Ngalatiya 2:9 - Livulu lya Shukulu Kalunga

⁹ Yakomba, Petulu na Yowano, vaje vapwile vantwama, vamwene ngeci Njambi nanjana vipangi evi vyavivwa, co vatukwatele mu mavoko yange na Mbanambasa, kupwa cimweso ngeci yetu voshe twapwile vaka-kupangela amo. Twalizivasanene ngeci Mbanambasa nange tuye kuli vaje kesi vaYunda, co vakevo vaye kuli vaYunda.

Ngalatiya 2:9 Iomraidhean Croise

2 Vimyene 10:15

Yehu watundile kuje lalo, co a ngila waliwanene na Yonandave muna Lekave. Yehu wamukandelelele, co wendekele nendi ngwendi, “Nove nange twalikulaela, wasa kunjikwasa ndi?” Yonandave wamukumbulwile ngwendi, “Eyo, njasa.” Co Yehu wamukumbulwile ngwendi, “Njikwate mu livoko.” Ngecivene, valikwatele mu mavoko, co Yehu walondesele Yonandave mu litemba,

Mateo 16:18

Co yange njikuleka lalo ngwange, yove unapu Petulu, co a limanya eli vene akeo njikatungila cikungulukilo cange, co nzili ya vukalo vwa vatsi kuyikacihyana.

Luka 22:8

Yesu watumine Petulu na Yowano ngwendi, “Yeni mukavwaesele cimweja Ciwano ca Pasovala ngeci tukalye.”

Yowano 1:42

Asinoni Anduleo watwalele Simoni kuli Yesu. Yesu wamukengele, co wendekele nendi ngwendi, “Lizina lyove yove Simoni muna Yowano, oloni vakakutumbula Kefase.” (Eli linalifu mumolika na Petulu, co lilumbunuka ngwalyo “Limanya.”)

Vilinga vya Miluwa 12:17

Oloni wavanyateyeye na livoko lyendi ngeci voloke, co wavalumbunwinine vati Mwene wamutundisile mu kamenga. Co wavalekele ngwendi, “Lekeniko Yakomba vyuma evi na vaka-kukulaela veka.” Asinoni wavasezele waile ku mutambela weka.

Vilinga vya Miluwa 15:13

Omo vamanesele kwendeka, co Yakomba wendekele ngwendi, “Njitolilileni vakwetu!

Vilinga vya Miluwa 15:7

Co omo vasimutwiiye simbu yakama Petulu wakatukile nakwendeka ngwendi, “Vakwetu, mwazivuka ngeci simbu yalaja Njambi waangwile yange akati keni nakwambulula Vin̄anda Vyavivwa kuli vaje kesi vaYunda, ngeci vazive nakukulaela.

Vilinga vya Miluwa 4:36

Co Yosefa, kaLevi uje wasemukilile mu Sepulasi, uje miluwa vamutumbwile ngwavo Mbanambasa (kulumbunuka ngwavo, “Muka-kuzembeleka”),

Loma 1:5

Muli ikeye Njambi wanjanene vije vyanjipande mukupwa muluwa omwo ali Kilistu, mukutwamenena miyati yoshe kukukulaela nakukwononoka.

Loma 12:3

Omwo vwana njinatambula vwa mema ku mbunge a Njambi njilinakwendeka kuli yeni voshe ngwange, kesi muliyongole yeni vavenya kupwa muvakama manene kutuvakana omu mumunapu. Oloni, munapande kulikeesa mu viyongola vyeni, liiluleni yeni vavenya ngwe kukukulaela kweni kuje kwanamyana Njambi.

Loma 15:15

Oloni mu mukanda ou njinasimpi akusoneka vyuma vimo vinjamyanukisa. Njinasimpi omwo a kutetela kuje kwananjana Njambi

1 Kolinte 15:10

Oloni a kutetela kwa Njambi njinapu muje munjinapu, co kutetela kuje wanjanene kucapwile cangoco. Oloni mu ngila ikwavo, njinaundangana manene kutuvakana miluwa voshe, nameme eci kucapwile cipangi cange vavenya, oloni capwile kutetela kwa Njambi cije cakele nakupanga nange.

2 Kolinte 11:5

Kunjayongwele ngwange yange njapwa wamundondo kuli vaje vakama vamutumbula ngweni “miluwa.”

2 Kolinte 12:11

Njilinakupanga ngwe cikolokomba, oloni yeni munanjilingisamo. Yeni mwapandele kusholola vukaleo ngeci munanjitambula. Nameme nga njinapu nji wangoco, yange kunjakele mwisi ya vaje “miluwa” veni.

2 Kolinte 8:4

vatulombele nakutusindiya ngeci tuvane simbu yakukwasa vanu va Njambi vaje vali mu Yundeya.

Ngalatiya 1:16

kusholola Munendi kuli yange, ngeci njambulule Vin̄anda Vyavivwa kuli vaje kesi vaYunda, kunjaile kuli munu umo mukunjinangula embwe,

Ngalatiya 1:18

Kwetile myaka itatu, co njaile ku Yelusalema kukaziva muzimbu kuli Petulu, co njatumbamane nendi visimano vivali.

Ngalatiya 2:1

Asinoni omo kwetile myaka likumi na iwana, co njelukile ku Yelusalema amo na Mbanambase, njaile amolika na Tito.

Ngalatiya 2:2

Njaile omwo Njambi washolwele kuli yange ngeci njapande kuya. Omo twalikungulwile mu vushweke na vantwama, njanungulwile muzimbu uje njambulwile kuli vaje kesi vaYunda. Kunjashakele vipangi vyange vya kunima nambe vya ololo vyonwe embwe.

Ngalatiya 6:3

Nga munu umo ayongola ngeci napu wakama oloni kesi mukemwo mwanapu, alinakulikwisa lika ikeye vavenya.

Efeso 2:20

Neni lalo vanamitungu a luvula luje luvajalele miluwa na vaka-kwimanena, limanya lije lya mu mbango likelyo Kilistu Yesu vavenya.

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

Kolose 1:29

Akupanga evi njiwundangana nakulwa nakupangesa nzili yoshe ije yalinakunjana Kilistu, co ilinakupanga muli yange.

1 Timateo 3:15

Oloni nga njishwala, ou mukanda ukewo wakumileka ngeci muzivuke vati futisi yetu inapande kupwa ku vanu mu naanga ya Njambi, ikeyo cikungulukilo ca Njambi wakuyoya, manda na vwimaneno vwa vushunga.

1 Yowano 1:3

Vije tunamono nakuziva tulinakumilekavyo lalo, ngeci mulipandakane amo netu mu kulitombola kuje tulinakwo na Tate na Munendi Yesu Kilistu.

Kujombolola 3:12

Uje ahyana njikamupwisa manda mu Njuvo ya Shukulu Kalunga Njambi yange, co nalumo lwai lalo akatundamo. Co njikasoneka ali ikeye lizina lya Njambi yange, na lizina lya nganda ya Njambi yange, ikeyo Yelusalema yaiha, ije ikashuluka kutunda mwilu kuli Njambi yange. Co lalo njikasoneka ali ikeye lizina lyange lyaliha.