Ngalatiya 2:20 - Livulu lya Shukulu Kalunga

²⁰ Vananjishukika amo na Kilistu, ngecivene, kesi yange lalo njiyoya embwe, oloni Kilistu ikeye ayoya muli yange. Co mwonyo ou njilinakuyoya nawo ololo, njilinakuyoya akukulaela kuli Muna Njambi, uje wanjizemene, co walyanene ikeye vavenya omwo yange.

Ngalatiya 2:20 Iomraidhean Croise

Myaso ya Solomoni 7:10

Njakundama kuli muka-cizemo cange, co ikeye wanjishaka manene.

Mateo 20:28

nameme Muna Munu kezile ngeci vanu vamupangele embwe, oloni wezile mukupanga, nakwana mwonyo wendi ngeci apatule vanu vavangi.”

Mateo 4:3

Co Liyavola wezile kuli ikeye wendekele ngwendi, “Nga u Muna Njambi, shika mamanya awa ngeci alimuke makende.”

Yowano 1:49

Natanele wamukumbulwile ngwendi, “Mulongisi, yove unapu u Muna Njambi! Yove Mwene wa Isalele!”

Yowano 10:11

“Yange kanyungi wamuvwa, kanyungi wamuvwa ali na cizango cakutsila vimanga.

Yowano 15:13

Cizemo cakama manene kutuvakana eci munu asa kukala naco ali vavusamba vendi cikeco kutula mwonyo wendi ali vakevo.

Yowano 17:21

Njivalombelela ngeci voshe vapwe umo. Ove Tate! Vakale muli yetu, ngwe omo yove wakala muli yange nange muli yove. Vapwe umo, ngecivene, vaka-kaye vakakulaele ngwavo kuma yove wanjitumine.

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Yowano 3:35

Ishe wazema Mwana, co naaka vyuma vyoshe mu mavoko endi.

Yowano 6:57

Tate wakuyoya ikeye wanjitumine, omwo ikeye ngeci yange njilinakuyoya lalo. Mu cifwa cimolika uje anjilya akayoya omwo yange.

Yowano 6:69

Co tunakulaela nakuzivuka ngwetu yove Wakujela uje watunda kuli Njambi.”

Vilinga vya Miluwa 8:36

Co omo vakele nakushelumuka mu ngila, co vetele ku mutambela umo kuje kwakele mema, co uje mukulunu wendekele ngwendi, “Kenga, mema awa. Vika lalo vyasa kunjivindika kunjimbwitika?”

Vilinga vya Miluwa 9:20

Co waile ku masinangonge washangumukile kwambulula ngeci Yesu ikeye Muna Njambi.

Loma 1:17

Omwo muzimbu wauvwa usholola vati Njambi nalingisa vanu ngeci vapwe vaka-vushunga ku mesho endi, cinapu mukukulaela kutunda ku shongo nakweta ku mamaneselelo. Ngwe muvyendeka visoneka ngwavyo, “Munu uje ivanapwisa muka-vushunga ku mesho a Njambi akukulaela akayoya.”

Loma 14:7

Naumo wai wetu waliyolela endi lika, naumo wai wetu walitsila endi lika.

Loma 3:22

Njambi alingisa vanu ngeci vapwe vaka-vushunga akukulaela kwavo kuli Yesu Kilistu. Njambi alinga eci kuli voshe vaje vakulaela kuli Kilistu, omwo kumwesi kaangu kai,

Loma 4:25

Vamwecelele ngeci atse omwo vivi vyetu, co vamusangwile ngeci vatupwise vaka-vushunga ku mesho a Njambi.

Loma 5:2

Ali ikeye natulingisa ngeci tuzivuke kutetela kwa Njambi, kuje tulinakuyoyela ololo. Co tulinakulishasha mu cinyangavili tulinaco cakutambula vumpau vwa Njambi!

Loma 5:6

Omwo a simbu ije twapwile tuvakuzeya, Kilistu watsililile vaka-vuvi a simbu ije yaangwile Njambi.

Loma 5:8

Oloni Njambi nasholola cizemo cendi cakama kuli yetu, omo a simbu ije twapwile tu vaka-vuvi Kilistu watutsililile!

Loma 6:13

Nambe vilyo vyeni kesi muvyecele ku vuvi mukuvipangesa mu vyuma vya kupenga-penga. Oloni likundikeni kuli Njambi, ngwe vanu vaje vavanatundisa ku kutsa nakuvatwala ku mwonyo, co kundikeni vilyo vyeni vyoshe kuli Njambi ngeci vavipangese mu vyuma vya vushunga.

Loma 6:8

Oloni nga tunatsi muli Kilistu, tunakulaela ngwetu tukayoya lalo amo nendi.

Loma 8:10

Oloni nga Kilistu ali muli yeni, nameme mivila yeni inapu ya kutsa omwo vuvi, oloni Munzinzime napu mwonyo muli yeni omwo vanamipwisa vaka-vushunga ku mesho a Njambi.

Loma 8:37

Embwe, mu vyuma vyoshe evi yetu tunahyana muli ikeye uje watuzemene!

1 Kolinte 6:17

Oloni uje alikumbasana na Mwene apwa mumolika nendi mu munzinzime.

2 Kolinte 1:24

Kesi ngwe tulinakumisindiya vije munapande kukulaela embwe, omwo yetu twazivuka ngeci yeni munemana mbe mukukulaela. Oloni tulinakupanga amo neni mukumivwaelelesa.

2 Kolinte 10:3

Mwa vushunga vene tulinakuyoyela mu kaye kano vene, oloni kesi ngwe tulinakulwa ngwe ku futisi ya kano kaye embwe.

2 Kolinte 11:10

A vushunga vwa Kilistu vuje vuli muli yange, njimikulaesa ngwange kulishasha kwange oku kuvakasa kucolwesa mu lifuti lya Akaya.

2 Kolinte 13:3

Mushaka cizivukiso ca Kilistu uje alinakwendeka muli yange. Uje kekuzeya akati ketu, oloni napu muka-nzili.

2 Kolinte 13:5

Lyesekeni yeni vavenya nakuliilula nga munapu vaka-kukulaela. Kuma mwa vushunga mwazivuka ngeci Kilistu Yesu ali muli yeni ndi? Nga kesi ngacije, co munonwa vene.

2 Kolinte 5:14

Omwo cizemo ca Kilistu cinatushwana, co ololo tunananguka ngeci munalume umo watsililile vanu voshe, eci cinalumbunuka ngeci vanu voshe vanatambula ku kutsa kwendi.

2 Kolinte 5:15

Co watsililile vanu voshe, ngecivene, vaje valinakuyoya kuvapandele kuliyoyela vakevo vavenya embwe, oloni vanapande kuyoyela kuli uje wavatsililile, co vamusangwile omwo yetu.

2 Kolinte 5:7

Omwo mwonyo wetu uli akukulaela lika, kesi wakumona na mesho embwe.

Ngalatiya 1:4

Uje walyecele ikeye vavenya omwo vuvi vwetu, ngeci atwamene ku simbu ino yaivi, ngwe ku cizango ca Njambi Tatetu,

Ngalatiya 2:16

Oloni twazivuka ngeci munu apwa muka-vushunga ku mesho a Njambi akukulaela lika kuli Yesu Kilistu, kesi ngwe mukulinga vije vishakiwa ku Majwi a Lishiko embwe. Netu lalo tunakulaela kuli Kilistu vatupwise vaka-vushunga ku mesho a Njambi akukulaela kuli Kilistu, kesi ngwe mukulinga vije vishakiwa ku Majwi a Lishiko embwe. Omwo ku vilinga vya mashiko munu naumo wai akovoka.

Ngalatiya 3:11

Ololo casholoka vushunga ngeci naumo wai ivanapwisa muka-vushunga ku mesho a Njambi akunyunga Majwi a Lishiko, omwo visoneka vyendeka ngwavyo, “Kuvanga lika munu uje ivanapwisa muka-vushunga ku mesho a Njambi akayoya akukulaela.”

Ngalatiya 5:24

Co voshe vaje vanakundama kuli Kilistu Yesu vanatsii cisemwa cavo ca vunu na mashungu aco oshe.

Ngalatiya 6:14

Ngwe ali yange, nameme ngoco, yange njikalyalesa lika a cilindakano ca Mwene yetu Yesu Kilistu, omwo a cilindakano cendi kaye kanatsi kuli yange, co yange lalo njinatsi ku kaye.

Efeso 3:17

co njilomba ngwange Kilistu akale mu vimbunge vyeni akukulaela. Njilomba ngwange mushalave mizi na luvula lweni mu cizemo,

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Efeso 5:25

Eni vanalume, zemeni vanakazi veni, ngwe Kilistu mwazemene cikungulukilo, co wanene mwonyo wendi omwo cikeco.

Filipu 1:21

Omwo mwonyo unapu vikajo? Kuli yange unapu Kilistu! Ngecivene, kutsa cikapwa nganyo kuli yange.

Filipu 4:13

Njasa kulinga vyuma vyoshe a nzili ije yananjana Kilistu.

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

1 Tesalonika 1:10

nakuvandamena Munendi omo akaija kutunda mwilu, Munendi Yesu, uje yasangwile ku vatsi, co akatupatula ku vukalu vwa Njambi vuje vulinakwija.

1 Tesalonika 5:10

uje watutsililile ngeci tukayoye amolika nendi, nambe tuyoya nambe tutsa omo akaija.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

VaHevelu 8:3

Muka-kukombelela woshe wakama vanamwimika mukwana vwana nakukombelela n̄ombelo ya tusitu kuli Njambi, co lalo muka-kukombelela wetu wakama napande kukala na cuma cimo cakukombelela.

1 Petulu 1:8

Yeni mwamuzema, nambe kumwamumwene, mwamukulaela, nambe a simbu ino kumwamumwene. Ngecivene, mulinakujolela na mbwase yakama ya vumpau ije kutwasa kuyitumbula,

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.

1 Yowano 4:14

Co tunamono nakuleka veka ngwetu Tate natumu Munendi kupwa Muyoyesi wa vaka-kaye.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,

Kujombolola 3:20

Tolilila! Njinemana ku lipito nakutota, nga umo aziva lijwi lyange nakushokolola lipito, njikakovela mu njuvo yendi nakulya amo nendi, na ikeye lalo akalya amo nange.