endi ali vakevo.

Loma 6:17

Oloni tukandelela kuli Njambi! Omwo nambe laja mwapwile mu vindungo va vuvi, munononoka na vimbunge vyeni vyoshe vushunga vuli mu vilongesa vije vimwatambwile.

1 Kolinte 11:26

Omwo eci cilumbununa ngeci a simbu na simbu omo mulya eli likende nakunwa ku nganja eyi mwambulula kutsa kwa Mwene noo akaija.

1 Kolinte 2:2

Omwo simbu njakele neni, njevalele vyuma vyoshe kuvanga Yesu Kilistu, co manene kutsa kwendi a cilindakano.

2 Kolinte 10:5

tulinakutundisa kulyalesa kwoshe kuje kwakutanukisa kuje kulinakulwisa mana a Njambi, tulinakutundisa viyongola vyoshe nakuvyaka ku vundungo ngeci vyononoke kuli Kilistu.

2 Kolinte 11:3

Oloni njili na lyova ngwange ngwe omo linyoka wakwisile Eva nakunyanyama kwendi, amo viyongola vyeni vikazimbalesa kulikundika kweni kwamutunu kwakujela kuli Kilistu.

Ngalatiya 1:2

Vakwetu voshe njilinavo kuno tulinakutuma viindu ku vikungulukilo vya mu Ngalatiya ngwetu,

Ngalatiya 1:6

Njakomoka kuli yeni! Mu simbu yaindondo yeni voshe munatundu kuli uje wamisanene na kutetela kwa Kilistu, co munatava ku muzimbu weka lalo.

Ngalatiya 2:14

Oloni omo njamwene ngeci kuvakele nakwenda mu ngila yaivwa ya vushunga vwa muzimbu, co njendekele kuli Petulu ku mesho avo voshe ngwange, “Yove unapu u kaYunda, oloni unakala nakuyoya ngwe uje kesi kaYunda, kesi ngwe kaYunda. Ngecivene, vati wasa kusindiiya vaje kesi vaYunda ngeci vayoye ngwe vaYunda?”

Ngalatiya 3:3

Vulema vweni vwakufwa vatijo! Mwashangumuka na Munzinzime wa Njambi, kuma ololo mushaka kumanesa mu nzili yeni vavenya ndi?

Ngalatiya 4:9

Oloni ololo munazivuka Njambi, nambe njendeke ngwange, ololo Njambi namizivuka, vatijo lalo mushaka kwiluka kunima kuli minzinzime yangoco yakuzeya? Omwo vikajo mushaka kupwa vindungo vavo lalo simbu yoshe?

Ngalatiya 5:11

Oloni ngeci mwange, vakwetu, nga njicitwalao kwambulula ngwange kutuuka kunapu kwakuvwa,omwo vikajo vacili nakunjipakesela? Nga eci capwile ca vushunga, cooni kwambulula kwange kwa cilindakano ca Kilistu nga kucilingisa vitanga.

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

Efeso 4:14

Co kutukapu lalo vanike, vaje vauungumuka na mankimba nakupekumuka noku-noku na lihunzi lya vilongesa vya vanu vaka-makuli, vaje valinakutwamenena vakwavo mu kusevuka na linyanyamena lije valinga.

Efeso 5:15

Ngecivene, nyanyameni mumuli nakuyoya. Kesi muyoye ngwe vaka-kwonwa mana, oloni ngwe vaka-mana.

Kwituluka mu Mashiko 32:6

Kuma eyi ikeyo ngila imukapangesa nayo kuli Shukulu Kalunga ndi? Eni vikolokomba vakujeneka mana! Ikeye ishweni, uje wamitangele, ikeye wamipwisile muyati.

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

1 Timateo 6:4

co munu wa ngacije napu muka-kulyalesa, co kazivuka cuma nacimo cai. Napu muka-kuvinja mu mashungu na vimata vyakulikanangana a majwi, co evi vilinakunena mafuwa na vimata na kushaula na viyongola vyavivi

VaHevelu 11:8

Akukulaela, Avilahama wononokele Njambi omo wamusanene, co watundile mu lifuti lyendi waile ku lifuti lije lyamukulaesele Njambi. Wasezele lifuti lyendi oloni kazivukile kuje kwaile.

VaHevelu 5:9

Omo vamupwisile muka-kujela, wemukile nsina yakwovoka kuje kwa myaka yoshe kuli voshe vaje vamwononoka,

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Petulu 4:17

Simbu inete ngeci kusompa kushangumuke, co vanu va Njambi vakevo vakalivanga kuvasompa. Nga kushangumukila kuli yetu, vatijo cikafwa akukotoka kuli vaje kuvakulaela ku Vin̄anda Vyavivwa vyakutunda kuli Njambi?

2 Petulu 2:18

Vakevo vakendeka na kulyalesa na majwi a vulema, co vakapangesa mashungu amavi a muvila mukukwata vaje vashaka kuputumuka akati ka vanu vaje valinakuyoya mwamuvi.

Kujombolola 18:3

Omwo mafuti oshe vananu vinyu vyakulula vya mashungu endi amavi. Vimyene va ano asi vanalingi nendi vupangala, co vaka-kulanda va ano asi vanafuku na vufuko vwa mashungu endi.”

Kujombolola 2:20

Oloni kuli cimo njalinyenge ali yove, unecelela uje munakazi Njezevele, uje alinakulitumbula ikeye vavenya ngwendi muluwa wa Njambi. Kulongesa kwendi kulinakutwamenena vangamba vange kulinga vupangala nakulya vyakulya vyakukombelela ku tumponya.

1 Samwele 13:13

Co Samwele wamukumbulwile ngwendi, “Eci cinapu cuma cavulema ciwunalingi. Kuwononokele lishiko lije lyakwanene Shukulu Kalunga Njambi yove. Nga unononokele, nga nakwasesa yove na vatekulwila vove kushwana Isalele myaka yoshe.