Ngalatiya 2:7 - Livulu lya Shukulu Kalunga

⁷ Oloni mu ngila ikwavo, vamwene ngeci Njambi nanjana vipangi vyakwambulula muzimbu kuli vaje kesi vaYunda, ngwe mwanene Petulu vipangi vyakwambulula muzimbu kuli vaYunda.

Ngalatiya 2:7 Iomraidhean Croise

Vilinga vya Miluwa 15:12

Mbunga yoshe volokele kuluu omo vazivile Mbanambase na Paulu vaana vukaleo vwoshe vwa vizivukiso na vikomokeso vije vyalingile Njambi muli vakevo ali vaje kesi vaYunda.

Vilinga vya Miluwa 18:6

Omo vamulwisile nakumwendeka vyuma vyavivi, co watotomwene likungu ku vinanga vyendi wendekele kuli vakevo ngwendi, “Nga munazimbala, unapu mulonga weni vavenya! Yange kunjesi na mulonga wai. Kutunda ku litangwa lya lelo nakutwala kulutwe njiya kuli vaje kesi vaYunda.”

Vilinga vya Miluwa 28:28

Co Paulu wamanesele kwendeka ngwendi, “Munapande kuzivuka ngweni, muzimbu wa Njambi wakwovola vanautumu kuli vaje kesi vaYunda. Vakautolilila!”

Vilinga vya Miluwa 9:15

Oloni Mwene wendekele kuli ikeye ngwendi, “Ya, omwo njinamwangula ngeci anjipangele, mukusholola lizina lyange kuli vaje kesi vaYunda na kuli vimyene na kuli vanu va Isalele.

Loma 1:5

Muli ikeye Njambi wanjanene vije vyanjipande mukupwa muluwa omwo ali Kilistu, mukutwamenena miyati yoshe kukukulaela nakukwononoka.

Loma 11:13

Njilinakwendeka ololo kuli yeni kesi vaYunda ngwange, ngwe omo njinapu muluwa kuli vaje kesi vaYunda, njikalyalesa mu vipangi vyange.

1 Kolinte 9:17

Omwo nga njilinga vipangi vyange ngwe akwangula kwange vavenya, nga njasa kutambula fweto, oloni njilinakupanga ngwe vipangi vyange vije vinanjipande, omwo Njambi nanjikundika cipangi eci.

Ngalatiya 1:16

kusholola Munendi kuli yange, ngeci njambulule Vin̄anda Vyavivwa kuli vaje kesi vaYunda, kunjaile kuli munu umo mukunjinangula embwe,

Ngalatiya 1:18

Kwetile myaka itatu, co njaile ku Yelusalema kukaziva muzimbu kuli Petulu, co njatumbamane nendi visimano vivali.

Ngalatiya 1:6

Njakomoka kuli yeni! Mu simbu yaindondo yeni voshe munatundu kuli uje wamisanene na kutetela kwa Kilistu, co munatava ku muzimbu weka lalo.

Ngalatiya 2:11

Oloni omo Petulu wezile ku Antyoke, njamupopolwele ku mesho a mbunga, omwo waviisile.

Ngalatiya 2:14

Oloni omo njamwene ngeci kuvakele nakwenda mu ngila yaivwa ya vushunga vwa muzimbu, co njendekele kuli Petulu ku mesho avo voshe ngwange, “Yove unapu u kaYunda, oloni unakala nakuyoya ngwe uje kesi kaYunda, kesi ngwe kaYunda. Ngecivene, vati wasa kusindiiya vaje kesi vaYunda ngeci vayoye ngwe vaYunda?”

Ngalatiya 2:9

Yakomba, Petulu na Yowano, vaje vapwile vantwama, vamwene ngeci Njambi nanjana vipangi evi vyavivwa, co vatukwatele mu mavoko yange na Mbanambasa, kupwa cimweso ngeci yetu voshe twapwile vaka-kupangela amo. Twalizivasanene ngeci Mbanambasa nange tuye kuli vaje kesi vaYunda, co vakevo vaye kuli vaYunda.

1 Tesalonika 2:4

Oloni visimbu vyoshe tulinakwendeka ngwe muje Njambi ashaka ngeci tulinge, omwo natusompela yetu ngeci twafwilamo kwambulula Vin̄anda Vyavivwa. Kutushaka kweseka kuvwaelelesa vanu, oloni kuvwaelelesa Njambi, uje muka-kweseka vimbunge vyetu.

1 Timateo 1:11

Kulongesa oku tuciwana mu lijwi lije livanjikundikile mukulyambulula, Vin̄anda Vyavivwa vyakutunda kuli Njambi wa vumpau nakuvezika.

1 Timateo 2:7

omwo eci cikeco cuma vanjangwilile kupwa muluwa na mulongisi kuli vaje kesi vaYunda, nakwambulula lijwi lyakukulaela na lya vushunga. Kunjendeka makuli embwe, njilinakumileka vushunga!

2 Timateo 1:11

Njambi nanjangula kupwa muluwa na mulongisi mukwambulula Vin̄anda Vyavivwa,

2 Petulu 3:15

Kengeni ku lukakateya lwa Mwene yetu ngwe ku simbu yanamyana ngeci mukovoke, ngwe muje mwamisonekelele Paulu musamba wetu itwazema, mukupangesa mana aje amwanene Njambi.