Ngalatiya 2:16 - Livulu lya Shukulu Kalunga

¹⁶ Oloni twazivuka ngeci munu apwa muka-vushunga ku mesho a Njambi akukulaela lika kuli Yesu Kilistu, kesi ngwe mukulinga vije vishakiwa ku Majwi a Lishiko embwe. Netu lalo tunakulaela kuli Kilistu vatupwise vaka-vushunga ku mesho a Njambi akukulaela kuli Kilistu, kesi ngwe mukulinga vije vishakiwa ku Majwi a Lishiko embwe. Omwo ku vilinga vya mashiko munu naumo wai akovoka.

Ngalatiya 2:16 Iomraidhean Croise

Yombi 25:4

Kuma munu asa kupwa muka-vushunga, nambe kupwa wakujela ku mesho a Njambi ndi?

Yombi 9:29

Vananjihisa laja, vikajo lalo njundanganena?

Myaso 143:2

Kesi usompese yange ngamba yove, omwo kukwesi umo wa kulongwa kuli yove.

Yowano 20:31

Oloni evi vanavisoneka ngeci mukulaele ngweni Yesu ikeye Wakuvwavesa, Muna Njambi, co akukulaela kuli ikeye mukale na mwonyo.

Vilinga vya Miluwa 4:12

Kutwasa kuwana kwovoka muli weka lalo embwe, omwo kukwesi lizina lyeka muno mu kaye lyanaana Njambi ku vanu litunapande kwovokelamo.”

Loma 1:17

Omwo muzimbu wauvwa usholola vati Njambi nalingisa vanu ngeci vapwe vaka-vushunga ku mesho endi, cinapu mukukulaela kutunda ku shongo nakweta ku mamaneselelo. Ngwe muvyendeka visoneka ngwavyo, “Munu uje ivanapwisa muka-vushunga ku mesho a Njambi akukulaela akayoya.”

Loma 3:30

Omwo Njambi wapwa umolika, co alingisa vaYunda kupwa vaka-vushunga ku mesho endi akukulaela kwavo, co na vaje lalo kesi vaYunda avapwisa vaka-vushunga akukulaela kwavo.

Loma 4:2

Omwo nga ikeye vamupwisile muka-vushunga ku mesho a Njambi a vyuma vije vyalingile, nga wapandele kulishasha, oloni kalishashele ku mesho a Njambi.

Loma 4:24

Vawasonekelele lalo yetu vavalavela kupwa vaka-vushunga, vaje vanakulaela kuli ikeye uje wasangwile Mwene yetu Yesu ku vatsi.

Loma 8:3

Omwo cije Lishiko kucasele kulinga, omwo vusitu vwapwile vwakuzeya, Njambi wacilingile. Wahisile vuvi mu vusitu akutuma Munendi, uje wezile mu cifwa ngwe cifwa cetu ca vusitu, mukutundisa vuvi.

Loma 9:30

Ngecivene, twendeka ngwetu vaje kesi vaYunda, vaje kuvalipwisile vakevo vavenya vaka-vushunga ku mesho a Njambi, vavapwisile vaka-vushunga ku mesho endi akukulaela,

1 Kolinte 6:11

Vamo veni mwafwile ngacije. Oloni vanamijelesa ku vuvi, vanamikundika kuli Njambi, vanamipwisa vaka-vushunga ku mesho a Njambi ali Mwene Yesu Kilistu na ali Munzinzime wa Njambi yetu.

Ngalatiya 4:5

mukukula vaje vali mwisi ya Mashiko, ngeci tupwe tu vana va Njambi.

Ngalatiya 5:4

Vaje veni veseka kulipwisa vaka-vushunga ku mesho a Njambi akwononoka Mashiko vanavatukiya vakevo vavenya nakutunda kuli Kilistu. Munatundu ku kutetela kwa Njambi.

Filipu 3:9

ngeci njikale muli ikeye. Yange kunjesi na vushunga vwange vavenya vwai, vuje vasa kuwana akwononoka Lishiko. Ololo njili na vushunga vuje vananjana akukulaela lika kuli Kilistu, vushunga vuje vutunda kuli Njambi, co nsina yavwo inapu kukulaela.

1 Petulu 1:2

Yeni vamyangwile ku cizango ca Njambi Tatetu, co vamijelesele na Munzinzime wendi ngeci mwononoke kuli Yesu Kilistu nakumijelesa na maninga endi. Kutetela na kwoloka vikale amo neni.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

2 Petulu 1:1

Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.

Kujombolola 7:9

Munima yevi njakengele, co njamwene mbunga yakama, naumo wai wasele kulava vanu voshe vaje! Vatundile ku miyati yoshe na ku mafuti oshe na ku vanu voshe na ku vindaka vyoshe, co vemanene kulutwe lwa litanda na kulutwe lwa Muna Manga, vazalele vuzalo vwakutoka, co vakwatele minango ya mashakavale mu mavoko avo.